Numeri 25:11 - Siswati 1996 Bible

¹¹ “Finehasi, umsa wa-Eleyazare, lotalwa ngu-Aroni, umphristi, sewukuncandzile kutfukutsela kwami ngitfukutselela sive sema-Israyeli, ngobe nguye yedvwa emkhatsini wabo lobe nenshisekelo yekugcina ludvumo lwami; ngiko nje ngingakasicedzi ngelulaka sive sema-Israyeli.

Numeri 25:11 Referencias Cruzadas

2 Samuweli 21:14

Base bangcwaba lamatsambo aboSawula nemsa wakhe Jonathani edlizeni laKhishi, uyise waSawula, eSela, kulakaBhenjamini, benta konkhe labebakutjelwa yinkhosi Davide. Emvakwaloko-ke Nkulunkulu wawuphendvula umthandazo welive.

1 Emakhosi 14:22

Bantfu besive sakaJuda benta lokubi emehlweni aSimakadze, ngetento tabo labatenta, bavusa intfukutselo yaSimakadze; benta lokubi kakhulu, kwendlula loko lokwakwentiwe boyise.

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Tihlabelelo 106:30

Kwase kusukuma Finehasi walamula ngekubulala letephulamtsetfo; lesifo saphela.

Tihlabelelo 106:31

Loku kwabalelwa kuye njengekulunga titukulwane ngetitukulwane kuze kube phakadze.

Tihlabelelo 78:58

Bamtfukutselisa ngetindzawo tabo temalati, lapho bakhonta khona tithico tabo letibatiwe, loko kwamenta waba nesikhwele.

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Eksodusi 22:5

“Nangabe umuntfu atsite aselusile tinkhomo, taphunyuka tangena ensimini tadla emabele ebantfu, kufanele akhiphe kudla kwakhe kube yinkhokhelo yalamabele ladliwe.

Eksodusi 34:14

“Ningamkhonti lomunye nkulunkulu, ngobe loSimakadze lobitwa ngekutsi nguSikhwele unguNkulunkulu lonesikhwele.

Hezekeli 16:38

Ngiyawukugweba ngesijeziso sebafati labagwadlako nalabacitsa ingati; ngiyakwehlisela etikwakho imphindziselo yengati ngekwelulaka lwami nangekwentfukutselo yesikhwele sami.

Nahume 1:2

Simakadze nguNkulunkulu lonesikhwele nalophindziselako. Simakadze uyabuyisela, futsi ugcwele intfukutselo. Simakadze uyatiphindziselela etitseni takhe, ehlisele njalo lulaka lwakhe kulabo labemelene naye.

Zefaniya 1:18

Isiliva yabo negolide yabo kungeke kubasindzise ngelilanga lelulaka lwaSimakadze. Emlilweni wesikhwele sakhe umhlaba wonkhe uyawushiswa, ngobe uyakwenta siphetfo lesisheshisako sabo bonkhe labahlala emhlabeni.

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Numeri 25:10

Simakadze wakhuluma kuMosi, watsi:

Johane 3:36

Lokholwa yiNdvodzana, unekuphila lokuphakadze; kodvwa longakholwa yiNdvodzana, ute kuphila lokuphakadze; kodvwa lulaka lwaNkulunkulu lulengela etikwakhe.”

1 kubaseKorinthe 10:22

Sifuna kutsi iNkhosi ibe nesikhwele yini? Sinemandla yini kunayo?

2 kubaseKorinthe 11:2

Nginesikhwele ngani, sikhwele saNkulunkulu; ngobe nganendzisa njengentfombi lengenasici, nganetfula kuKhristu, lekunguyona ndvodza yenu leyodvwana.

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

Dutheronomi 32:16

Bamenta waba nesikhwele ngabonkulunkulu babo betive; bamtfukutselisa ngaleto tithico tabo letinengekako.

Dutheronomi 32:21

Bangenta ngaba nesikhwele ngalokungesiye nkulunkulu. Bangitfukutselisa ngetithico tabo letingenamsebenti. Ngiyawubenta babe nemona ngalabo labangesiso sive. Ngiyawubatfukutselisa ngesive lesingenakucondza.

Dutheronomi 4:24

Ngobe Simakadze Nkulunkulu wenu ungumlilo locotfulako, unguNkulunkulu lonesikhwele.

Joshuwa 22:13

Ema-Israyeli atfumela Finehasi, umsa wa-Eleyazare, umphristi, eveni lakaGileyadi esiveni sakaRubeni, nesakaGadi, nencenye yesive sakaManase.

Joshuwa 24:19

Joshuwa wakhuluma kulabantfu, watsi: “Ningeke nikhone kukhonta Simakadze. Nkulunkulu ungcwele; unguNkulunkulu lonesikhwele. Angeke akutsetselele kumhlubuka kwenu netono tenu.