Numeri 16:5 - Siswati 1996 Bible

⁵ Watsi kuKhora nalesicumbi labesihola: “Ekuseni kusasa Simakadze utasikhombisa kutsi ngubani longewakhe nekutsi ngumuphi longcwele, utamsondzeta edvute naye. Lowo muntfu latikhetsele yena uyawumenta abesedvute naye.

Numeri 16:5 Referencias Cruzadas

Tihlabelelo 105:26

Watfumela Mosi, inceku yakhe, wahamba na-Aroni labekhetfwe nguSimakadze.

Tihlabelelo 115:10

Awu, wena ndlu yaka-Aroni, beka litsemba lakho kuSimakadze. Nguye longumsiti wakho nesihlangu sakho!

Tihlabelelo 65:4

Ubusisiwe umuntfu lokhetfwa nguwe umsondzete kuwe, uyawuhlala endzaweni yakho lengcwele. Siyakwesutsiswa ngalokuhle kwendlu yakho, lithempeli lakho lelingcwele!

Eksodusi 28:1

“Ubobe sewubita umnakenu, Aroni, kanye nemadvodzana akhe boNadabi, na-Abihu, naEleyazare, na-Ithamari, ubehlukanise nema-Israyeli, ngobe ngifuna babe baphristi bekungikhonta.

Eksodusi 28:41

Letimphahla ubotembatsisa umnakenu Aroni nemadvodzana akhe. Ubobagcoba ngemafutsa emncumo, ungehlukanisele bona babe ngcwele bangene esigabeni sekungikhonta njengebaphristi.

Eksodusi 28:43

Aroni nemadvodzana akhe kufanele batifake njalo nje nabaya ethendeni lekuhlangana nome beta kutekungikhonta elatini endzaweni lengcwele, khona bangetiwubulawa ngenca yekona ngebungcunu babo. “Lona-ke ngumyalo wa-Aroni netitukulwane takhe kuze kube phakadze naphakadze.”

Jeremiya 30:21

Umholi wabo kuyawuba ngulomunye wesive sabo; umbusi wabo uyawuvela emkhatsini wabo. Ngiyakumsondzeta, naye uyawuvele asondzele kimi, ngobe vele ngubani lowake watinikela yena, abesedvute nami?’ kusho Simakadze.

Jeremiya 49:19

“Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma base-Edomu, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?

Jeremiya 50:44

Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma baseBhabhulona, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?”

Hezekeli 40:46

lelikamelo lelalibheke ngasenyakatfo lalilebaphristi lababekhonta elatini. Labaphristi kwakuyintalelwane yaSadoki, kwakungabo kuphela emalunga labewesive semaLevi labenelilungelo lekusondzela ebukhoneni baSimakadze ayewumkhonta.

Hezekeli 43:19

Kufanele unikele ngenkunzana kutsi ibe ngumnikelo wesono kubaphristi, labangemaLevi, bendlu yakaSadoki, labasondzelako kutewukhonta embikwami, kusho iNkhosi Simakadze.

Hezekeli 45:4

Kuyawuba yindzawana lengcwele eveni, leyehlukaniselwe baphristi labasondzela kuSimakadze bakhonte ethempelini lakhe. Iyakuba yindzawo yetindlu tabo, ibe nendzawo yelithempeli.

Levithikusi 10:3

Mosi wakhuluma ku-Aroni watsi: “Simakadze abesho kona loku-ke ngesikhatsi atsi: ‘Ngiyawutibonakalisa ngingcwele kulabo labasedvute nami; ngiyawukhatimuliswa embikwabo bonkhe bantfu.’ ” Kodvwa Aroni wathula.

Levithikusi 8:2

“Tsatsa bo-Aroni nemadvodzana akhe ubemise ekungeneni kwelithende lekuhlangana, uletse tembatfo tabo tebuphristi, nemafutsa emgcobo, nenkunzi yemnikelo wesono, netihhanca letimbili, nelibhasikidi lelinetinkhwa letingenambiliso,

Malakhi 3:18

Niyawuphindze niwubone kahle umehluko emkhatsini walabalungile nalababi, ngisho emkhatsini walabo labakhonta Nkulunkulu nalabo labangamkhonti.”

