Numeri 23:3 - Siswati 1996 Bible

³ Bhalamu wakhuluma kuBhalaki, watsi: “Mani lapha eceleni kwemnikelo wakho, mine ngisaphambuka; ngisafuna kuhlola kutsi Simakadze utawuhlangabetana yini nami. Loko langembulela kona nawe ngitakwatisa.” Asakushito loko, wase ukhuphukela egcumeni lelingenatihlahla.

Numeri 23:3 Referencias Cruzadas

Genesisi 22:13

Abrahama watsi uphakamisa emehlo uyacalata, wabona emvakwakhe kunesihhanca, sibanjwe ngetimphondvo esihlahleni. Abrahama wahamba wayawutsatsa lesihhanca, wase unikela ngaso, saba ngumhlatjelo esikhundleni sendvodzana yakhe.

Genesisi 22:2

Nkulunkulu watsi: “Tsatsa Isaka, indvodzana yakho, leyodvwana naloyitsandzako, uye eveni laseMoriya, wente umhlatjelo ngayo entsabeni lengitakulayela yona.”

Genesisi 8:20

Nowa wakhela Nkulunkulu lilati, watsatsa kuto tonkhe tifuyo letihlambulukile nakuto tonkhe tinyoni letihlambulukile, wanikela kuNkulunkulu umnikelo wekushiswa elatini.

Eksodusi 18:12

Jethro, uyisetala waMosi, waletsa umnikelo wekushiswa naleminye imihlatjelo yekunikelwa kuNkulunkulu. Aroni wahamba kanye nebaholi bema-Israyeli; bakhonta ngekudla kudla lokungcwele kanye naJethro, uyisetala waMosi, embikwaNkulunkulu.

Levithikusi 1:1

Simakadze asethendeni lekuhlangana, wabita Mosi wakhuluma kuye watsi:

Numeri 23:12

Bhalamu waphendvula watsi: “Kantsi akukafaneli yini ngikhulume loko lokubekwe nguSimakadze emlonyeni wami?”

Numeri 23:15

Bhalamu wakhuluma kuBhalaki, watsi: “Mani lapha eceleni kwemnikelo wakho, mine ngisetawuhlangana naSimakadze lapha.”

Numeri 23:2

Bhalaki wakwenta konkhe loko lekwakufunwe nguBhalamu, bobabili base banikela ngenkunzi nesihhanca kulelo nakulelo lilati.

Numeri 23:26

Bhalamu waphendvula, watsi: “Angikakutjeli yini kutsi kufanele ngikhulume loko lengikutjelwa nguSimakadze?”

Numeri 23:4

Nkulunkulu wahlangabetana naye, naBhalamu watsi kuye: “Sengilungise emalati lasikhombisa, etikwalelo nalelo lati nginikele ngenkunzi nesihhanca.”

Numeri 24:1

Ngaleso sikhatsi Bhalamu bese ati kahle kutsi kuyamjabulisa Simakadze nakabusisa lesive sema-Israyeli, ngako akazange aphindze afune letinye tibonakaliso njengakucala, kodvwa wesuka wabheka ngasehlane.

Matewu 4:8

Waphindza futsi Sathane wamtsatsa, wamenyusela esicongweni sentsaba, wamkhombisa yonkhe imibuso nebucwebecwebe bayo,

Joshuwa 24:10

Kodvwa angizange ngimlalele Bhalamu, ngako wanibusisa waphindzelela, ngabe sengiyanikhulula esandleni saBhalaki.