Numeri 3:12 - Siswati 1996 Bible

¹² “Sive semaLevi ngisikhetse emkhatsini wato tonkhe tive tema-Israyeli esikhundleni sematubulo awo onkhe lavula sitalo semadvodzakati ema-Israyeli. EmaLevi ngewami,

Numeri 3:12 Referencias Cruzadas

Eksodusi 13:2

“Nikela kimi ngako konkhe kwematubulo. Konkhe lokuvula sitalo kuma-Israyeli, nome kwebantfu nome kwesifuyo, kwami.”

Numeri 18:6

Mine matfupha ngikhetse labazalwane bakho labangemaLevi emkhatsini wema-Israyeli kutsi babe sipho kini, banikelwe kuSimakadze kutsi bente umsebenti welithende lekuhlangana.

Numeri 3:11

Simakadze wachubeka wakhuluma kuMosi, watsi:

Numeri 3:41

Ngitsatsele emaLevi esikhundleni sawo onkhe ematubulo esive sema-Israyeli, netinkhomo temaLevi esikhundleni sematubulo onkhe etifuyo tema-Israyeli. NginguSimakadze.”

Numeri 3:45

“Ngitsatsele emaLevi esikhundleni sawo onkhe ematubulo esive sema-Israyeli kanye nematubulo etifuyo tawo, ninikele ngetifuyo temaLevi esikhundleni sematubulo etifuyo taka-Israyeli. EmaLevi ayawuba ngewami. NginguSimakadze.

Numeri 8:14

Uyakuwehlukanisa kanjalo-ke emaLevi emkhatsini wesive sema-Israyeli; lamaLevi atawuba ngewami.

Numeri 8:16

Bona bangema-Israyeli lekufanele nginikwe wona ngalokuphelele. Ngititsatsele wona kutsi abe ngewami esikhundleni sematubulo onkhe latalwa ngiso sonkhe sive sema-Israyeli.

Numeri 8:18

Ngititsatsele emaLevi esikhundleni sawo onkhe ematubulo esive saka-Israyeli.