Numeri 28:24 - Siswati 1996 Bible

²⁴ Ngaleyo ndlela niyakwenta umnikelo wekudla lowentiwa ngemlilo onkhe emalanga, kuze kuphelele lamalanga lasikhombisa, kube liphunga lelinuka lusi lolumnandzi kuSimakadze. Uyakwengetelwa ngetulu kwalomnikelo wekushiswa lowentiwa onkhe emalanga kanye nemnikelo wawo wesinatfo.

Numeri 28:24 Referencias Cruzadas

Eksodusi 29:40

Lelizinyane lelitabonikelwa ekuseni libohambisana nemphuphu yakolo locolisakele leyikhilogremu yinye, lebhicwe nelitha yinye yemafutsa emncumo. Utsele ilitha yinye yeliwayini ibe ngumnikelo wesinatfo.

Hezekeli 45:23

Onkhe-ke lawo malanga lasikhombisa lombusi kufanele anikele kuSimakadze tinkunzi letisikhombisa, netihanca letisikhombisa, letingenasiyela, akushise samuku. Kufanele futsi ente umhlatjelo wesiphongo onkhe emalanga kube ngumnikelo wesono.

Levithikusi 3:11

Umphristi utakushisela etikwelilati njengekudla, kube ngumnikelo lowentiwa ngemlilo kuSimakadze.

Numeri 28:3

Shano kubo utsi: ‘Lona ngumnikelo lowentiwa ngemlilo leniyakuwetfula kuSimakadze: emazinyane lamabili lanemnyaka munye budzala langenasiyela, kube ngumnikelo loshiswa onkhe emalanga.

KumaHebheru 10:11

Wonkhe umphristi uma njalo nje aphindzaphindze ente inkonzo yakhe, anikela ngayo yona leyo mihlatjelo lengatisusi tono.