Numeri 24:9 - Siswati 1996 Bible

⁹ Njengelibhubesi bayahoshoba bacambalale phansi, yebo, nanjengelibhubesi lelisikati, ngubani nje longacala abavuse? “Ababusiswe labo labakubusisako, bacalekiswe labo labakucalekisako!”

Numeri 24:9 Referencias Cruzadas

Genesisi 12:3

Ngitababusisa labakubusisako, ngibacalekise labakucalekisako. Tive tonkhe temhlaba tiyawubusiswa ngawe.”

Genesisi 27:29

Shangatsi tive tingasebenta wena, nemindeni ikukhotsamele. Ube yinkhosi kubomnakenu, emadvodzana enyoko akukhotsamele. Akacalekiswe lokucalekisako, abusiswe lokubusisako.”

Genesisi 49:9

Juda ufanana neliwundlu lelibhubesi, ndvodzana yami, usukile enyamataneni loyibulele wabuyela esikhundleni sakho, waguca, walala njengelibhubesi nanjengelibhubesikati, ngubani nje longahle akucale?

1 Emakhosi 10:20

Emabhubesi lali-12 abeme kuletitebhisi, linye ngala linye nangale kwesitebhisi sinye. Kute lokufanana naloko lokwase kwentiwa ngisho nome ngukumuphi umbuso.

2 Tikhronike 9:18

Lesihlalo sebukhosi besinetitebhisi letisitfupha, sinesenabelo segolide lesasinamatsiselwe kuso. Lapha emaceleni lesihlalo sasinekwekubeka imikhono, eceleni kwaloko naloko kwakunelibhubesi lelimile.

Esta 6:13

Wafike walandzisa umkakhe nebangani bakhe bonkhe lokwase kumehlele. Umkakhe Zereshi nalabangani bakhe bamtjela batsi: “Nangabe Modekhayi aliJuda, wena sewucalile kuwa, futsi ungeke umkhone. Nakanjani utakwehlula.”

Jobe 41:10

Kute lonesibindzi sekumchukuluta. Pho, ngubani longakhona kumelana nami?

Tihlabelelo 122:6

Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.

Tihlabelelo 2:12

Khotsamani etinyaweni tendvodzana, ingadzimate initfukutselele, nifele endleleni, ngobe lulaka lwayo luvutsa masinyane. Babusisiwe bonkhe lababalekela kuyo.

Eksodusi 23:22

Kodvwa nangabe nililalelisisa kahle livi layo nente konkhe lengikushoko, ngiyawuba sitsa setitsa tenu ngilwe nalabalwa nani.

Isaya 31:4

Naku-ke lokushiwo nguSimakadze kimi, utsi: “Njengobe libhubesi lihhonga, libhubesi lelikhulu, nalibambe inyamatane yalo, ngisho nome sekuhlatjwa umkhosi kubitwa belusi labanyenti kutsi batekulwa nalo, aletfuswa kumemeta kwabo, futsi aliphatanyiswa ngulomsindvo wabo, kanjalo-ke naSimakadze longuSomandla uyakwehlela esicongcweni seNtsaba iSiyoni kutsi atekulwa imphi.

Mikha 5:8

Insali yema-Israyeli iyakubasemkhatsini wetive letinyenti, ifanane nelibhubesi lelitingela ehlatsini noma edlelweni: Lisuka lingene emkhatsini wetimvu, litisukele litidzabudzabule ticucwana, litsemba lato lekusindza lingabikho.

Numeri 22:12

Kodvwa Nkulunkulu wakhuluma kuBhalamu, watsi: “Ungacali uhambe nawo. Ungasibeki sicalekiso kuleso sive leso, ngobe sabusiswa.”

Numeri 22:6

Manje kota utengicalekisela lesive, ngobe sinemandla kakhulu kunami; kumbe ngingakhona kusehlula ngisikhiphe lapha eveni lami. Ngiyati kutsi lababusiswa nguwe bayabusiseka, nalabo labacalekiswa nguwe bayacalekiseka.”

Numeri 23:24

Lesive sivuka njengelibhubesi lelisikati, siphakame njengenkunzi yelibhubesi, lelingaphumuli lingakayidli layicedza inyamatane leliyibambile, linatse nengati yaleto tinyamatane lelitibulele.”

Numeri 24:10

Lulaka lwaBhalaki lwamvutsela kamatima Bhalamu, washaya tandla takhe, watsi kuye: “Ngikulandzele kutsi utewucalekisa titsa tami, kodvwa wena sewutibusise kwaze kwaba katsatfu.

Matewu 25:40

INkhosi iyawubaphendvula itsi: ‘Ngicinisile, ngitsi kini: Konkhe loko lenanikwenta kulomunye walabanaketfu labancane, nanikwenta kimi!’

Matewu 25:45

INkhosi iyawubaphendvula itsi: ‘Ngicinisile, ngitsi kini: Loko leningakwentanga kulomunye walaba labancane, anikwentanga kimi.’

Imisebenti yebaPhostoli 9:5

Waphendvula watsi: “Ungubani, wena Nkhosi?” Livi laphendvula latsi: “NginguJesu, lomhluphako!

Dutheronomi 30:7

Simakadze Nkulunkulu wenu uyakwehlisela tonkhe leticalekiso etikwetitsa tenu letinitondzako naletinihluphako.