Numeri 25:8 - Siswati 1996 Bible

⁸ walandzela lendvodza yem-Israyeli waze wayawungena ethendeni layo. Wafike wabagwaza bobabili, sikhali sangena kulom-Israyeli saze sayawuphumela ngale kulona lomsikati. Lesishayo lesasihlasele ema-Israyeli sakhawula,

Numeri 25:8 Referencias Cruzadas

2 Samuweli 21:14

Base bangcwaba lamatsambo aboSawula nemsa wakhe Jonathani edlizeni laKhishi, uyise waSawula, eSela, kulakaBhenjamini, benta konkhe labebakutjelwa yinkhosi Davide. Emvakwaloko-ke Nkulunkulu wawuphendvula umthandazo welive.

2 Samuweli 24:25

Davide wase wakha lilati kuSimakadze khona lapho, wenta iminikelo yekushiswa neyebudlelwane. Simakadze wase uyawuva umthandazo lowawentelwa lelo live, lesifo lesase sicedze sive sema-Israyeli sancamuka.

1 Tikhronike 21:22

Davide watsi kuye: “Ngiphe lendzawo yakho yekubhulela kolo, kuze ngitekwakha kuyo lilati kuSimakadze, khona kutewuncamuka lesifo lesibulala sive. Ngitsengisele yona ngentsengo lephelele.”

Malakhi 2:5

“Sivumelwane sami naye bekusivumelwane sekuphila nekuthula, nguloko lengamnika kona, kutsi angihloniphe, futsi wavele wangihlonipha wema ekulesabeni Libito lami.

Numeri 17:13

Nangabe lowo losondzela eceleni kwelithende laSimakadze atakufa, ngabe kusho kutsi sitakufa sonkhe yini?”

Numeri 25:11

“Finehasi, umsa wa-Eleyazare, lotalwa ngu-Aroni, umphristi, sewukuncandzile kutfukutsela kwami ngitfukutselela sive sema-Israyeli, ngobe nguye yedvwa emkhatsini wabo lobe nenshisekelo yekugcina ludvumo lwami; ngiko nje ngingakasicedzi ngelulaka sive sema-Israyeli.

Numeri 25:5

Mosi wakhuluma nebaholi baka-Israyeli, watsi: “Ngulowo nalowo wenu kufanele abulale onkhe emadvodza esive sakabo lahlanganyele ekukhonteni Bhali wasePheyori.”

Joshuwa 7:26

Etikwa-Akhani babutsisa indvundvuma lenkhulu yematje, lesolomane isesekhona lapho nalamuhla loku. Ngako Simakadze wagucuka ekutfukutseleni kwakhe lokwesabekako. Ngako-ke leyo ndzawo seyabitwa ngekutsi Sihosha sase-Akhori kusukela ngalelo langa. Ngako Simakadze wagucuka ekutfukutseleni kwakhe lokwesabekako.