Numeri 19:11 - Siswati 1996 Bible

¹¹ “Umuntfu loyawutsintsa sidvumbu nome ngabe sabani uyawuba ngulongcolile ngekwemtsetfo emalanga lasikhombisa.

Numeri 19:11 Referencias Cruzadas

Isaya 52:11

Sukani, sukani, niphume eBhabhulona! Ningatsintsi lutfo lolungcolile ngekwemtsetfo! Phumani kulelo dolobha, nitihlambulule nibe msulwa, nine leniphatsa titja taSimakadze.

Sililo 4:14

Nyalo baphrofethi nebaphristi sebadvukuta etitaladini njengemadvodza latimphumphutse. Tingubo tabo setishone ingati, tadzimate tangcola lokwekutsi sekute namunye lofisa nekutitsintsa ngesandla tembatfo tabo.

Hezekeli 39:12

“ ‘Kuyawudzimate kuphele tinyanga letisikhombisa solomane indlu yaka-Israyeli ibangcwaba, kuze kuhlanteke lelive.

Hezekeli 44:26

Nasahlanjululiwe, kufanele eme angakhonti elatini emalanga lasikhombisa.

Levithikusi 11:31

Leto-ke tingcolile kini, tonkhe tilwane letihamba ngesisu. Wonkhe lotsintsa tidvumbu tato uyawuba ngulongcolile kuze kuhlwe.

Levithikusi 21:1

Simakadze wakhuluma kuMosi, watsi: “Khuluma kubaphristi, emadvodzana a-Aroni, utsi kubo: ‘Akukafaneli kutsi umphristi atingcolise ngekwemtsetfo ngekutsi kube khona lakwentako nakungcwatjwa sihlobo sakhe,

Levithikusi 21:11

Akayiwungena endlini lenesidvumbu; yebo, angatingcolisi nome kungeseyise nome kungesenina,

Levithikusi 22:4

“Nangabe lomunye wesitukulwane sa-Aroni anesifo sesikhumba nome analokuvuta emtimbeni, kufanele angawudli umnikelo longcwele aze ahlantwe. Utawuba ngulongcolile nakwenteka atsintsa lokungcoliswe sidvumbu nome ngumuntfu lonalokuvutako,

Levithikusi 5:2

“ ‘Nangabe umuntfu kwenteka angakacondzi atsintsa nome yini lengcolile ngekwemtsetfo, njengesidvumbu sesilwane lesingcolile, nome sifuyo, nome silwanyakatana, naye sewungcolile, sewunelicala.

Hagayi 2:13

Hagayi wabe sewutsi: “Nangabe umuntfu etfuke wangcoliswa kutsintsana nesidvumbu, bese utsintsa lokunye kwaletintfo, kuyaye bese kuba ngulokungcolile yini ngekwemtsetfo?” Baphristi baphendvula, batsi: “Yebo, kuyaye bese kuba ngulokungcolile.”

Numeri 19:16

“Nangabe umuntfu utsite asebaleni watsintsa sidvumbu semuntfu lofe ngekugwazwa, nome lofe ngesifo lesetayelekile, nome lotsintsa litsambo laso, nome lithuna, uyawuba ngulongcolile ngekwemtsetfo emalanga lasikhombisa.

Numeri 31:19

“Nonkhe nine lenibulele umuntfu nome lenitsintse sidvumbu nifanele nihlale ngephandle kwenkambu, kuze kuphele emalanga lasikhombisa. Ngelilanga lesitsatfu nelesikhombisa kufanele nitihlambulule kanye nalabo lenibatfumbile.

Numeri 5:2

“Yala ema-Israyeli uwatjele kutsi wonkhe umuntfu lonesifo salokusabulephelo nome lonekuvuta nome kwaluphi luhlobo, nome longcole ngenca yesidvumbu latsintsene naso, akacoshwe akhishelwe ngephandle kwenkambu.

Numeri 6:6

Ngawo onkhe lawo malanga layawube atehlukanisela ngawo Simakadze akayiwusondzela edvute nesidvumbu,

Numeri 9:10

“Tjela ema-Israyeli utsi: ‘Nangabe lomunye wenu nome wetitukulwane tenu angcole ngenca yekutsintsa sidvumbu nome aseluhambeni khashane, kodvwa noko angaligubha lelo Phasika laSimakadze.

Numeri 9:6

Noko labanye babo abazange bawugubhe lomkhosi, ngobe babengcolile ngekwemtsetfo, ngekutsi babetsintse sidvumbu. Ngako beta kuMosi na-Aroni ngalo lelo langa bafike

Imisebenti yebaPhostoli 21:26

Pawula wase utsatsa lamadvodza kwatsi ngakusasa bahlanjululwa, wase uya ethempelini wayawubatjela kutsi lokutihlambulula kutaba sikhatsi lesinganani, bese kwentiwa umnikelo walowo nalowo kubo.

Imisebenti yebaPhostoli 21:27

Kwatsi lapho sekusele kancane kutsi kuphele emalanga lasikhombisa, emaJuda ase-Asiya abona Pawula asethempelini, ase afaka kubantfu umoya wetikhova wekutsi basuse siphitsiphitsi, ambamba,

KubaseRoma 5:12

Sono sangena ngemuntfu munye emhlabeni, sangena nekufa, kufa kwase kwendlulela kubo bonkhe bantfu, njengobe bonkhe bonile.

2 kubaseKorinthe 6:17

INkhosi yaphindza yatsi: “Phumani emkhatsini wabo, nehlukane nabo. Ningakutsintsi lokungcolile, ngiyawube sengiyanemukela.”

Kubase-Efesu 2:1

Univusile nani lebenifile ngenca yetiphambuko netono tenu,

KumaHebheru 9:14

inganihlambulula kakhulu kangakanani-ke ingati yaKhristu! Watinikela yena kuNkulunkulu ngaMoya waphakadze, watinikela ate sici. Ingati yakhe iyawuhlambulula nembeza wenu emisebentini lefile, kuze nikhonte Nkulunkulu lophilako.