Numeri 27:18 - Siswati 1996 Bible

¹⁸ Ngako-ke Simakadze wakhuluma kuMosi, watsi: “Tsatsa Joshuwa, umsa waNuni, indvodza lenaMoya, umbeke sandla.

Numeri 27:18 Referencias Cruzadas

Genesisi 41:38

Faro wakhuluma kuletindvuna takhe watsi: “Kodvwa singamtfolaphi umuntfu lofana nalona, lonaMoya waNkulunkulu?”

1 Tikhronike 7:27

naNuni, umsa wakhe, naJoshuwa, umsa wakhe.

Eksodusi 17:9

Mosi wakhuluma kuJoshuwa watsi: “Sikhetsele emadvodza uhambe nawo uyekulwa nema-Amaleki. Mine ngitakwenyuka kusasa ngiye esicongweni seligcuma, ngiphetse indvuku Nkulunkulu langitjela kutsi ngiyiphatse.”

Danyela 5:14

Ngivile kutsi umoya wabonkulunkulu ukuwe nekutsi uyakubona lokusitsekile, unengcondvo kantsi unekuhlakanipha lokugcamile.

Numeri 11:17

Ngitakwehla ngitewukhuluma nawe lapho, ngitsatse lokunye lokukwaMoya lokukuwe ngikunike bona. Batakusita ekwetfwaleni umtfwalo walesive kanye nawe, khona ungetikwetfwala wedvwa.

Numeri 13:16

Ngiwo lawa-ke emabito alamadvodza latfunywa nguMosi kutsi ayewuhlola lelo live. Mosi wetsa Hosheya, umsa waNuni, libito, watsi nguJoshuwa.

Numeri 13:8

esiveni saka-Efrayimu kwakunguHosheya, umsa waNuni;

Numeri 27:23

Wabeka tandla takhe etikwakhe, wamnika sikhundla, njengobe Simakadze abeyale Mosi.

Johane 3:34

Ngobe lowo lotfunywe nguNkulunkulu ukhuluma emavi aNkulunkulu; ngobe Moya akaniki ngekwesilinganiso.

Imisebenti yebaPhostoli 13:3

Emvakwekuzila nekuthandaza babeka tandla etikwabo, base bayabatfuma.

Imisebenti yebaPhostoli 19:6

Kwatsi Pawula asabeka tandla etikwabo, behlelwa nguMoya Longcwele. Bakhuluma ngetilwimi letehlukene baphrofetha.

Imisebenti yebaPhostoli 6:3

Ngako-ke, bazalwane, khetsani emkhatsini wenu emadvodza lasikhombisa leniwatiko kutsi aneludvumo loluhle nalagcwele Moya Longcwele nekuhlakanipha, ngawo-ke lesitakuwanika aphatse lomsebenti.

Imisebenti yebaPhostoli 6:6

Lesicumbi sabaletsa kubaphostoli, babathandazela bababeka tandla.

Dutheronomi 1:37

Simakadze wangitfukutselela ngenca yenu, waze watsi kimi: ‘Nawe ungeke ungene kulo.

Dutheronomi 3:21

“Ngaso leso sikhatsi ngayala Joshuwa, ngatsi: ‘Nawe utibonele ngewakho emehlo konkhe loko Simakadze Nkulunkulu wakho lakwentile kulamakhosi lamabili; utakwenta njalo-ke kuyo yonkhe lemibuso lenisetakwewelela kuyo.

Dutheronomi 3:28

Kodvwa yala Joshuwa, umcinise umkhutsate, ngobe nguye lotakuhola lesive asewetele ngesheya kwemfula; nguye futsi lotabenta badle lelive lolibonako.’

Dutheronomi 31:14

Simakadze wakhuluma kuMosi, watsi: “Manje lilanga lakho selisondzele. Bita Joshuwa ute naye ethendeni lekuhlangana, lapho ngitamnikela khona imiyalo nangimbeka.” Ngako boMosi naJoshuwa beta ethendeni lekuhlangana.

Dutheronomi 31:23

Simakadze wanika lowo myalo kuJoshuwa, umsa waNuni, watsi: “Cina ube nesibindzi, ngobe nguwe lotawungenisa ema-Israyeli eveni lengabetsembisa lona ngesifungo, mine matfupha ngiyawuba nawe.”

Dutheronomi 31:3

Simakadze Nkulunkulu wenu, yena matfupha, uyawuhamba embikwenu ewele kucala kunani. Uyawubhubhisa letive embikwenu, nine niyawudla live lato. Joshuwa-ke naye uyawuhamba embikwenu, ewele kucala kunani, njengobe Simakadze ashito.

Dutheronomi 34:9

Joshuwa, umsa waNuni, abesagcwaliswe ngaMoya wekuhlakanipha, ngobe Mosi abeke wabeka tandla takhe etikwakhe. Ngako-ke sive sema-Israyeli samlalela senta loko Simakadze labeyale Mosi kutsi sikwente.

1 kuThimothi 4:14

Ungasivilapheli sipho sakho lowasinikwa ngelivi lesiphrofetho ngesikhatsi baholi belibandla babeka tandla etikwakho.

1 kuThimothi 5:22

Ungasheshi kubeka tandla kunome ngukubani, futsi ungabambisani nemuntfu etonweni takhe; tigcine umsulwa.

KumaHebheru 6:2

Asikuyekele futsi kuphindza sinifundzise ngemibhabhatiso letinhlobonhlobo, nangekubekwa tandla, nangekuvuswa kwalabafile, nangekwehlulelwa kwaphakadze.

Joshuwa 1:17

Njengobe naMosi sasimlalela ngalokuphelele, nawe sitakulalela sikuhloniphe. Kuphela nje, Simakadze Nkulunkulu wakho akabe nawe, njengaloku abenaye naMosi.

Tikhulu 11:29

Moya waSimakadze wase wehlela kuJeftha. Wahamba wadzabula kulakaGileyadi nakulakaManase, wewelela ngesheya eMispa yakaGileyadi, wendlula lapho washuca wayawuhlasela ema-Amoni.

Tikhulu 3:10

Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula.

1 Samuweli 16:18

Lenye yetinceku yaphendvula yatsi: “Ngibone indvodzana yaJese waseBhetlehema lenelikhono ekudlaleni ihabhu. Uyindvodza lenesibindzi, futsi uyingwazi. Ukhuluma kahle futsi, ulikhwa, naSimakadze unaye.”