Numeri 16:3

Babutsana ndzawonye bahlasela boMosi na-Aroni, batsi kubo: “Senihambe kakhulu! Sonkhe lesive singcwele, bonkhe ngamunye ngamunye wabo, futsi naNkulunkulu unabo. Nine-ke nitiphakamiselani etikwalesive saSimakadze?”

Numeri 16:6

Wena Khora, nabo bonkhe balandzeli bakho niyakwenta kanje: Niyawutsatsa titja temphepho,

Numeri 17:5

Indvuku yalowo lengimkhetsile itawuhluma, ngitakucedza kanjalo kusola kwalama-Israyeli lakhononako.”

Numeri 17:8

Ngelilanga lelilandzelako Mosi wangena ethendeni lebufakazi, kulelibhokisi lesivumelwane, wakhandza kutsi indvuku ya-Aroni, leyayimele sive semaLevi, yayingakahlumi kuphela kodvwa yaze yaba nemidvumba yachakaza yatsela titselo tema-alimondi.

Johane 15:16

Akusini lenangikhetsa, kodvwa ngimi lenganikhetsa nganitfuma kutsi nihambe nitsele titselo letinyenti, leto titselo time futsi, kuze kutsi nobe yini leniyakuyicela kuBabe egameni lami aniphe yona.

Imisebenti yebaPhostoli 1:2

kwaze kwaba lilanga latsatfwa ngalo mhlazana aya ezulwini. Angakenyukeli ezulwini wanika imiyalo ngemandla aMoya Longcwele kubaphostoli labebakhetsile.

Imisebenti yebaPhostoli 1:24

Base bayathandaza batsi: “Nkhosi, wena lowati tonkhe tinhlitiyo tebantfu, sikhombise kutsi ngubani lomkhetsile kulaba lababili

Imisebenti yebaPhostoli 13:2

Basakhonta iNkhosi, bazila, Moya Longcwele watsi kubo: “Ngehlukaniseleni boBhanabasi naSawula, nibehlukanisele umsebenti lengibabitele wona.”

Imisebenti yebaPhostoli 15:7

Emvakwemphikiswano lendze Phetro wasukuma watsi: “Bazalwane bami, niyati kutsi sekusikhatsi lesidze lesendlulile Nkulunkulu angikhetsa emkhatsini wenu kube ngishumayele liVangeli kubetive, khona batewuva bakholwe.

Imisebenti yebaPhostoli 22:14

Yase itsi kimi: ‘Nkulunkulu wabokhokho betfu ukukhetsile kutsi wati intsandvo yakhe, ubone Lolungile wakhe, umuve akhuluma nawe ngeliphimbo lakhe,

Kubase-Efesu 2:13

Kodvwa nyalo nine lebenikadze nikhashane naNkulunkulu senimunye kuKhristu Jesu. Senisondzetwe ngengati yaJesu.

2 kuThimothi 2:19

Kodvwa sisekelo lesimiswe nguNkulunkulu solomane simile, sineluphawu lolutsi: “INkhosi iyabati lababayo,” nekutsi: “Wonkhe umuntfu lotibita ngelibito leNkhosi akakhweshe kulokubi.”

KumaHebheru 12:14

Yetamani kuba nekuthula nabo bonkhe bantfu, nifune kungcweliswa, ngobe kute loyawuyibona iNkhosi angakangcweliswa.

Sembulo 1:6

wasenta emakhosi nebaphristi kuNkulunkulu uYise, akube ludvumo nebukhosi phakadze naphakadze! Amen.

1 Samuweli 2:28

Ngakhetsa khokho wakho emkhatsini wato tonkhe tive tema-Israyeli kutsi abe ngumphristi wami, akhuphukele elatini lami, ashise khona imphepho, avunule nesidziya sebuphristi ebukhoneni bami. Nganika indlu yeyihlo sabelo kuyo yonkhe iminikelo yami yemlilo leyentiwa ngema-Israyeli.