Numeri 16:28 - Siswati 1996 Bible

²⁸ Mosi wakhuluma watsi: “Niyawukwati ngaloku-ke kutsi nguSimakadze longitfumile; akusho kutsi ngitentela ingcondvo yami nje:

Numeri 16:28 Referencias Cruzadas

1 Emakhosi 18:36

Kwase kutsi ngesikhatsi semhlatjelo wakusihlwa Elija wasondzela ngaselatini wathandaza watsi: “Awu, Simakadze, Nkulunkulu wa-Abrahama, na-Isaka, na-Israyeli, akwatiwe lamuhla lapha kutsi wena unguNkulunkulu wema-Israyeli nekutsi mine ngiyinceku yakho, nekutsi tonkhe letintfo ngitente ngekuyalwa nguwe.

Eksodusi 3:12

Nkulunkulu watsi: “Mine, ngitawuba nawe. Nasi-ke sibonakaliso loyawubona ngaso kutsi ngimi lona lokutfumile: Kuyawutsi nase ubakhiphile bantfu bami eGibhithe, bese niyeta nifike ningikhonte kulentsaba.”

Eksodusi 4:12

Hamba nyalo! Ngiyawukusita nase ukhuluma, ngikutjele kutsi utawukhuluma utsini.”

Eksodusi 4:15

Wena-ke ubokhuluma naye umtjele onkhe emagama lofanele kuwasho. Ngiyawunisita nobabili ekukhulumeni, nginitjele kutsi kufanele nenteni.

Eksodusi 7:9

“Faro nakatsi: ‘Ase nente ummangaliso lotanifakazela,’ ubotsi ku-Aroni: ‘Tsatsa indvuku yakho uyijike phansi embikwaFaro, itawugucuka ibe yinyoka.’ ”

Jeremiya 23:16

Naku lokushiwo nguSimakadze Somandla, utsi: “Ningakulaleli lokuphrofethwa baphrofethi kini, banigcwalisa ngematsemba langemanga. Bakhuluma imibono yetingcondvo tabo, hhayi lokuphuma emlonyeni waSimakadze.

Hezekeli 13:17

“Nyalo-ke, ndvodzana yemuntfu, bhekisa buso bakho kuwo emadvodzakati esive sakini laphrofetha loko lokusuka emicabangweni yawo. Phrofetha umelane nawo,

Zakhariya 2:9

Utsi: “Impela ngiyawuphakamisa sandla sami ngimelane nato, khona titewuba yimphango yetigcili tato. Ngulapho-ke niyawukwati khona kutsi nguSimakadze longuSomandla longitfumile.

Zakhariya 4:9

“Tandla taZerubhabheli tibeke sisekelo salelithempeli; netandla takhe futsi titalicedza. Nine-ke niyawube seniyati kutsi Simakadze longuSomandla ungitfume kini.

Numeri 24:13

‘Ngisho nome ngabe Bhalaki anganginika sigodlo sakhe sigcwele isiliva negolide, bengingeke ngitentele lutfo lolusuka kimi, lokuhle nome lokubi, lokuphambene nemyalo waSimakadze. Ngitakusho kuphela loko lokushiwo nguSimakadze.’ ”

Johane 11:42

Bengati mine kutsi uyangiva ngawo onkhe emalanga, kepha loko ngikukhulume ngenca yalabantfu labalapha, khona batekwati kutsi ngitfunywe nguwe.”

Johane 14:11

Ngikholweni kutsi ngikuBabe, naBabe ukimi. Nakungenjalo ngikholweni ngenca yalemisebenti.

Johane 5:30

“Mine ngingeke ngitentele lutfo ngekwami; ngehlulela njengaloko lengikuvako, kwehlulela kwami kulungile, ngobe angifuni yona intsandvo yami, kepha intsandvo yalowo longitfumile.

Johane 5:36

Kepha nginebufakazi lobukhulu kunebaJohane, ngobe imisebenti Babe langinike yona kutsi ngiyente, yona lemisebenti lengiyentako iyangifakazela kutsi ngitfunywe nguBabe.

Johane 6:38

Ngobe kwehla kwami ezulwini akusiko kutsi ngetela kutakwenta intsandvo yami, kepha kutakwenta intsandvo yalowo longitfumile.

Dutheronomi 18:22

Nangabe loko lokushiwo ngulowo mphrofethi ngelibito laSimakadze kungenteki nome kungabi liciniso, kuyawuvele kubonakale kutsi lowo mlayeto akusiwo lovela kuSimakadze. Lowo mphrofethi abetikhulumela nje; ngako ningamesabi.”