Numeri 20:11 - Siswati 1996 Bible

¹¹ Ngako Mosi waphakamisa sandla sakhe washaya lelidvwala kabili ngalendvuku, emanti ampompota kulelidvwala, banatsa bona bonkhe kanye netifuyo tabo.

Numeri 20:11 Referencias Cruzadas

1 Tikhronike 15:13

Kungobe nine, maLevi, anilenyusanga kwekucala, ngako-ke Simakadze wasitfukutselela ngaleso sikhatsi. Asizange sike sibute kuSimakadze kutsi singakwenta kanjani njengobe kubhaliwe.”

1 Tikhronike 15:2

Davide wakhuluma watsi: “Kute nome munye ngaphandle kwemaLevi lekufanele etfwale libhokisi lesivumelwane saNkulunkulu, ngobe ngawo lakhetfwa nguSimakadze kutsi amkhonte ngaleyo nkonzo phakadze naphakadze.”

Tihlabelelo 105:41

Wavula lidvwala, kwampompota emanti, ageleta ehlane njengemfula.

Tihlabelelo 114:8

Simakadze ugucula lidvwala libe lichibi lemanti, ancibilikise tiphongotja tetintsaba tibe ngimitfombo yemanti.

Tihlabelelo 74:15

Nguwe lowavula tiyalu nemifula emadvwaleni, womisa nemifula legeletako.

Tihlabelelo 78:15

Wacheketa emadvwala ehlane, wabanatsisa badzimate bakholwa.

Tihlabelelo 78:16

Wamilisa imifula edvwaleni, wageletisa emanti shangatsi ngimifula.

Tihlabelelo 78:20

Washaya lidvwala kwageleta emanti, imifula yagcwala, yaphuphuma. Pho, angasipha yini kudla alungiselele sive sakhe inyama?”

Eksodusi 17:6

Ngitakuma embikwakho edvwaleni leNtsaba iHorebe. Ubolishaya lelidvwala; emanti atawuphuma kulo, bese bantfu bayanatsa.” Mosi wenta njalo embikwebaholi bema-Israyeli.

Isaya 43:19

Bukani la, ngenta intfo lensha! Manje seyiyavumbuka, aniyiboni yini? Ngenta indlela ehlane, nemifula eveni leligagadzekile.

Isaya 48:21

Abazange sebome ngesikhatsi abahola ehlane; wabavulela emanti agobhota edvwaleni, wacheketa lidvwala, kwampompota emanti.

Hoseya 13:5

Ngakunakekela usesehlane, eveni lelinekushisa lokuvutsako.

Levithikusi 10:1

BoNadabi na-Abihu, emadvodzana a-Aroni, batsatsa titja tabo temphepho, ngulowo nalowo wafaka umlilo esitjeni sakhe watsela nemphepho, banikela kuSimakadze. Kodvwa lowo mnikelo wawungesingcwele, ngobe Simakadze abengakabatfumi kutsi banikele ngawo.

Numeri 20:8

“Tsatsa lendvuku, bese-ke wena na-Aroni, umnakenu, nibutsela sonkhe sive ndzawonye. Khuluma kulelidvwala, embikwaso sibuka, litawube selikhipha emanti. Uyawukhipha emanti kulelidvwala, kuze sonkhe sive kanye netifuyo taso sinatse kulo.”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

1 kubaseKorinthe 10:4

Bonkhe banatsa sinatfo sinye saMoya, ngobe banatsa edvwaleni laMoya lelabalandzela. Yebo, lelo dvwala lalinguKhristu.

Dutheronomi 8:15

Wanihola nadzabula ekhatsi lihlane lelikhulukati nalelesabekako, live lelomile nalelite emanti, lelinetinyoka letinesihlungu nabofecela. Wanitfululela emanti edvwaleni lelilukhuni.

YaJakobe 1:20

ngobe lulaka lwemuntfu alukwenti kulunga lokungukona kwemukeleka kuNkulunkulu.

Tikhulu 15:19

Ngako Simakadze wavula indzawo lenemhholo eLehi, kwachamuka emanti kuyo, Samsoni wanatsa kuyo, emandla akhe abuya, wavuseleleka. Ngako lowo mtfombo, wetsiwa libito kwatsiwa yi-Eni Hakhore; nalamuhla loku usesekhona lapho eLehi.

1 Samuweli 15:19

Awukamlaleli ngani Simakadze? Uyitfumbeleni lemphango, wenta lokubi emehlweni aSimakadze?”

1 Samuweli 15:24

Sawula wakhuluma kuSamuweli, watsi: “Ngonile. Ngiwephulile umyalo waSimakadze kanye nemiyalo yakho. Ngesabe bantfu, ngabe sengiyabayekela.