Numeri 22:23 - Siswati 1996 Bible

²³ Imbongolo yatsi kube ibone lengilosi ime endleleni, yelule inkemba yayo iyiphetse ngesandla, yaphambuka endleleni yacondza esigangeni. Bhalamu wayishaya, ayibuyisela endleleni.

Numeri 22:23 Referencias Cruzadas

2 Emakhosi 6:17

Elisha wathandaza, watsi: “Awu, Simakadze, vula emehlo akhe kuze abone.” Nembala, Simakadze wavula emehlo alenceku ya-Elisha, yatsi iyabuka, yabona tindimbane temabutfo, nemahhashi, netincola temphi tivutsa umlilo ticancele intsaba, kutungeleta Elisha.

1 Tikhronike 21:16

Davide watsi ubuka etulu, wabona ingilosi yaSimakadze ime emkhatsini welizulu nemhlaba iphakamise inkemba ngesandla sayo iyibhekise ngaseJerusalema. Davide kanye netimphunga base bembatsa emasaka bawa phansi ngebuso, bakhotsama.

Jeremiya 8:7

Ngisho nagilonki esibhakabhakeni uyatati tikhatsi takhe letimisiwe, nelituba, nenkonjane, nadvoye, kuyatigcina tikhatsi tako tekuhamba, kodvwa sive sami asitati timiso taSimakadze.

Danyela 10:7

Mine Danyela, kwaba ngimi ngedvwa lengawubona lombono; lamadvodza labekanye nami akazange awubone, kodvwa efikelwa ngulokukhulu kwesaba nekutfutfumela, aze abaleka ayawutifihla.

Numeri 22:22

Simakadze wamtfukutselela kakhulu nasahamba, ingilosi yaSimakadze yammela endleleni imvimbela. Bhalamu abegibele imbongolo yakhe, ahamba netinceku takhe letimbili.

Numeri 22:24

Ingilosi yaSimakadze yachubeka yayakuma emngcingweni wendlela leyayijuba emkhatsini wetivini letimbili, kume tibondza emaceleni ngala nangala.

Imisebenti yebaPhostoli 22:9

“Lamadvodza bengihamba nawo akubona lokukhanya, kodvwa akazange alive livi lalona abekhuluma nami.

Joshuwa 5:13

Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”

2 yaPhetro 2:16

Kodvwa wekhutwa ngaloko kona kwakhe: Imbongolo lesimungulu yakhuluma ngelivi lemuntfu, yakuvimbela loko kuhlanya kwalowo mphrofethi.

YaJuda 1:11

Maye kubo, ngobe bahamba ngendlela yaKhayini; bagijimela ekwedukeni kwaBhalamu ngenca yemvuzo; bahlubukile njengaKhora, nabo babhubha.