Numeri 21:26 - Siswati 1996 Bible

²⁶ IHeshboni bekulidolobha laSihoni, inkhosi yema-Amori, leyayike yalwa nalenkhosi leyayingeyemaMowabi, yatsatsa lonkhe live layo kuze kuyewugcina e-Anoni.

Numeri 21:26 Referencias Cruzadas

Ingoma Yetingoma 7:4

Intsamo yakho injengembhoshongo lowakhiwe ngematinyo endlovu. Emehlo akho angemachibi aseHeshboni ngasesangweni laseBhathi Rabhimu. Likhala lakho linjengembhoshongo waseLebanoni lobuke ngaseDamaseko.

Ingoma Yetingoma 7:5

Inhloko yakho iyakuchelisa njengeNtsaba iKhameli. Tinwele takho tinjengendvwangu lebukhwebeletane yebukhosi, inkhosi ibanjwe njengesigcili, ikhangwa ngimichino yato.

Jeremiya 48:2

IMowabi ayisayiwuphindza idvunyiswe; eHeshboni emadvodza ayawuyakhela emasu ekuyiwisa atsi: ‘Buyani sitewusicedza lesive, singaphindzi sibe sive.’ Nawe futsi wena Madmeni, uyawubindziswa, uyawuvalwa umlomo, uyawube ucoshwa yinkemba.

Jeremiya 48:20

IMowabi seyitseleke ngelihlazo, ngobe seyihhihlitiwe. Lilani nikhale kakhulu! Memetelani ngase-Anoni kutsi iMowabi seyibhujisiwe.

Jeremiya 48:45

“Esitfuntini saseHeshboni lababalekako bayema nje bangasitakali, ngobe kubhedvuke umlilo eHeshboni, lilangabi lelikhulu ligqamuke ekhatsi eSihoni, lashisa emabunti akaMowabi, netinkhakhayi talabatigabatisako babange umsindvo.

Numeri 21:25

Ema-Israyeli awatfumba onkhe emadolobha ema-Amori, awadla aba ngewawo kanye neHeshboni netabelo tayo tonkhe.

Numeri 21:27

Ngiko nje timbongi titsi: “Wotani eHeshboni, lidolobha lenkhosi Sihoni! Alakhiwe kabusha, yebo, aliphindze livuswe, lakhiwe.

Dutheronomi 1:4

Loko wakwenta emvakwekuba asehlule Sihoni, inkhosi yema-Amori, leyayibusa eHeshboni. Emphini yase-Edreyi abehlule Ogi, inkhosi yaseBhashani, leyayibusa e-Ashtarothe.

Joshuwa 13:16

Live kusuka e-Aroyeri emngcengcemeni weMsaho wase-Anoni, nekusuka edolobheni lelisemkhatsini weMsaho, lifake ekhatsi sonkhe sibebesi semmango waseMedeba,

Joshuwa 13:17

kuye eHeshboni kanye nawo emadolobha ayo labesetulu esibebesini labefaka ekhatsi iDiboni, neBhamothi Bhali, neBhethi Bhali Meyoni,

Joshuwa 13:25

Kwaba live laseJazeri, nawo onkhe emadolobha akaGileyadi, nencenye yelive lema-Amoni kuze kuyewufika e-Aroyeri, eceleni kweRabha;

Joshuwa 21:39

neHeshboni, neJazeri, akanye nemadlelo awo; kwaba ngemadolobha lamane.

Tikhulu 11:26

Kwaze kwaphela iminyaka lengema-300, baka-Israyeli bahlala eHeshboni, nase-Aroyeri, nasetabelweni letiyitungeletile, nakuwo onkhe emadolobha kuvundla ne-Anoni. Awuzange ubahlasele ngani-ke ngaleso sikhatsi ulidle lelive?