Numeri 18:23 - Siswati 1996 Bible

²³ NgemaLevi layawukwenta umsebenti welithende lekuhlangana etfwale bubi lobuphambene nalo. Lesi kutawuba simiso lesingeyiwuphindze siguculwe titukulwane ngetitukulwane letitako. Bangeke balinikwa lifa kuma-Israyeli.

Numeri 18:23 Referencias Cruzadas

Eksodusi 27:21

Aroni nemadvodzana akhe kufanele balinakekele lelithende lekuhlangana ngekulikhanyisa kusukela kusihlwa kuze kube ngusekuseni; lolutsi lwetibane kufanele lubekwe ngaphandle kwendvwangu lesembikwelibhokisi lesivumelwane, lapho ngikhona khona. Lomtsetfo kufanele wentiwe ngema-Israyeli titukulwane ngetitukulwane.”

Hezekeli 44:10

“ ‘EmaLevi langibalekela ngesikhatsi ema-Israyeli eduka nangesikhatsi azulazula esuka kimi, alandzela tithico tawo, kufanele ayetfwale leyo miphumela yesono sawo.

Numeri 18:1

Simakadze wakhuluma ku-Aroni, watsi: “Wena, nemadvodzana akho, nemndeni weyihlo kufanele netfwale bubi lobuphambene nendzawo lengcwele; wena-ke nemadvodzana akho niyakwetfwala tono leticondzene nebuphristi benu.

Numeri 18:20

Simakadze wakhuluma ku-Aroni, watsi: “Wena uyawubate lifa eveni labo, kantsi uyawubate nesabelo njengabo. Ngimi lengisabelo sakho nelifa lakho esiveni sonkhe sema-Israyeli.”

Numeri 19:21

Lesi-ke simiso sabo lesiyawuhlala sentiwa titukulwane ngetitukulwane. “Lomuntfu lobafafata ngemanti ekuhlambulula kufanele naye ageze timphahla takhe tekwembatsa, nalowo lotsintsa lamanti ekuhlambulula uyawuba ngulongcolile kuze kuhlwe.

Numeri 26:62

Onkhe emaLevi lamadvuna kusukela kulabenenyanga budzala kuya etulu abeti-23 000. Wona akazange abalwe kanye nema-Israyeli lamanye, ngobe wona akemukeliswanga sabelo selive.

Numeri 3:7

Kufanele emaLevi ente imisebenti letsite entele yena kanye nesive sonkhe sema-Israyeli ethendeni lekuhlangana nakakhonta ethendeni.

Numeri 35:29

Lena-ke nguyona mitsetfo yenu lenitawuhamba ngayo titukulwane ngetitukulwane.

Dutheronomi 10:9

Ngiko nje emaLevi angenaso sabelo nome lifa emkhatsini wabomnakabo. Simakadze ulifa lawo, njengobe Simakadze Nkulunkulu wenu awatjela.

Joshuwa 13:14

Kodvwa sive sakaLevi Mosi akazange asabele lifa ngesizatfu sekutsi iminikelo leyentiwa ngemlilo kuSimakadze, Nkulunkulu wema-Israyeli, ilifa lakaLevi, njengobe abemtsembisile.