Numeri 21:24 - Siswati 1996 Bible

²⁴ Ema-Israyeli alwa naye amehlula, adla live lakhe kusukela e-Anoni kuya eJabhoki, kuze kugcine ngaseveni lema-Amoni, ngobe iminyele yawo yayakhiwe, itinqaba.

Numeri 21:24 Referencias Cruzadas

Genesisi 32:22

Ngabona lobo busuku Jakobe wavuka watsatsa bafati bakhe bobabili, netincekukati takhe letimbili, nebantfwabakhe labalishumi namunye, wabeweta etubukweni lemfula iJabhoki.

Nehemiya 9:22

“Wabapha imibuso netive, wababela ngisho nemave lakhashane asemikhawulweni. Badla live laSihoni, inkhosi yaseHeshboni, nelive laka-Ogi, inkhosi yaseBhashani.

Tihlabelelo 136:19

Wabulala Sihoni, inkhosi yema-Amori, ngobe umusa wakhe ume kuze kube phakadze.

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Numeri 21:13

Esuka lapho emisa ngase-Anoni ehlane leliseveni lema-Amori. I-Anoni isemnyeleni weMowabi, emkhatsini welakaMowabi nelaka-Amori,

Dutheronomi 1:4

Loko wakwenta emvakwekuba asehlule Sihoni, inkhosi yema-Amori, leyayibusa eHeshboni. Emphini yase-Edreyi abehlule Ogi, inkhosi yaseBhashani, leyayibusa e-Ashtarothe.

Dutheronomi 29:7

“Natsi nanifika kulendzawo, Sihoni, inkhosi yaseHeshboni, na-Ogi, inkhosi yaseBhashani, baphuma kutekulwa natsi, kodvwa sabehlula.

Dutheronomi 3:16

Sive sakaRubeni nesakaGadi ngatabela live lakaGileyadi, kuze kuyewufika eSihosheni sase-Anoni, ekhatsi nesihosha kwaba ngumnyele, kanye nasemfuleni iJabhoki, umnyele wesive sema-Amoni.

Dutheronomi 31:4

Simakadze uyakwenta kuto loko lakwenta kuboSihoni na-Ogi, emakhosi ema-Amori, lawabhubhisa kanye nelive labo.

Dutheronomi 4:46

sebaseSihosheni saseBhethi Pheyori ngasemphumalanga kweJordane, eveni lakaSihoni, inkhosi yema-Amori, labebusa eHeshboni, wancotjwa nguMosi nema-Israyeli nabaphuma eGibhithe.

Joshuwa 13:12

lokusho kutsi ngiwo wonkhe umbuso wa-Ogi eBhashani, labeke wabusa e-Ashtarothe nase-Edreyi, labenguyena asesele angulomunye webekugcina besive semaRefa. Mosi abesincobile wabe sewutsatsa lelive laso.

Joshuwa 24:8

Nganiletsa eveni lema-Amori labehlala emphumalanga neJordane. Alwa nani, kodvwa ngawanikela esandleni senu. Ngawabhubhisa aphela embikwenu, navele nalidla lelo live lawo.

Joshuwa 9:10

nako konkhe lakwenta kulamakhosi lamabili ema-Amori ngasemphumalanga kweJordane, boSihoni, inkhosi yaseHeshboni, na-Ogi, inkhosi yaseBhashani, labebusa e-Ashtarothe.

Tikhulu 10:11

Simakadze wabaphendvula watsi: “Ngesikhatsi baseGibhithe, nema-Amori, nema-Amoni, nemaFilisti,

Tikhulu 11:13

Inkhosi yema-Amoni yaphendvula letigijimi takaJeftha yatsi: “Kwatsi ema-Israyeli nakaphuma eGibhithe, efika lapha atsatsa live lami, kusukela e-Anoni kuze kuyewufika eJabhoki naseJordane. Manje-ke libuyiseni ngekuthula.”

Tikhulu 21:8

Ngako base bayabuta batsi: “Ngusiphi sive, etiveni tema-Israyeli, lesingazange site emhlanganweni embikwaSimakadze eMispa?” Bakhandza kutsi bekute ngisho namunye lophuma eJabeshi Gileyadi labetile enkambu kulowo mhlangano.