Numeri 3:25 - Siswati 1996 Bible

²⁵ Umsebenti wemaGeshoni ethendeni lekuhlangana kuyawuba kunakekela lithende lekukhontela, nelithende, netimbonyo talo, nendvwangu lesemnyango welithende lekuhlangana,

Numeri 3:25 Referencias Cruzadas

1 Tikhronike 23:32

Ngako-ke emaLevi awenta umsebenti lamiselwe wona ethendeni lekuhlangana, nasendzaweni lengcwele, bangaphansi kwabomnakabo, batukulu ba-Aroni, enkonzweni yasethempelini laSimakadze.

2 Tikhronike 31:2

Hezekiya wabela baphristi nemaLevi imisebenti yabo ngeticheme tabo, nguleso naleso sicheme njengekwemsebenti waso: Bekungumsebenti wekunikela iminikelo yekushiswa neyebudlelwane, nemsebenti wekukhonta, newekubonga, newekuhlabela tingoma tekudvumisa emasangweni endzawo yaSimakadze yekuhlala.

Eksodusi 25:9

Nawakha lendlu lengcwele nato tonkhe timphahla tayo, ubokwenta konkhe ngendlela lengitakukhombisa yona.”

Eksodusi 40:19

Wase uyakumbonya konkhe loko ngetimbonyo leto letehlukene, njengobe Simakadze abemyalile.

Eksodusi 40:28

Indvwangu wayilengisa ekungeneni kwelithende lekukhontela,

Numeri 1:50

Esikhundleni saloko, beka emaLevi kutsi aphatse lelithende lesivumelwane nako konkhe lokukulo lokuhambisana nalo. Kufanele etfwale lelithende nato tonkhe timphahla letihambisana nalo; yebo, kufanele alinakekele, ente inkonzo kulo, akambe emathende awo alitungelete.

Numeri 10:17

Kwase kufutwa lelithende lekukhontela, emadvodzana akaGeshoni newakaMerari labenguwona etfwala lithende, aphuma ahamba.

Numeri 3:24

Umholi wetinsendvo temaGeshoni kwaba ngu-Eliyasafa, umsa waLayeli.

Numeri 3:7

Kufanele emaLevi ente imisebenti letsite entele yena kanye nesive sonkhe sema-Israyeli ethendeni lekuhlangana nakakhonta ethendeni.

Numeri 7:7

EmaGeshoni wawanika tincola letimbili netinkhabi letine njengekwesidzingo semsebenti wawo;

Makho 13:34

Kufanana nendvodza leyayitawuya khashane; yatsi nase itawusuka ekhaya, yabeka tisebenti tayo etikhundleni tato, nguleso nemsebenti waso lotsite. Yayala umgcini welisango kutsi alindze kahle.

KubaseKholose 4:17

Nitjele Akhipho nitsi: “Caphela kufeza lowo msebenti lowawemukela eNkhosini.”

1 kuThimothi 1:18

Thimothi, ndvodzana yami, ngikwetfwesa lomtfwalo ngikhumbula tiphrofetho letaticondziswe kuwe, ngitsi: Lwani ngato kulwa lokuhle