Numeri 24:24 - Siswati 1996 Bible

²⁴ Imikhumbi iyawuchamuka elusentseni lwelwandle eKhithimu, imncobe Ashuri na-Ebheri, noko, naye uyawubhujiswa.”

Numeri 24:24 Referencias Cruzadas

Genesisi 10:4

Emadvodzana aJavani bekubo-Elisha, naThashishi, nemaKhithi, nemaRodani.

Genesisi 14:13

Lomunye waphunyuka wabaleka wayawubikela Abrama, umHebheru, labehlala ngasetihlahleni tema-okhi aMamre, um-Amori, umnakabo-Eshkoli na-Aneri. Bonkhe-ke laba bebabambisene na-Abrama.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 23:1

Leli livi lesembulo lelimacondzana neThire lelitsi: Lilani, nine mikhumbi yaseThashishi, ngobe iThire seyibhujisiwe, yasala ite indlu nome sikhumulo. Nivile ngalombiko ngesikhatsi nibuya eSiphrosi.

Hezekeli 27:6

Ngema-okhi aseBhashani bakwentela emaphini ekugwedla. Ngetigodvo temsayipuresi lesuka elusentseni lwaseSiphrosi benta indzawo yakho yekuhambahamba emkhunjini, yahlotjiswa ngematinyo etindlovu.

Danyela 10:20

Ngako watsi: “Uyati yini kutsi ngiteleni lapha kuwe? Masinyane ngitawuncandzeka kuze ngitekulwa nengilosi yasePheresiya, ngitawutsi ngisuka nje kuyo, kufike ingilosi yaseGrisi,

Danyela 11:30

Imikhumbi yemave angasenshonalanga lagudla lwandle iyawumelana nayo, bese iyajabha. Iyawube seyiyagucuka bese itfukutselela sivumelwane lesingcwele. Iyawubuya ivelane nalabo labafulatsela sivumelwane lesingcwele.

Danyela 11:45

Iyawumisa emathende ayo ebukhosi emkhatsini wetilwandle entsabeni lenhle nalengcwele. Noko iyawufika esiphetfweni sayo, futsi kute namunye loyawuyilamulela.”

Danyela 2:35

Lensimbi, nalelibumba, nalelitfusi, nalesiliva, nalegolide kwabhidlika kwaba ticucu ngasikhatsi sinye, kwaze kwafanana nemakhoba lasebaleni lekubhula ehlobo. Umoya wakuphephula konkhe, kwangete kwasala lutfo. Kodvwa lelidvwala lelalishaye lesitfombe lakhula laba yintsaba lenkhulu, lagcwala wonkhe umhlaba.

Danyela 2:45

Ngiyo leyo-ke inchazelo yalombono welidvwala lelahleshulwa entsabeni, kodvwa hhayi ngetandla temuntfu, ngilo lelidvwala lelabhidlita insimbi, nelitfusi, nelibumba, nesiliva kanye negolide, kwaba ticucu. “Nkulunkulu lomkhulu wembulele inkhosi loko lokutakwenteka kuletikhatsi letitako. Leliphupho liliciniso, nalokuchazwa kwalo kwetsembekile.”

Danyela 8:21

Lesiyephuyephu sesiphongo siyinkhosi yaseGrisi, naloluphondvo lolukhulukati lolusemkhatsini wemehlo aso, yinkhosi yekucala.

Numeri 24:20

Bhalamu wabona Amaleki, wase ubeka umlayeto wakhe, watsi: “Amaleki waba wekucala etiveni tonkhe, kodvwa, noko ekugcineni uyawubhubha.”

Numeri 24:23

Walayetela futsi watsi: “Awu! Ngubani nje longaphila, Simakadze nase acala kwenta loku?

Matewu 24:15

“Ngako-ke nanibona sinengisoncitsakalo sime endzaweni lengcwele, njengobe asho umphrofethi Danyela,” (lofundzako akacaphele inchazelo yaloku),

Lukha 20:24

“Ase ningikhombise luhlavu lwemali loluyisiliva. Lomfanekiso nelibito lokubhalwe kulo kwabani?” Bamphendvula batsi: “KwaKhesari.”

Johane 11:48

Nasimyekela achubeka ngalendlela, bonkhe bantfu batawukholwa kuye. EmaRoma atawufika abhidlite lendzawo atfumbe nesive sakitsi.”