Numeri 28:11 - Siswati 1996 Bible

¹¹ “ ‘Ngelilanga lekucala enyangeni niyakwetfula kuSimakadze umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa, lanemnyaka munye budzala, nalangenasiyela.

Numeri 28:11 Referencias Cruzadas

2 Emakhosi 4:23

Yabuta yatsi: “Pho, uyelani kuye lamuhla? Isengaketfwasi inyanga, futsi akusilo neliSabatha.” Lomkakhe watsi: “Kulungile.”

1 Tikhronike 23:31

nangato tonkhe tikhatsi nakwentiwa iminikelo yekushiswa kuSimakadze ngemaSabatha, nangemikhosi yekwetfwasa kwenyanga, nangemikhosi nje leminye lemisiwe. Babefanele kukhonta embikwaSimakadze njalo nje, babe sibalo lesitsite futsi bakhonte ngaleyo ndlela labanikwe yona.

2 Tikhronike 2:3

Solomoni watfumela umlayeto kuHiramu, inkhosi yaseThire, watsi: “Ngitfumelele tingodvo temsedari, njengobe wenta kubabe wami Davide, ngesikhatsi umtfumelela tingodvo tekwakha sigodlo, lapho abetawuhlala khona.

2 Tikhronike 2:4

Manje sengifuna kucala kwakha lithempeli, ngakhele Libito laSimakadze Nkulunkulu wami, bese ngilinikela kuye libe lekushisela imphepho kube liphunga lelimnandzi kuye, libe lekubeka sinkhwa lesingcwele, nelekwentela khona iminikelo yekushiswa njalo ekuseni, nasentsambama, nangemaSabatha, nangekwetfwasa kwetinyanga, nangemikhosi lemisiwe yaSimakadze Nkulunkulu wetfu. Leso-ke simiso sema-Israyeli lesiyakuma kuze kube phakadze.

2 Tikhronike 8:13

njengobe kwakumisiwe nguMosi macondzana nayo yonkhe iminikelo yemalanga onkhe, neyemaSabatha, neyekwetfwasa kwenyanga kanye neyemikhosi lemitsatfu yeminyaka leyayimisiwe, uMkhosi Wesinkhwa Lesingenamvubelo, neMkhosi Wemaviki kanye neMkhosi Wemadlangala.

Ezra 3:5

Emvakwaloko, base banikela ngeminikelo leshiswa samuku, lenikelwa njalo, nemihlatjelo yekwetfwasa kwenyanga kanye nayo yonkhe imihlatjelo leyayimiselwe kutsi yentiwe kuyo yonkhe imikhosi yaSimakadze, kanye naleyo leletselwa kutsi ibe ngimihlatjelo yesihle kuSimakadze.

Nehemiya 10:33

tesinkhwa sekubekwa etafuleni, netemnikelo wafutsi walokutinhlavu kanye neteminikelo yekushiswa ngemlilo, neteminikelo yemaSabatha, neyemikhosi yekwetfwasa kwenyanga, netemikhosi leyemiswa, neteminikelo lengcwele neteminikelo yetono yekwenta kubuyisana kwema-Israyeli naNkulunkulu, netayo yonkhe nje imisebenti yasendlini yaNkulunkulu wetfu.

Tihlabelelo 40:6

Awujatjuliswa ngumhlatjelo nemnikelo, kodvwa ujatjuliswa kusebentisa tindlebe longiphe tona. Awuzange sewusho kutsi ufuna umhlatjelo loshiswa samuku, nome umnikelo wekuhlawulela sono.

Tihlabelelo 40:8

Yebo, Nkulunkulu wami, kujabula kwami kusekwenteni intsandvo yakho, imiyalo yakho isenhlitiyweni yami.”

Tihlabelelo 81:3

Vutselani impalampala ekwetfwaseni kwenyanga, nangesikhatsi seyidvulungile ngelilanga lemkhosi wetfu.

Tihlabelelo 81:4

Ngobe loku kusimiso saka-Israyeli, nemtsetfo waNkulunkulu waJakobe.

Isaya 66:23

Kusukela ekwetfwaseni kwenyanga kuye kulelandzelako, nekusukela kulelinye liSabatha kuye kulelinye, bonkhe bantfu bayakuta bakhotsame embikwami,” kusho Simakadze.

