Numeri 26:28 - Siswati 1996 Bible

²⁸ Titukulwane takaJosefa lusendvo ngelusendvo kusukela kuboManase na-Efrayimu tatime kanje:

Numeri 26:28 Referencias Cruzadas

Genesisi 46:20

Eveni laseGibhithe Josefa watalelwa boManase na-Efrayimu; lamtalela bona Asenathi, indvodzakati ya-Photifera, umphristi wase-Oni.

Genesisi 48:5

Wachubeka watsi: “Lamadvodzana akho lamabili lowawatalelwa lapha eveni laseGibhithe ngisengakafiki mine, nguwona awami. Efrayimu naManase batawuba bami, njengobe Rubeni naSimeyoni babami.

1 Tikhronike 5:23

Bantfu bencenye yesive sakaManase babebanyenti kakhulu; bona babehlala eveni kusukela eBhashani kuze kuyewufika eBhali Hemoni, lokusho kutsi, eSeniri, naseNtsabeni iHemoni.

1 Tikhronike 7:14

Titukulwane takaManase bekungu-Asriyeli, lamtala esinganini sakhe lesasingumSiriya, saphindze samtalela naMakhire, uyise waGileyadi.

Numeri 1:34

Titukulwane takaManase tema kanje: Onkhe emadvodza kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.

Dutheronomi 33:16

Akalibusise ngetipho letikhetsekile temhlaba, nangekugcwala kwawo. Akalibusise nangekutsandzeka kulowo lohlala esihlahleni lesivutsako. Sibusiso asehlele etikwenhloko yaJosefa, yebo, etikwelibunti lakhe lowo lowehlukaniswa nabomnakabo.

Joshuwa 14:4

ngobe emadvodzana aJosefa abesative letimbili: sive sakaManase, nesaka-Efrayimu. EmaLevi akazange abelwe live, kodvwa abelwa emadolobha lapho abetawuhlala khona, abelwa nemadlelo etifuyo tawo.