Numeri 23:26 - Siswati 1996 Bible

²⁶ Bhalamu waphendvula, watsi: “Angikakutjeli yini kutsi kufanele ngikhulume loko lengikutjelwa nguSimakadze?”

Numeri 23:26 Referencias Cruzadas

1 Emakhosi 22:14

Kodvwa Mikhaya waphendvula watsi: “Ngifunga kuphila kwaSimakadze, ngitamtjela loko lengikutjelwa nguSimakadze kuphela.”

2 Tikhronike 18:13

Kodvwa Mikhaya waphendvula, watsi: “Ngifunga kuphila kwaSimakadze, ngitamtjela loko Nkulunkulu wami lakushoko kuphela.”

Numeri 22:18

Kodvwa Bhalamu wabaphendvula, watsi: “Ngisho nome Bhalaki abenganginika sigodlo sakhe sigcwele isiliva negolide, ngingeke sengente lutfo lolukhulu nome loluncane loluphambene nemyalo waSimakadze Nkulunkulu wami.

Numeri 22:38

Bhalamu waphendvula watsi: “Sengikhona, kepha nginawo yini mine emandla ekukhuluma lutfo ngaphandle kwaloko lengikutjelwa nguNkulunkulu?”

Numeri 23:17

Ngako-ke wancandzeka waya kuye, wamkhandza eceleni kwemnikelo wakhe, eme nebaholi bakaMowabi. Bhalaki wambuta watsi: “Utsiteni Simakadze?”

Numeri 23:25

Bhalaki wakhuluma kuBhalamu, watsi: “Njengobe awukabacalekisi, lokungenani ungababusisi.”

Numeri 23:27

Bhalaki wakhuluma kuBhalamu, watsi: “Kota, sihambe nawe, siye kulenye indzawo, mhlawumbe kungahle kumjabulise Nkulunkulu, akuvumele kutsi ungicalekisele lesive ukuleyo ndzawo.”

Numeri 23:3

Bhalamu wakhuluma kuBhalaki, watsi: “Mani lapha eceleni kwemnikelo wakho, mine ngisaphambuka; ngisafuna kuhlola kutsi Simakadze utawuhlangabetana yini nami. Loko langembulela kona nawe ngitakwatisa.” Asakushito loko, wase ukhuphukela egcumeni lelingenatihlahla.

Imisebenti yebaPhostoli 5:29

Phetro nalabanye baphostoli baphendvula batsi: “Kufanele silalele Nkulunkulu kunekulalela bantfu.