Numeri 30:13 - Siswati 1996 Bible

¹³ Indvodza yemfati iyawutinyembenya nome iticinise tincumo temfati wayo latentile nome-ke ngusiphi sifungo lasentile kutsi angatenti tintfo letitsite.

Numeri 30:13 Referencias Cruzadas

Ezra 8:21

Ngakhona lapho emseleni i-Ahava ngamemetela kutsi akuzilwe, khona sitewutitfoba embikwaNkulunkulu wetfu sicela kutsi asiphephise endleleni yetfu, nebantfwabetfu kanye nato tonkhe timphahla tetfu.

Tihlabelelo 35:13

Kantsi nakugula bona, mine ngembatsa inzilo; umphefumulo wami ngawugongonya ngekuzila, noko ngacinisela ekuthandazeni.

Isaya 58:5

Ngiyona leyo yini inhlobo yekuzila kudla lengiyikhetsile mine, lilanga linye nje kutsi indvodza ititfobe? Lokuzila kwekutsi umuntfu akhotsame nje kuphela yini, ngekubhekisa inhloko phansi njengemhlanga, nekutsi embatse emasaka atitsele ngemlotsa? Nguloko-ke yini nine lenitsi kuzila kudla, lilanga lelemukelekile kuSimakadze?

Levithikusi 16:29

“Lona-ke ngumtsetfo lekufanele niwugcine titukulwane ngetitukulwane: Ngelilanga lelishumi enyangeni yesikhombisa ema-Israyeli, nebetive labasemkhatsini wenu kufanele bazile, bangadli, bangasebenti,

Levithikusi 23:27

“Ngelilanga lelishumi lalenyanga yesikhombisa kuyawuba Lilanga Lenhlawulo Yekubuyisana kuSimakadze. Kini lelo langa kuyawuba lemkhosi longcwele. Niyawutitfoba ngekutsi niletse umnikelo lowentiwa ngemlilo kuSimakadze.

Levithikusi 23:32

Lelo kuyawuba liSabatha kini lekuphumula leniyawutitfoba ngalo; ngelilanga lemfica kuleyo nyanga kusukela nakuhwalalako kuze kube ngunakuhwalalako ngelilanga lelishumi kuyo leyo nyanga, niyawulitsatsa ngekutsi lilanga lekuphumula lelimcoka, ningenti lutfo.”

Numeri 29:7

“ ‘Ngelilanga lelishumi lalenyanga yesikhombisa niyawuba nemhlangano longcwele; ningadli, ningasebenti.

Numeri 30:12

Kodvwa nangabe indvodza yakhe imalela kutsi atifeze leto tetsembiso netincumo takhe ngesikhatsi iva ngato, leto tetsembiso netincumo takhe latishito ngemlomo wakhe atiyikuma. Indvodza yakhe itawube itente lite, Simakadze uyakumkhulula kuto.

Numeri 30:14

Kodvwa nangabe indvodza yakhe ingasho lutfo kuye ngaso emalanga ngemalanga, kusho kutsi iyavumelana nesincumo nome setsembiso latibophe ngaso. Iyavuma ngekuthula ingasho lutfo ngato kuye nayitjelwa ngato.

1 kubaseKorinthe 11:3

Kepha-ke ngitsandza kutsi nati kutsi, inhloko yawo onkhe emadvodza nguKhristu, nenhloko yemfati yindvodza, nenhloko yaKhristu nguNkulunkulu.

1 kubaseKorinthe 11:9

Futsi indvodza ayidalelwanga umfati, kodvwa ngumfati lowadalelwa indvodza.

1 kubaseKorinthe 7:5

Ningagodlelani, kuphela kube kwesikhatsi lesitsite nje, kuye ngekuvumelana kwenu kutsi nitfole litfuba lekuthandaza kahle, nibuye nihlangane futsi, kuze Sathane anganilingi ngekwehluleka kwenu kutibamba.