Numeri 26:55 - Siswati 1996 Bible

⁵⁵ Ucaphelisise kutsi lelive labiwa ngenkatho. Nguleso naleso sive siyawukwabelwa ngangekwemabito aboyisemkhulu ngekwebuve baso.

Numeri 26:55 Referencias Cruzadas

Taga 16:33

Bantfu bangayenta inkatho nabafuna intsandvo yaNkulunkulu; kodvwa imphendvulo incunywa nguye, Simakadze.

Taga 18:18

Inkatho icedza umbango, ilamule tichwaga letilwako.

Hezekeli 47:22

Kufanele nilabe ngenkatho njengelifa lenu nalabo lababetive labahlala emkhatsini wenu, lasebatele nebantfwana. Niyakubatsatsa njengemisinsi yekutimilela yema-Israyeli. Nabo njengani kufanele babelwe lifa emkhatsini wetive tema-Israyeli.

Numeri 26:56

Ngulelo nalelo lifa liyakwabiwa ngenkatho nalahlukaniselwa sive lesinyenti nalesincane.”

Numeri 33:54

Lelive nibolabelana ngenkatho kulolo nakulolo lusendvo. Sive lesinebantfu labanyenti nibabele lifa lelikhulu, kanjalo nakulabo labasive lesincane nibabele lelincane. Nome ngabe yini labayitfole ngenkatho kuyawuba kwabo. Lelive nibolabelana ngekwetive tenu.

Numeri 34:13

Ngako Mosi wakhuluma kuma-Israyeli, watsi: “Lelive nitakwabelana ngenkatho kutsi libe lifa lenu. Simakadze uyale kutsi labelwe tive letiyimfica kanye nencenye yesive,

Numeri 36:2

Batsi: “Ngesikhatsi Simakadze ayala inkhosi yami kutsi lelive ulabele ngenkatho kuma-Israyeli kutsi kube lifa lawo, wayala kutsi lifa lemnaketfu Selofehadi linikwe emadvodzakati akhe.

Imisebenti yebaPhostoli 1:26

Base benta inkatho emkhatsini walabo bobabili. Inkatho yadla Mathiyasi, wase uyengetwa kulabaphostoli labesebali-11.

KubaseKholose 1:12

nibonge uYise lowanenta nafanelwa sabelo selifa lalabangcwele ekukhanyeni.

Joshuwa 11:23

Ngako Joshuwa walidla lonkhe live, konkhe kwaya njengobe Simakadze abelayele Mosi; wase uyalaba, kwaba nguleso sive wasinika sabelo saso. Live latfola kuphumula kuleto timphi.

Joshuwa 14:2

Lamafa abiwa ngenkatho etiveni letiyimfica nencenye, njengobe Simakadze abeshito ngaMosi.

Joshuwa 17:14

Sive sakaJosefa sakhuluma kuJoshuwa, satsi: “Tsine usisikeleleni sabelo sinye, lekuyindzawo yinye, kutsi kube lifa letfu? Tsine sisive lesinyenti kakhulu, naSimakadze usibusise kakhulu wasenta saba banyenti.”

Joshuwa 18:6

Nitawutsi ningacedza kubhala inchazelo ngaletindzawo letisikhombisa talelive, bese nikuletsa lapha kimi, mine-ke ngitawube senginentela inkatho embikwaSimakadze Nkulunkulu wetfu.

Joshuwa 19:1

Inkatho yesibili yacondzana nesive sakaSimeyoni, lusendvo ngelusendvo. Live lesabelwa lona lalisekhatsi eveni lakaJuda.

Joshuwa 19:10

Inkatho yesitsatfu yacondzana nesive sakaZebuloni, lusendvo ngelusendvo: Umnyele welive labo wawuhamba uze ufike eSaridi.

Joshuwa 19:17

Inkatho yesine yacondzana nesive saka-Isakhari, lusendvo ngelusendvo.

Joshuwa 19:24

Inkatho yesihlanu yacondzana nesive saka-Asheri, lusendvo ngelusendvo.

Joshuwa 19:32

Inkatho yesitfupha yacondzana nesive sakaNaftali, lusendvo ngelusendvo:

Joshuwa 19:40

Inkatho yesikhombisa yacondzana nesive sakaDani, lusendvo ngelusendvo.