Hezekeli 46:1

“ ‘Naku lokushiwo yiNkhosi Simakadze, itsi: Lisango langasemphumalanga lelingenela esibuyeni sangekhatsi kufanele lihlale livaliwe kuwo onkhe lamalanga lasitfupha emsebenti, kodvwa kufanele libovulwa ngeliSabatha nangemikhosi yekwetfwasa kwenyanga.

Hezekeli 46:6

Ngemkhosi wekwetfwasa kwenyanga, uyawunikela ngenkunzana, nangemazinyane etimvu lasitfupha, nangesihhanca, konkhe kungabi nasiyela.

Hezekeli 46:7

Iyinye inkunzana, nesihhanca sisinye lomnikelo kufanele ube nemalitha langaba li-17 nencenye yalokutinhlavu, nemazinyane etimvu kufanele lombusi awelekele nganome yini lafuna kuyinikela. Wonkhe umnikelo walokutinhlavu longangemalitha langaba li-17 nencenye kufanele awengetele ngemalitha langaba mane emafutsa emncumo.

Hoseya 2:11

Ngitayicedza yonkhe lemikhosi yakhe: emadzili akhe eminyaka newekwetfwasa kwenyanga, newemaSabatha akhe, nawo onkhe emadzili akhe lamisiwe.

Levithikusi 1:13

Lomuntfu kufanele ageze loku kwangekhatsi kwayo nemilente yayo; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 1:3

Nangabe anikela ngesilwane kutsi sibe ngumnikelo wekushiswa, kufanele aletse inkunzana lengenasiyela. Kufanele ayinikelele ekungeneni kwelithende lekuhlangana, khona Simakadze atewumemukela.

Levithikusi 1:9

Lomuntfu kufanele ageze loku kwangekhatsi nemilente; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Amose 3:5

Inyoni iyawela yini elugibeni loluphansi emhlabatsini, kungekho leyetsiywe ngako? Sochaka umane atisukele yini phansi, azube kungekho lutfo lolumtsintsile?

Amose 8:5

nikhuluma nitsi: “Ingabe umkhosi longcwele wekwetfwasa kwenyanga uyakwendlula nini, khona sitewutsengisa ngesivuno salokutinhlavu, neliSabatha litawuphela nini, khona sitewutsengisa ngakolo?” Ngaloko nentela kunciphisa tikali nenyuse intsengo, nitewuganga ngekusebentisa tikali letingekho emtsetfweni,

Numeri 10:10

Nangemikhosi yenu yekujabula, ngemkhosi wekwetfwasa kwenyanga lensha nangaleminye imikhosi yekukhonta, niyawushaya emacilongo, nanetfula iminikelo yenu yekushiswa neminikelo yenu yekuthula lenguyona iyawuba sikhumbuto senu embikwaNkulunkulu wenu. Mine nginguSimakadze Nkulunkulu wenu.”

Numeri 28:19

Niyakwetfula kuSimakadze umnikelo lowentiwa ngemlilo, umnikelo wekushiswa wetinkunzana letimbili, nesihhanca sinye, nemazinyane lamadvuna etimvu lasikhombisa lanemnyaka munye budzala, onkhe abe ngulangenasiyela.

KubaseGalathiya 4:10

Senihlonipha emalanga, netinyanga, netikhatsi, neminyaka.

KubaseKholose 2:16

Ngako-ke akubete umuntfu lonilahla ngekudla nangekunatsa, nome ngemikhosi, nangekwetfwasa kwenyanga, nome ngemaSabatha.

KubaseKholose 2:6

Ngako-ke njengobe senemukele iNkhosi Jesu Khristu, hambani nikuye,

1 Samuweli 20:5

Ngako Davide watsi: “Buka la, kusasa kunemkhosi wekwetfwasa kwenyanga, mine kufanele ngidle nenkhosi; kodvwa ase ngimane ngiyewubhaca esigangeni, kuze kube nguntsambama yangemhlomunye.

1 Samuweli 9:12

Abaphendvula atsi: “Ukhona, nilandzela yena nje. Sheshisani manje usandza kufika lamuhla kulelidolobha lakitsi, ngobe bantfu banemnikelo wemhlatjelo lena elatini endzaweni lephakeme.