Numeri 18:21 - Siswati 1996 Bible

²¹ “Konkhe kwelishumi ngikupha emaLevi kuma-Israyeli, kutsi kube lifa lawo kulowo msebenti lawentako asakhonta kulomsebenti wabo ethendeni lekuhlangana.

Numeri 18:21 Referencias Cruzadas

Genesisi 14:20

Akabongwe Nkulunkulu Losetikwako Konkhe lonikete letitsa takho entsendzeni yesandla sakho.” Abrama wanika Melkhisedeki kwelishumi kwako konkhe.

Genesisi 47:24

Nanivunako, incenye yesihlanu yesivuno nitawuyetfula kuFaro, bese kutsi tincenye letine esihlanwini tibe tenu netemindeni yenu.”

Genesisi 47:26

Ngako-ke Josefa wakwenta kwaba ngumtsetfo lomile welive laseGibhithe, kuze kube ngulamuhla, kutsi Faro anikwe incenye yesihlanu yesivuno. Live lebaphristi lodvwa lelasala langete ladliwa nguFaro.

2 Tikhronike 31:12

Bantfu bayiletsa ngekwetsembeka lokukhulu iminikelo, nekwelishumi kanye netipho letatinikelwe. Khonaniya, umLevi, abengamele tonkhe letintfo; umsiti wakhe bekunguShimeyi, umnakabo.

Nehemiya 10:29

bonkhe-ke labo bahlanganyela nabomnakabo nebahlonishwa babo, batibopha ngesicalekiso nangesifungo kutsi batawulandzela kahle umtsetfo waNkulunkulu labanika wona ngaMosi, inceku yaNkulunkulu, kuyilalela yonkhe imiyalo nemihambo kanye netimiso taSimakadze longuNkulunkulu wabo.

Nehemiya 10:37

“Ngetulu kwaloko sitawuletsa etingungwini tendlu yaNkulunkulu wetfu, kubaphristi kwekucala kwalokusampuphu yetfu, nekwalokutinhlavu lokungumnikelo, nekwetitselo tato tonkhe tihlahla tetfu tetitselo, nekweliwayini lelisha nemafutsa. “Sitawuletsa nekwelishumi kwetivuno tetfu kumaLevi, ngobe ngemaLevi lagcogca kwelishumi kuwo onkhe emadolobha, lapho sisebentela khona.

Nehemiya 10:38

Umphristi loyintalelwane ya-Aroni uyawuphekeletela emaLevi ngesikhatsi agcogca kwelishumi. EmaLevi kufanele nawo aletse kwelishumi kuko konkhe lokukwelishumi akuletse endlini yaNkulunkulu wetfu, etingungwini tasendlini yengcebo.

Nehemiya 12:44

Ngaleso sikhatsi kwabekwa emadvodza labetakwengamela tingungumakamelo teminikelo, netetilinga kanye netekwelishumi. Lamadvodza abebekelwe kutsi abutse iminikelo yebaphristi neyemaLevi kubo bonkhe balimi lababesedvutane nemadolobha, akuletse kuletingungumakamelo, tonkhe tabelo tebaphristi netemaLevi letatifunwa ngumtsetfo. Sonkhe sive semaJuda saseneliswa yinkonzo yebaphristi neyemaLevi.

Nehemiya 12:47

Ngako ngetikhatsi taboZerubhabheli naboNehemiya, onkhe ema-Israyeli abeletsa umnikelo welilanga ngelilanga webahlabeli newabomahlalesangweni. Ngabo futsi labebabela lawa lamanye emaLevi incenye yawo, nemaLevi ehlukanisa tabelo tetitukulwane ta-Aroni.

Nehemiya 13:12

Ngako onkhe emaJuda aletsa kwelishumi kwawo kwalokutinhlavu nekweliwayini lelisha, nekwemafutsa, etingungwini tendlu yaNkulunkulu.

Nehemiya 13:5

abemnikete lenkhulu indlu leyayikadze iyingungu yeminikelo yalokutinhlavu, neyemphepho, neyetintfo tasethempelini, neyekwelishumi kwalokutinhlavu, neyekweliwayini lelisha, neyekwemafutsa labekabelwe emaLevi, nebahlabeli, nabomahlalesangweni kanye naloko lokwakuletselwa baphristi.

Malakhi 2:4

Nitawukwati-ke kutsi nginitfumelele lesecwayiso, khona kutawutsi sivumelwane sami naLevi sichubeke,” kusho Simakadze longuSomandla.

Malakhi 3:10

Letsani konkhe kwelishumi endlini yengcebo, kuze kutewuba nekudla endlini yami.” Simakadze utsi: “Ase ningilinge ngaloko, nitewubona kutsi ngingeke yini nginivulele emafasitelo asezulwini ekutfulula, nginitfululele tibusiso letinyenti, nize nehluleke kutfola indzawo leyenele yekutigcina.

Numeri 18:6

Mine matfupha ngikhetse labazalwane bakho labangemaLevi emkhatsini wema-Israyeli kutsi babe sipho kini, banikelwe kuSimakadze kutsi bente umsebenti welithende lekuhlangana.

Numeri 3:6

“Letsa sive semaLevi usetfule ku-Aroni, umphristi, kutsi sitemsita.

Numeri 31:28

Kulamabutfo labekayile emphini niyakwehlukanisela Simakadze kube kunye lokusibongo senu emakhulwini lasihlanu: ebantfu, newetinkhomo, newetimbongolo, newetimvu, kanye newetimbuti.

KubaseGalathiya 6:6

Akutsi lowo lofundziswako ngelivi laNkulunkulu ahlephunelane etintfweni tonkhe letinhle nalowo lamfundzisako.

Dutheronomi 18:8

Kufanele abe nesabelo lesilingana nesalabanye, nome ngabe kukhona imali layitfolile ngekutsengisa timphahla temndeni wakhe.”

KumaHebheru 7:5

Titukulwane taLevi letemukela buphristi tinemiyalo emtsetfweni kutsi titsatse kwelishumi kubo bonkhe bantfu. Phela bakutsatsa kubantfu besive sakubo lesaphuma ku-Abrahama.