Numeri 20:17 - Siswati 1996 Bible

¹⁷ Sicela kwendlula sidzabule ekhatsi nelive lakho. Singeke sihambe emasimini nome etivinini takho, singeke sinatse ngisho nemanti emitfonjeni yakho. Sitawuhamba ngemgwaco lomkhulu sicondze, singaphambukeli ngesekudla nome ngesancele, size siphumele ngale kwalelive lakho.”

Numeri 20:17 Referencias Cruzadas

2 Tikhronike 20:10

Kodvwa-ke nyalo nankha lamadvodza aka-Amoni, newakaMowabi, newaseNtsabeni iSeyiri, live labo longavumanga kutsi baka-Israyeli balihlasele nabaphuma eGibhithe. Ngako bavele babayekela bangete bababhubhisa.

Numeri 21:1

Yatsi kube inkhosi yemaKhenani, yase-Aradi, leyayihlala eNegevu, eningizimu nelive laseKhenani, ive kutsi ema-Israyeli abeta ngemgwaco wase-Atharimu, yavele yawahlasela, yaphindze yatfumba lamanye awo.

Dutheronomi 2:27

‘Sicela kwendlula sidzabule lelive lakho. Sitawuhamba ngemgwaco, singeke siphambukele ngesekudla nome ngesancele.

Dutheronomi 2:28

Sitsengisele kudla, khona sitekudla, usitsengisele nemanti sitewunatsa; konkhe usitsengisele ngesiliva. Sicela mane usivumele kutsi sendlule ngetinyawo,

Dutheronomi 2:29

njengobe kwenta titukulwane taka-Esawu letihlala eSeyiri, nanjengobe kwenta emaMowabi lahlala e-Ari, size sewelele ngesheya kweJordane, eveni lasinika lona Simakadze Nkulunkulu wetfu.’