Numeri 18:8 - Siswati 1996 Bible

⁸ Simakadze wakhuluma ku-Aroni, watsi: “Mine ngikubeka kutsi uphatse iminikelo leletfwe kimi, yonkhe iminikelo lengcwele lenginikwa yona ngema-Israyeli, mine ngiyinika wena nemadvodzana akho kutsi ibe sabelo sakho titukulwane ngetitukulwane.

Numeri 18:8 Referencias Cruzadas

2 Emakhosi 12:16

Imali yeminikelo yemacala neyeminikelo yetono yona yayingangeniswa ethempelini laSimakadze, yayiba yebaphristi.

2 Tikhronike 31:4

Watjela bantfu lababehlala eJerusalema kutsi abaletse leso sabelo lesasifanele baphristi nemaLevi, kuze batinikele ngalokuphelele emtsetfweni waSimakadze.

2 Tikhronike 31:5

Satsi kube siphume nje lesimemetelo, ema-Israyeli anikela ngenjabulo, anikela ngetitselo tekucala talokutinhlavu kwawo, nangeliwayini lelisha, nangemafutsa, nangeluju, nangako konkhe lokwakusivuno semasimi, aletsa kwelishumi kwato tonkhe tintfo.

Eksodusi 28:43

Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”

Eksodusi 29:21

Ubotsatsa lengati leselatini kanye nemafutsa emgcobo ufafate bo-Aroni nemadvodzana akhe kanye netingubo tabo; ngaloko bo-Aroni nemadvodzana akhe batawube sebanikelwe kimi kanye netingubo tabo.

Eksodusi 29:28

Loko kutawuhlala kusabelo sa-Aroni nemadvodzana akhe ngesimiso saphakadze kuma-Israyeli. Njalo nje nakwentiwa umnikelo wekuthula, umganga nemlente kuyawuba kwebaphristi. Leso-ke sipho sebantfu labasinika mine, Simakadze.

Eksodusi 29:29

“Tembatfo ta-Aroni letingcwele tiyawuba temadvodzana akhe, nasafile; ayawutembatsa nasagcotjiwe.

Eksodusi 40:13

Ubogcokisa Aroni ngetembatfo tebuphristi, bese uyamgcoba abe ngcwele, khona atewungikhonta njengemphristi.

Eksodusi 40:15

Nawo lamadvodzana ubowagcoba, njengobe ugcobe uyise, khona nawo atewungikhonta njengebaphristi. Lomgcobo utawubenta babe baphristi titukulwane ngetitukulwane.”

Isaya 10:27

Ngalelo langa umtfwalo wema-Asiriya uyawususwa emahlombe enu, nelijoko lawo lisuswe entsanyeni yenu; lijoko litakwephulwa njengobe senikhuluphele kangaka nje.

Levithikusi 21:10

“ ‘UmPhristi Lomkhulu logcotjwe enhloko ngemafutsa, emkhatsini webanakabo, wangcweliselwa kutsi agcoke tembatfo tebuphristi, akayiwutiyekela tinwele tenhloko yakhe tingemahlutse, nome aklebhule kwekwembatsa kwakhe.

Levithikusi 23:20

Umphristi uyawukujikitisa kanye nesinkhwa setitselo tekucala, kube ngumnikelo wekujikitiswa kuSimakadze nalamazinyane emvu lamabili, ayawuba ngcwele kuSimakadze, abe sabelo salomphristi.

Levithikusi 6:16

Lokuyawusala lapho kuyawudliwa bo-Aroni nemadvodzana akhe. Kuyawudliwa kungakafakwa imbiliso, kudlelwe endzaweni lengcwele; kufanele kudlelwe esibuyeni selithende lekuhlangana.

Levithikusi 6:18

Loko sekuyawuba simiso etitukulwaneni nasetitukulwaneni kutsi onkhe emadvodza ekutalwa ngu-Aroni kube ngiwo ladla kudla lokunikelwe ngemlilo kuSimakadze kutsi kube sabelo sawo. Konkhe lokukutsintsako kuyawuba ngcwele.”

Levithikusi 6:20

“Lena ngiminikelo leyawuletfwa ngu-Aroni nemadvodzana akhe kuSimakadze ngelilanga lekugcotjwa kwabo: ngufulaha lonesisindvo losingaba yikhilogremu yinye, lokusilinganiso semnikelo walokutinhlavu wemalanga onkhe, incenye ibe yasekuseni, nalenye incenye ibe yasentsambama.

