Numeri 22:36 - Siswati 1996 Bible

³⁶ Watsi kube eve Bhalaki kutsi Bhalamu sewuyeta, waphuma wayawumhlangabeta edolobheni lakaMowabi lelise-Anoni, lekungumnyele lokhashane kakhulu welive lakhe.

Numeri 22:36 Referencias Cruzadas

Genesisi 14:17

Abrama asabuya ekwehluleni Khedolawomere nalamanye emakhosi labenawo, inkhosi yaseSodoma yaphuma yaya kumhlangabeta eSigodzini saseShave, lekuSigodzi Senkhosi.

Genesisi 18:2

Abrahama watsi nakaphakamisa emehlo, wabona emadvodza lamatsatfu eme embikwakhe. Watsi kube awabone, wesuka emnyango welithende lakhe wagijima wawahlangabeta, wafike wakhotsama,

Genesisi 46:29

Josefa wagibela incola yakhe waphikelela khona eGosheni, wayawuhlangabeta uyise Israyeli. Watsi achamuka nje, Josefa wambona uyise watigaca entsanyeni yakhe, wakhalela kuye sikhatsi lesidze.

Eksodusi 18:7

Ngako Mosi waphuma wayakumhlangabeta, wafike wamkhotsamela, wamanga. Babutana imphilo, base bangena ethendeni laMosi.

Isaya 16:2

Njengetinyoni letizulazulako nangabe tikhishwa etidlekeni, bayawuba njalo-ke nebafati bakaMowabi ematubukweni ase-Anoni.

Jeremiya 48:20

IMowabi seyitseleke ngelihlazo, ngobe seyihhihlitiwe. Lilani nikhale kakhulu! Memetelani ngase-Anoni kutsi iMowabi seyibhujisiwe.

Numeri 22:35

Ingilosi yaSimakadze yakhuluma kuBhalamu, yatsi: “Hamba nalamadvodza, kodvwa ukhulume kuphela loko lengitakutjela kona.” Ngako Bhalamu wahamba nalabaholi bakaBhalaki.

Numeri 22:37

Bhalaki wakhuluma naBhalamu, watsi: “Angikatfumeli yini tigijimi kuwe kutsi tikulandze masinyane? Awuketi ngani kimi? Bewucabanga kutsi anginalutfo yini lwekukukhokhela?”

Imisebenti yebaPhostoli 28:15

Bazalwane baseRoma bese bevile ngatsi, ngako base bayasihlangabeta eMakethe yaka-Aphiyusi neMahhotela Lamatsatfu. Pawula watsi kube ababone labazalwane, wabonga Nkulunkulu wase uma nesibindzi.

Dutheronomi 2:24

“Sukumani, nihambe nidzabule Sihosha sase-Anoni. Bukani la, indzawo yaSihoni, um-Amori, inkhosi yaseHeshboni, nelive lakhe, ngikwetfule etandleni tenu. Mhlaseleni nidle lelive lakhe.

Dutheronomi 3:8

“Ngako lelive salitsatsa ngaso leso sikhatsi esandleni semakhosi lamabili ema-Amori, ngesheya emphumalanga nemfula iJordane, kusuka eSihosheni sase-Anoni, kuze kuyewufika eNtsabeni iHemoni.”

Tikhulu 11:18

“ ‘Emvakwaloko bahamba bazula ehlane, bagega live laka-Edomu nelakaMowabi, baze befika ngasemphumalanga nelakaMowabi, bayawumisa ngesheya kwe-Anoni. Abazange bangene eminyeleni yelive lakaMowabi, ngobe i-Anoni bekunguwona mnyele walo.

1 Samuweli 13:10

Watsi nakacedza nje kwenta umnikelo wekushiswa, wefika Samuweli. Sawula waphuma wayakumhlangabeta, wafike wambingelela.