Numeri 18:15 - Siswati 1996 Bible

¹⁵ “Sitselo sekucala sesitalo sakho, nome semuntfu nome sesifuyo, lesinikelwe kimi, sitawuba sakho. Kodvwa kufanele ulihlenge litubulo lemuntfu lelingumfana, kanjalo futsi nelitubulo lelidvuna lesilwane lesingcolile ngekwemtsetfo.

Numeri 18:15 Referencias Cruzadas

2 Emakhosi 12:5

Wonkhe umuntfu longumphristi akabelwe imali ngulomunye webagcini betimali, isetjentiswe ekwakheni kabusha konkhe lokutfolakale ethempelini kutsi sekonakele.”

Nehemiya 10:37

“Ngetulu kwaloko sitawuletsa etingungwini tendlu yaNkulunkulu wetfu, kubaphristi kwekucala kwalokusampuphu yetfu, nekwalokutinhlavu lokungumnikelo, nekwetitselo tato tonkhe tihlahla tetfu tetitselo, nekweliwayini lelisha nemafutsa. “Sitawuletsa nekwelishumi kwetivuno tetfu kumaLevi, ngobe ngemaLevi lagcogca kwelishumi kuwo onkhe emadolobha, lapho sisebentela khona.

Eksodusi 13:15

Ngesikhatsi Faro enta inhlitiyo yakhe iba lukhuni, ala kusikhulula kutsi sihambe, Simakadze wabulala onkhe ematubulo ebantfu baseGibhithe kanye newetifuyo taseGibhithe. Ngiko nje nginikela kuSimakadze onkhe ematubulo lamadvuna; kodvwa onkhe emadvodzana langematubulo ngiyawahlenga.’

Eksodusi 13:2

“Nikela kimi ngako konkhe kwematubulo. Konkhe lokuvula sitalo kuma-Israyeli, nome kwebantfu nome kwesifuyo, kwami.”

Eksodusi 22:29

“Ungayekeli kunikela ngesivuno sakho semabele neseliwayini nasekuvunwa. “Ungiphe litubulo lemadvodzana akho.

Eksodusi 34:20

Litubulo lelidvuna lembongolo uyawulihlenga ngekunikela lizinyane lemvu esikhundleni salo; nangabe awulihlengi, ubolephula intsamo. Onkhe emadvodzana langematubulo uyakuwahlenga. “Kufanele kubete lovela embikwami angakaphatsi lutfo etandleni.

Numeri 18:16

Kufanele kutsi angaba nenyanga budzala, bese niyawahlenga ngaleyo ntsengo yesihlengo setinhlavu tesiliva letisihlanu ngekwesilinganiso lesisemtsetfweni.

Numeri 3:13

ngobe onkhe ematubulo ngewami. Mhlazana ngishaya onkhe ematubulo aseGibhithe, ngatehlukanisela onkhe ematubulo aka-Israyeli, ebantfu newetifuyo. Ayawuba ngewami. NginguSimakadze.”

Numeri 3:46

Njengobe ematubulo ema-Israyeli endlula emaLevi ngema-273, kufanele uwahlenge lamatubulo langetulu.

Dutheronomi 15:19

“Simakadze Nkulunkulu wakho uyakumehlukanisela onkhe ematubulo lamadvuna etinkhomo netimvu kanye netimbuti. Ungawabopheli ematubulo etinkhomo takho futsi ungawahhuli ematubulo etimvu takho.