Numeri 16:22 - Siswati 1996 Bible

²² Kodvwa boMosi na-Aroni bawa phansi ngebuso bakhotsama, batsi: “Awu Nkulunkulu! Nkulunkulu wemimoya yebantfu bonkhe, kungatsi ngekona kwemuntfu munye bese utfukutselela sonkhe sive?”

Numeri 16:22 Referencias Cruzadas

Genesisi 18:32

Abrahama watsi: “Ngicela kutsi iNkhosi ingatfukutseli ngobe sengitawukhuluma kwekugcina-ke manje. Ase ngitsi-ke ukhandza labalungile balishumi?” Wamphendvula watsi: “Ngenca yalabalungile labalishumi ngingeke ngilibhubhise.”

2 Samuweli 24:1

Lulaka lwaSimakadze lwasivutsela sive sema-Israyeli, wachukuluta Davide kutsi abavukele, watsi: “Hamba uyewubala bonkhe baka-Israyeli nebakaJuda.”

2 Samuweli 24:17

Davide watsi nakabona lengilosi leyayigawula labantfu, wakhuluma kuSimakadze watsi: “Ngimi lowonile, ngenta lokubi. Kodvwa laba batimvu nje. Bona-ke boneni? Sandla sakho asehlele etikwami ngedvwa kanye nasetikwendlu yami, kuphela.”

Jobe 12:10

Kuphila kwato tonkhe tidalwa kusesandleni sakhe, kanjalo nemiphefumulo yabo bonkhe bantfu bemhlaba.

Tihlabelelo 99:6

BoMosi kanye na-Aroni baba ngulabanye bebaphristi bakhe. Samuweli abengulomunye walabo bebabita libito lakhe. Bakhala kuSimakadze, wabaphendvula.

Umshumayeli 12:7

Mkhumbule yena, lutfuli lusengakabuyeli emhlabatsini, lapho lwatsatfwa khona, nemoya usengakabuyeli kuNkulunkulu lowawuniketa.

Isaya 57:16

Ngingeke ngihlale ngisola njalonjalo, futsi ngingeke ngihlale ngitfukutsele, ngobe phela umoya wemuntfu ungaze ucaleke embikwami, umphefumulo wemuntfu lengamdala.

Jeremiya 32:27

“Mine nginguSimakadze, Nkulunkulu wabo bonkhe bantfu. Kukhona yini lokungehlulako mine?

Jeremiya 38:16

Kodvwa inkhosi Sedekiya yafunga lesifungo ngasense kuJeremiya, yatsi: “Ngifunga kuphila kwaSimakadze, lowasinika umphefumulo, ngingeke ngikubulale, futsi ngingeke ngikunikele nakulabo labatingela imphilo yakho.”

Hezekeli 18:4

Ngobe wonkhe umuntfu lophefumulako, wami, uyise kanye nemsa wakhe, bonkhe ngalokufananako, bami. Umuntfu lowonako nguye loyakufa.

Levithikusi 10:6

Mosi wakhuluma ku-Aroni nemadvodzana akhe bo-Eleyazare na-Ithamari, watsi: “Tinwele tenu ningatiyekeli tingemahlutse, kantsi netimphahla tenu akufuneki nitidzabule. Funa nitsi niyakwenta loko nife, nelulaka lwaNkulunkulu lwehlele sive sonkhe. Kodvwa ema-Israyeli wona avumelekile kutsi abazilele labazalwane babo lababulewe ngumlilo lophume kuSimakadze.

Levithikusi 4:3

“ ‘Nangabe kona umphristi logcotjiwe waze wehlisela lelo cala lakhe esiveni, uyawuletsa inkunzana lengenasiyela ayinikele ibe ngumhlatjelo wesono sakhe kuSimakadze.

Zakhariya 12:1

Livi lesembulo: Leli livi laSimakadze nga-Israyeli. Simakadze, lowendlale emazulu, lobeke tisekelo temhlaba, nalowabumba umoya wemuntfu ekhatsi kuye, utsi:

Numeri 14:5

BoMosi na-Aroni bakhotsamisa buso babo embikwesive sonkhe sema-Israyeli lesasihlangene lapho.

Numeri 16:23

Simakadze watsi kuMosi:

Numeri 16:4

Kwatsi Mosi nakakuva loko, wawa phansi ngebuso.

Numeri 16:45

“Sukani emkhatsini walabantfu, kuze ngibabhubhise ngekushesha.” Bobabili bakhotsama babhekisa tinhloko tabo phansi.

Numeri 27:16

“Shangatsi Simakadze, Nkulunkulu wemimoya yebantfu bonkhe, angabeka lenye indvodza ibe ngumholi emkhatsini walesive,

KubaseRoma 5:18

Njengobe ngesono sinye bonkhe bantfu banesijeziso sekufa, ngalokufananako ngesento sinye lesilungile bonkhe bayakwentiwa balungelane naNkulunkulu ekuphileni.

1 kubaseKorinthe 13:7

Lutsandvo lubeketelela tintfo tonkhe, lukholwa tintfo tonkhe, lwetsemba tintfo tonkhe, lukhutsatelela tintfo tonkhe.

KumaHebheru 12:9

Tsine sinabobabe betfu bengati labasiyalako sibahloniphe; pho, Babe wetfu ngekwaMoya akukafaneli yini simhloniphe ngentfobeko lenkhulu, kuze sitewutfola kuphila?

Joshuwa 22:18

Manje senimshiyile yini Simakadze? “ ‘Lamuhla nanihlubuka Simakadze, kusasa utasitfukutselela sonkhe lesive sema-Israyeli.