Numeri 22:20 - Siswati 1996 Bible

²⁰ Ngalobo busuku Nkulunkulu wefika kuBhalamu, watsi: “Njengobe lamadvodza akulandzile, hamba nawo, kuphela wente loko lengikutjela kona.”

Numeri 22:20 Referencias Cruzadas

Tihlabelelo 81:12

Ngako-ke ngabayekelela enkhanini yetinhlitiyo tabo, kuze batihambele ngekutsandza kwabo.

Isaya 37:29

Njengobe uyangibhodlela, nanjengobe kungicoloshela kwakho sekufikile etindlebeni tami, ngitawufaka umkhala wami ekhaleni lakho, nelitomu lami emlonyeni wakho. Ngiyawukuncandzekisa ngaleyo ndlela lote ngayo.

Jeremiya 1:7

Kodvwa Simakadze wakhuluma kimi, watsi: “Ungasho kutsi, ‘ngisengumntfwana.’ Kufanele uhambe uye kubo bonkhe bantfu lengikutfuma kubo, ufike usho loko lengikutfuma kona.

Hoseya 13:11

Ngako ngekutfukutsela kwami nganinika inkhosi, nangelulaka lwami ngaphindze ngayisusa.

Numeri 22:19

Hlalani nani kulobusuku njengalaba bakucala, ngize ngati kutsi yini lenye Simakadze latangitjela yona.”

Numeri 22:35

Ingilosi yaSimakadze yakhuluma kuBhalamu, yatsi: “Hamba nalamadvodza, kodvwa ukhulume kuphela loko lengitakutjela kona.” Ngako Bhalamu wahamba nalabaholi bakaBhalaki.

Numeri 23:12

Bhalamu waphendvula watsi: “Kantsi akukafaneli yini ngikhulume loko lokubekwe nguSimakadze emlonyeni wami?”

Numeri 23:16

Simakadze wahlangana naBhalamu, wamtjela emavi lekufanele awakhulume, watsi: “Ncandzeka, uye kuBhalaki uyewumtjela lelivi.”

Numeri 23:26

Bhalamu waphendvula, watsi: “Angikakutjeli yini kutsi kufanele ngikhulume loko lengikutjelwa nguSimakadze?”

Numeri 23:5

Simakadze wabeka emavi emlonyeni waBhalamu, watsi: “Ncandzeka uye kuBhalaki, ufike umtjele lelivi.”

Numeri 24:13

‘Ngisho nome ngabe Bhalaki anganginika sigodlo sakhe sigcwele isiliva negolide, bengingeke ngitentele lutfo lolusuka kimi, lokuhle nome lokubi, lokuphambene nemyalo waSimakadze. Ngitakusho kuphela loko lokushiwo nguSimakadze.’ ”

Numeri 24:4

Umlayeto walowo lova emavi aNkulunkulu, lowo lobona umbono waSomandla, lowo lokhotsamako, lonemehlo lavulekile.