Numeri 21:34 - Siswati 1996 Bible

³⁴ Simakadze wakhuluma kuMosi, watsi: “Ungamesabi, ngobe yena kanye nemabutfo akhe onkhe, nelive lakhe, sengimnikele etandleni takho. Yenta kuye kona loko lowakwenta kuSihoni, inkhosi yema-Amori, labebusa eHeshboni.”

Numeri 21:34 Referencias Cruzadas

2 Samuweli 5:19

Ngako Davide wabuta kuSimakadze, watsi: “Kufanele yini ngihambe kuyawuhlasela lamaFilisti? Utawanikela yini esandleni sami?” Simakadze wamphendvula watsi: “Yebo, hamba, ngobe nakanjani emaFilisti ngitawanikela esandleni sakho.”

1 Emakhosi 20:13

Ngasona leso sikhatsi kwefika umphrofethi enkhosini Ahabi, watsi: “Simakadze utsi: ‘Uyayibona yini lemphi lenkhulu kangaka? Ngitayinikela esandleni sakho, kuze wati kutsi mine nginguSimakadze.’ ”

1 Emakhosi 20:28

Lomuntfu waNkulunkulu wefika wakhuluma enkhosini yaka-Israyeli, watsi: “Naku-ke lokushiwo nguSimakadze, utsi: ‘Njengobe emaSiriya acabanga kutsi Simakadze ungunkulunkulu wemagcuma, akasiye nkulunkulu wematsafa, yonkhe lemphi yawo ngitayinikela etandleni tenu, kuze nati kutsi mine nginguSimakadze.’ ”

2 Emakhosi 3:18

Loku yintfo lemalula kabi emehlweni aSimakadze, kantsi futsi naMowabi utamnikela etandleni tenu.

Isaya 41:13

Ngobe mine nginguSimakadze, Nkulunkulu wakho, lobamba sandla sakho sangesekudla, atsi kuwe: ‘Ungesabi, ngitakusita.’

Numeri 14:9

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Numeri 32:4

live Simakadze lalincoba walinika sive sema-Israyeli, lilungele kuba ngemadlelo, kantsi tinceku takho tinemihlambi yetifuyo.”

Dutheronomi 2:30

“Kodvwa Sihoni, inkhosi yaseHeshboni, akazange asivumele kutsi sendlule sidzabule live lakhe, ngobe Simakadze Nkulunkulu wenu wenta umoya wakhe waba lukhuni nenhlitiyo yakhe yaba nenkhani; loko wakwentela kutsi atekumnikela etandleni tenu, njengobe kunjalo lamuhla.

Dutheronomi 20:3

atsi: ‘Lalela, Israyeli, lamuhla uya emphini kuyakulwa netitsa takho. Ungabi ligwala wesabe; ungatfutfumeli, uphaphuleke embikwato.

Dutheronomi 3:1

“Sesuka lapho senyuka ngemgwaco locondza eBhashani; Ogi, inkhosi yaseBhashani, waphuma kanye nemabutfo akhe onkhe atesihlasela emphini e-Edreyi.

Dutheronomi 3:11

Kwase kusele Ogi, inkhosi yaseBhashani, kuphela kuleyo nsali yesive semaRefa. Umbhedze wakhe wawentiwe ngensimbi, budze ungemamitha labengaba mane, bubanti ungemamitha labengaba mabili. Ungatfolakala eRabha, edolobheni lema-Amoni.

Dutheronomi 31:6

Cinani nime, nibe nesibindzi. Ningatesabi futsi ningatfutfumeli ngato, ngobe Simakadze Nkulunkulu wenu uhamba nani; angeke anishiye, futsi angeke aniyekele.”

Dutheronomi 7:17

“Encenye etinhlitiyweni tenu nitsi: ‘Letive tinemandla kakhulu kunatsi; singaticosha kanjani lapha sitikhiphe?’

Dutheronomi 7:18

Cha, ningatesabi, khumbulani kahle kutsi Simakadze Nkulunkulu wenu wentani kuFaro naseveni lonkhe laseGibhithe.

Dutheronomi 7:21

Ningabesabi, ngobe Simakadze Nkulunkulu wenu, losemkhatsini wenu, unguNkulunkulu lomkhulu nalowesabekako.

Dutheronomi 7:24

Emakhosi ato utawanikela esandleni senu, nine niwabhubhise, emabito awo aphele emhlabeni. Kute loyakuba nemandla ekumelana nani; niyakuwabhubhisa.

Joshuwa 10:25

Joshuwa wakhuluma kuto, watsi: “Ningesabi, ningapheli emandla. Cinani, nibe nesibindzi. Ngiko kona loku Simakadze latakwenta kuto tonkhe titsa tenu leniyakulwa nato.”

Joshuwa 10:8

Simakadze wakhuluma kuJoshuwa, watsi: “Ungabesabi, ngibanikele esandleni sakho. Kute namunye wabo loyawukhona kumelana nawe.”

Joshuwa 8:7

nine bese niyavuka ngemva kwabo nilitsatse lelidolobha. Simakadze Nkulunkulu wenu utalinikela etandleni tenu.

Tikhulu 11:30

Jeftha wenta sifungo kuSimakadze, watsi: “Nawunganikela ema-Amoni esandleni sami,

1 Samuweli 23:4

Davide waphindza futsi wabutisisa kuSimakadze. Simakadze wamphendvula watsi: “Yehla uye eKheyila, ngobe emaFilisti ngiwanikela esandleni sakho.”