Numeri 31:15 - Siswati 1996 Bible

¹⁵ Wababuta watsi: “Nibayekele bonkhe yini labasikati nangete nababulala?

Numeri 31:15 Referencias Cruzadas

Jeremiya 48:10

“Akacalekiswe umuntfu loyeketsisako ekwenteni umsebenti waSimakadze! Akacalekiswe umuntfu lokhweshisa inkemba yakhe ekucitseni ingati!

Hezekeli 9:6

Bulalani nicedze emadvodza lamadzala, nemajaha, netintfombi, nebafati, nebantfwana, kodvwa ningatsintsi namunye loneluphawu. Calani endlini yami lengcwele.” Ngako bacala ngebaholi lababesembikwelithempeli.

Numeri 31:14

Mosi wabatfukutselela labaholi bemphi, baholi betinkhulungwane nebemakhulu labancandzeka emphini.

Dutheronomi 2:34

Ngaleso sikhatsi sawatsatsa onkhe emadolobha akhe, sawabhubhisa onkhe, nemadvodza, nebafati, nebantfwana. Akuzange kusale ngisho namunye.

Dutheronomi 20:13

Uyawutsi Simakadze Nkulunkulu wenu angaletfula etandleni tenu, bese nibulala onkhe emadvodza lakulelo dolobha.

Dutheronomi 20:14

Kuyawutsi bafati, nebantfwana, netifuyo, nako konkhe lokunye lokukulo lelo dolobha nititsatsele kona kube yimphango yenu. Ningayisebentisa leyo mphango yetitsa tenu Simakadze Nkulunkulu wenu lanipha yona.

Joshuwa 10:40

Ngako Joshuwa wasincoba sonkhe leso sifundza, ngisho nelive letintsaba imbala, nelaseNegevu, lekuyiningizimu yelive, nematsafa langasenshonalanga, nemacele etintsaba kanye nawo onkhe emakhosi akhona. Kwabate ngisho namunye lowasindza. Wabhubhisa bonkhe bantfu bakuleto tindzawo, njengobe Simakadze Nkulunkulu wema-Israyeli abeshito.

Joshuwa 11:14

Ema-Israyeli atitsatsela yonkhe imphango kanye netifuyo talamadolobha; kodvwa bonkhe bantfu babacedza ngelusiko lwenkemba, baze baphela bonkhe, kwabate ngisho namunye lowasala aphila.

Joshuwa 6:21

Babhubhisa konkhe lokwakungekhatsi kwelidolobha, emadvodza nebafati, labancane nalabadzala, tinkhomo, netimvu, netimbongolo, ngelusiko lwenkemba.

Joshuwa 8:25

Ngalelo langa kwafa ti-12 000, emadvodza nebafati, bonkhe kubantfu base-Ayi.

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”