Levithikusi 6:26

Umphristi lonikela ngalomhlatjelo uyakuwudla asendzaweni lengcwele, esibuyeni selithende lekuhlangana.

Levithikusi 7:14

Uyawuletsa lolo nalolo luhlobo lwemnikelo umpotongwane ube munye, kube ngumnikelo kuSimakadze; loko kwemphristi lofafata lengati yemnikelo wekuthula.

Levithikusi 7:28

Simakadze wachubeka wakhuluma kuMosi, watsi:

Levithikusi 7:6

Bonkhe labadvuna lababemndeni webaphristi bavunyelwe kuwudla lomnikelo. Kufanele udlelwe endzaweni lengcwele; ungcwelengcwele.

Levithikusi 8:30

Mosi watsatsa lenye incenye yemafutsa emgcobo kanye nengati leyayisetikwelilati, wafafata ngayo bo-Aroni nemadvodzana akhe netimphahla tabo. Wabanikela kanjalo-ke bo-Aroni nemadvodzana akhe kanye netembatfo tabo kuSimakadze.

Numeri 18:9

Itawuba ngeyenu incenye yaleminikelo lengcwelengcwele lengayiswa emlilweni. Kuto tonkhe tipho labatiletsa kimi njengeminikelo lengcwelengcwele, nome ingeyalokutinhlavu nome yesono nome yelicala, leyo ncenye lengcwele kakhulu yakho nemadvodzana akho.

Numeri 5:9

Yonkhe iminikelo lengcwele letsite leyawunikelwa ngema-Israyeli kuSimakadze iyawuba yalowo mphristi leyetfulwe kuye.

1 kubaseKorinthe 9:13

Anati yini kutsi labaphetse imisebenti yelithempeli badla emnikelweni welithempeli, nekutsi labakhonta elatini banesabelo emnikelweni?

Dutheronomi 12:11

Kuleyo ndzawo-ke Simakadze Nkulunkulu wenu layakuyikhetsa ibe yakhe, niyawuletsa khona konkhe lenginiyale ngako: iminikelo yenu yekushiswa, nemihlatjelo yenu, nekwelishumi kwenu, netipho tenu letimcoka kanye nayo yonkhe iminikelo yenu yelikhetselo lenanetsembisa ngayo kuSimakadze.

Dutheronomi 12:6

nimikise iminikelo yenu yekushiswa nemihlatjelo, nekwelishumi kwenu, netipho tenu leto lenincume ngato kutsi nitatiletsa, neminikelo yenu yesihle kanye nematubulo enu etinkhomo netimvu.

Dutheronomi 18:1

“Baphristi labangemaLevi, bona ngempela besive semaLevi, akukafaneli babe nesabelo nome lifa kanye nesive sema-Israyeli. Bona bayawuphila ngeminikelo leyentiwa ngemlilo kuSimakadze, ngobe loko ngukona kulifa labo.

Dutheronomi 26:13

Niyawube senikhuluma kuSimakadze Nkulunkulu wenu, nitsi: ‘Sengikukhiphile konkhe lokungcwele lokusabelo lobekusendlini yami, sengikunike emaLevi, netindzindzi, netintsandzane, nebafelokati, njengobe wangiyala. Angikaphambuki emiyalweni yakho, futsi angikakhohlwa ngisho munye wayo.

KumaHebheru 1:9

Utsandze kulunga, watondza bubi; ngako-ke, Nkulunkulu, longuNkulunkulu wakho, ukugcobe ngemafutsa enjabulo ngetulu kwabomnakenu.”

1 yaJohane 2:20

Kodvwa-ke nine nigcotjwe nguLongcwele, nonkhe ninalo lwati.

1 yaJohane 2:27

Kodvwa nine ninekugcotjwa kwaMoya lokukini lenakwemukela kuKhristu; ngako-ke asikho sidzingo sekutsi ningabuye nifundziswe ngulomunye umuntfu. Lokunigcoba kwakhe kunifundzisa tonkhe tintfo, futsi kuliciniso, akusiwo emanga; njengobe kunifundzisile-ke, hlalani nikuye.