Numeri 28:19 - Siswati 1996 Bible

¹⁹ Niyakwetfula kuSimakadze umnikelo lowentiwa ngemlilo, umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa lanemnyaka munye budzala, onkhe abe ngulangenasiyela.

Numeri 28:19 Referencias Cruzadas

2 Tikhronike 35:12

Behlukanisa iminikelo yekushiswa kuze bayinike letichenyana temindeni yebantfu kutsi bayinikele kuSimakadze, njengobe kubhaliwe encwadzini yaMosi. Benta njalo nangaletinkhomo.

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 22:20

Ningakuletsi lokunesiyela, ngobe kungeke kwemukeleke kutsi kubesesikhundleni senu.

Numeri 28:20

Inkunzana niyawuyilungisa kanye nemnikelo walokutinhlavu longemalitha langaba sitfupha nencenye yafulaha lobhicwe nemafutsa; lesihhanca sibe nemalitha langaba mane nencenye;

Numeri 28:31

Leyo-ke niyawuyenta kanye neminikelo yayo yesinatfo, ngetulu kwalena leshiswa onkhe emalanga neminikelo yayo yalokutinhlavu. Nicaphelisise kutsi letifuyo atinasiyela ngempela yini.’ ”

Numeri 29:8

Niyakwetfula umnikelo wekushiswa ngenkunzana, nesihhanca, nemazinyane etimvu lamadvuna lasikhombisa lanemnyaka munye budzala, onkhe abete siyela, kube liphunga lelinuka lusi lolumnandzi kuSimakadze.

Dutheronomi 15:21

Nangabe sifuyo sichwalile, sichuta nome siyimphumphutse, nome sinesiyela lesibi kabi, ungacali usente umhlatjelo kuSimakadze Nkulunkulu wakho.

Dutheronomi 16:2

Niyakwenta umhlatjelo weliPhasika kuSimakadze Nkulunkulu wenu ngesilwane leniyawusitsatsa emihlambini yenu yetimvu nome yetinkhomo, niwentele endzaweni Simakadze layakuyikhetsela kubeka Libito lakhe.

1 yaPhetro 1:19

kodvwa nahlengwa ngengati leligugu yeliWundlu lelinguKhristu, lelingenacala nalelingenasici.