Numeri 26:53 - Siswati 1996 Bible

⁵³ “Lelive litakwabiwa libe lifa labo, kuye ngebunyenti balawo mabito labhalisiwe.

Numeri 26:53 Referencias Cruzadas

Genesisi 12:2

Ngitakwenta ube sive lesikhulu, ngikubusise, ngente libito lakho libe likhulu, wena ube sibusiso.

Genesisi 12:7

Simakadze wabonakala ku-Abrama, watsi: “Lelive ngiyawulinika titukulwane takho.” Abrama wakhela Simakadze lilati, ngobe abebonakele lapho kuye.

1 Tikhronike 16:18

Watsi: ‘Wena ngiyakupha live laseKhenani leliyawuba sabelo lesilifa lakho.’

Tihlabelelo 105:44

Wabapha emave ebetive, badla lifa lelititfukutfuku tebetive,

Tihlabelelo 49:14

Banjengetimvu letimele kubulawa, babhekene nekufa. Labacotfo bayawubabusa ngemuso, tidvumbu tabo tibole ethuneni, balahlekelwe nangemakhaya abo.

Hezekeli 47:22

Kufanele nilabe ngenkatho njengelifa lenu nalabo lababetive labahlala emkhatsini wenu, lasebatele nebantfwana. Niyakubatsatsa njengemisinsi yekutimilela yema-Israyeli. Nabo njengani kufanele babelwe lifa emkhatsini wetive tema-Israyeli.

Danyela 7:27

Lapho-ke kubusa, nemandla, nebukhulu bemibuso yonkhe lengaphansi kwelizulu, kuyawunikelwa etandleni talabangcwele, sive saLongetulu Kwako Konkhe. Umbuso wakhe kuyawuba ngumbuso waphakadze naphakadze, bonkhe babusi bayawukhotsama kuye bamkhonte, bamlalele.’

Numeri 26:52

Simakadze wakhuluma kuMosi, watsi:

Numeri 26:54

Sive lesinebantfu labanyenti usabele lifa lelikhulu, sive lesinebantfu labambalwa usabele lifa lelincane. Nguleso naleso sive siyawukwabelwa lifa laso kuye ngebunyenti balawo mabito labhalwe phansi.

Numeri 33:54

Lelive nibolabelana ngenkatho kulolo nakulolo lusendvo. Sive lesinebantfu labanyenti nibabele lifa lelikhulu, kanjalo nakulabo labasive lesincane nibabele lelincane. Nome ngabe yini labayitfole ngenkatho kuyawuba kwabo. Lelive nibolabelana ngekwetive tenu.

Matewu 5:5

Babusisiwe labamnene, ngobe bayawudla lifa lemhlaba.

Joshuwa 1:6

“Cina, ube nesibindzi, ngobe utawuhola lesive kutsi siyekudla lelive lengaletsembisa boyisemkhulu ngesifungo kutsi ngitabapha lona libe lifa labo.

Joshuwa 11:23

Ngako Joshuwa walidla lonkhe live, konkhe kwaya njengobe Simakadze abelayele Mosi; wase uyalaba, kwaba nguleso sive wasinika sabelo saso. Live latfola kuphumula kuleto timphi.

Joshuwa 14:1

Leti-ke tindzawo ema-Israyeli labelwa tona taba lifa lawo eveni laseKhenani, lekwatsi Eleyazare, umphristi, naJoshuwa, umsa waNuni, nebaholi betive taka-Israyeli bawabela tona.

Sembulo 21:27

Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.

Sembulo 5:10

Wabenta baba ngemakhosi nebaphristi kuNkulunkulu wetfu, bayawubusa etikwemhlaba wonkhe.”