Numeri 17:3 - Siswati 1996 Bible

³ Endvukwini yakaLevi ubobhala libito la-Aroni, ngobe kufanele kube nendvuku yalowo nalowo mholi waleso sive.

Numeri 17:3 Referencias Cruzadas

Eksodusi 6:16

Lawa ngemabito emadvodzana aLevi: bekuboGeshoni, naKhohati, naMerari; leyo-ke bekungimindeni yakaLevi. Levi waphila wadzimate waba neminyaka leli-137 budzala.

Eksodusi 6:20

Amramu watsatsa Jokhebedi, labengudzadzewaboyise; wamtalela Aroni naMosi. Amramu waphila wadzimate waba neminyaka leli-137 budzala.

Jeremiya 42:20

kutsi nenta siphosiso lesesabekako ngesikhatsi ningitfuma kuSimakadze longuNkulunkulu wenu, natsi: ‘Sithandazele kuSimakadze wetfu; sitjele konkhe lakushoko, sitakwenta.’

Hezekeli 37:16

“Ndvodzana yemuntfu, tsatsa umzaca ubhale kuwo, utsi: ‘LongewakaJuda nema-Israyeli latihlanganise naye.’ Bese utsatsa lomunye futsi umzaca ubhale kuwo, utsi: ‘Longewaka-Efrayimu, nalongewakaJosefa nabo bonkhe bendlu yaka-Israyeli labatihlanganise naye.’

Numeri 17:2

“Khuluma kuma-Israyeli akunike tindvuku letili-12, yinye kuleso nakuleso sive lephuma kumholi waso. Bhala libito laleyo naleyo ndvodza endvukwini yayo.

Numeri 17:4

Letindvuku ubotibeka embikwelibhokisi lesivumelwane ethendeni lekuhlangana, lapho ngihlangana nani khona.

Numeri 18:1

Simakadze wakhuluma ku-Aroni, watsi: “Wena, nemadvodzana akho, nemndeni weyihlo kufanele netfwale bubi lobuphambene nendzawo lengcwele; wena-ke nemadvodzana akho niyakwetfwala tono leticondzene nebuphristi benu.

Numeri 18:7

Kodvwa wena nemadvodzana akho niyawukhonta njengebaphristi kuko konkhe lokukwaselatini nangekhatsi kwendvwangu. Ngininika inkonzo yebuphristi njengesipho. Lowo longakafaneli loyawusondzela eceleni kwalelilati, uyawubulawa.”

Numeri 26:10

Umhlaba wakhamisa wabagwinya bonkhe naKhora, balandzeli bakhe labafa ngesikhatsi umlilo ubhubhisa emadvodza langema-250, baba luphawu lwesecwayiso.