Numeri 29:39 - Siswati 1996 Bible

³⁹ “ ‘Ngetulu kweminikelo yenu yesetsembiso neyesihle, niyakwentela Simakadze ngetikhatsi temikhosi yenu leminikelo lelandzelako: iminikelo yenu yekushiswa, neminikelo yenu yalokutinhlavu, neminikelo yenu yesinatfo kanye neminikelo yenu yekuthula.’ ”

Numeri 29:39 Referencias Cruzadas

1 Tikhronike 23:31

nangato tonkhe tikhatsi nakwentiwa iminikelo yekushiswa kuSimakadze ngemaSabatha, nangemikhosi yekwetfwasa kwenyanga, nangemikhosi nje leminye lemisiwe. Babefanele kukhonta embikwaSimakadze njalo nje, babe sibalo lesitsite futsi bakhonte ngaleyo ndlela labanikwe yona.

2 Tikhronike 31:14

Khore, umsa waJimna, umLevi, umgadzi weLisango langaseMphumalanga, yena abengamele leminikelo yesihle leyayiletfwa kuNkulunkulu, nguye bekaba iminikelo leletfwa kuSimakadze kanye netipho letingcwele.

2 Tikhronike 31:3

Inkhosi yanikela ngetayo timphahla eminikelweni yekushiswa, yasekuseni neyasentsambama, naseminikelweni yekushiswa yemaSabatha, neyekwetfwasa kwenyanga, neyemikhosi lemisiwe, njengobe kubhaliwe emtsetfweni waSimakadze.

Ezra 3:4

Bagubha uMkhosi wemaDlangala, njengobe kubhaliwe, kwentiwa yonkhe iminikelo yekushiswa lekwakufanele yentiwe ngalelo nangalelo langa.

Ezra 3:5

Emvakwaloko, base banikela ngeminikelo leshiswa samuku, lenikelwa njalo, nemihlatjelo yekwetfwasa kwenyanga kanye nayo yonkhe imihlatjelo leyayimiselwe kutsi yentiwe kuyo yonkhe imikhosi yaSimakadze, kanye naleyo leletselwa kutsi ibe ngimihlatjelo yesihle kuSimakadze.

Nehemiya 10:33

tesinkhwa sekubekwa etafuleni, netemnikelo wafutsi walokutinhlavu kanye neteminikelo yekushiswa ngemlilo, neteminikelo yemaSabatha, neyemikhosi yekwetfwasa kwenyanga, netemikhosi leyemiswa, neteminikelo lengcwele neteminikelo yetono yekwenta kubuyisana kwema-Israyeli naNkulunkulu, netayo yonkhe nje imisebenti yasendlini yaNkulunkulu wetfu.

Isaya 1:14

Emadzili enu ekwetfwasa kwenyanga nalawo madzili leniwenta ngetikhatsi tawo umphefumulo wami uyawatondza. Asangumtfwalo kimi; sengidziniwe kuwetfwala.

Levithikusi 23:2

“Tjela sive sema-Israyeli utsi: ‘Lena-ke ngimikhosi yami lengiyimisile, lekufanele ema-Israyeli ayatise kutsi ingcwele.

Levithikusi 23:28

Ngalelo langa aniyiwutsintsa lutfo lolungumsebenti, ngobe kuLilanga Lenhlawulo Yekubuyisana kuSimakadze lekutsi nibuyisane ngenhlawulo kuSimakadze longuNkulunkulu wenu.

Levithikusi 23:38

Ngaphandle kweliSabatha laSimakadze nangaphandle kwetipho tenu kanye naleminye nje iminikelo lenitentela yona ngetetsembiso neminikelo yenu yesihle leniyinikela kuSimakadze.

Levithikusi 7:11

“ ‘Lena-ke ngimitsetfo lecondzene neminikelo yekuthula lenikelwa kuSimakadze.

Amose 5:22

Ngisho nome ningangiletsela imihlatjelo yekushiswa kanye neminikelo yalokutinhlavu, ngingeke ngiyemukele. Ngisho nome ningaletsa iminikelo yebudlelwane yelikhetselo, ngingeke ngiyinake.

Numeri 28:2

“Yala sive sema-Israyeli utsi: ‘Caphelani kutsi niletse kimi ngesikhatsi lesimisiwe kudla lokungumnikelo wami lowentiwa ngemlilo, kube liphunga lelinuka lusi lolumnandzi kimi.’

Numeri 29:38

Nibengeta ngembuti yinye lendvuna kube ngumnikelo wesono, ngetulu kwalomnikelo wekushiswa lowentiwa onkhe emalanga nemnikelo wawo walokutinhlavu newesinatfo.

Numeri 29:40

Mosi wawatjela ema-Israyeli konkhe loko Simakadze abemtfume kona.

Numeri 6:21

Lona-ke ngumtsetfo wemNaziri lowenta sifungo. Umnikelo wakhe kuSimakadze uyakuya njengekwetsembisa kwakhe njengemNaziri ngetulu kwaloko langakhona kunikela ngako. Kufanele agcwalise sifungo sakhe lasentile njengekwemtsetfo wemNaziri.’ ”

1 kubaseKorinthe 10:31

Imphendvulo yami itsi: Nome niyadla, nome niyanatsa, nome nentani-ke lokunye, konkhe akwentelwe ludvumo lwaNkulunkulu.

Dutheronomi 12:6

nimikise iminikelo yenu yekushiswa nemihlatjelo, nekwelishumi kwenu, netipho tenu leto lenincume ngato kutsi nitatiletsa, neminikelo yenu yesihle kanye nematubulo enu etinkhomo netimvu.