Numeri 16:2 - Siswati 1996 Bible

² bavukela Mosi. Babutsa bantfu labanyenti labebatiwa esiveni sonkhe, kwaba ngema-Israyeli labengema-250, lababengubona bakhetsiwe batinhloko.

Numeri 16:2 Referencias Cruzadas

Genesisi 6:4

Kulawo malanga, nangasemva kwawo, kwakunetichwaga letatitalwa bantfu emhlabeni. Emadvodzana aNkulunkulu nasangene kuletintfombi tebantfu, tawatalela bantfwana. Labantfwabato bekungemachawe asendvulo labenemandla neludvumo.

1 Tikhronike 12:30

emadvodza aka-Efrayimu, tingwazi letatinesibindzi letatidvume kakhulu etinsendweni takubo, abeti-20 800;

1 Tikhronike 5:24

Baholi balemindeni bekubo-Eferi, na-Ishi, na-Eliyeli, na-Azriyeli, naJeremiya, naHodaviya, naJadiyeli. Babengemachawe labenesibindzi, ladvumile nalabebaholi bemindeni yawo.

Hezekeli 16:14

Ludvumo lwakho lwandza etiveni ngenca yebuhle bakho, ngobe phela lobucwebecwebe lengakupha bona benta kutsi buhle bakho buphelele, kusho iNkhosi Simakadze.

Hezekeli 23:10

Amdlundluluta bume eneka bungcunu bakhe ebaleni, atsatsa emadvodzana nemadvodzakati akhe, yena ambulala ngenkemba. Wagucuka waba siga emkhatsini webafati, wanikwa sijeziso.

Numeri 1:16

Laba-ke ngibo lababekhetsiwe kutsi babe baholi emindenini yabo. Babebaholi bemindeni yaka-Israyeli.

Numeri 12:1

BoMiriyamu na-Aroni bakhuluma kabi ngaMosi, bamsola kutsi abetsetse umfati labengumKushe. Phela Mosi bekashade umfati labengumKushe.

Numeri 16:35

Umlilo lowaphuma kuSimakadze wadla onkhe lamadvodza labengema-250 labekashisa imphepho.

Numeri 26:9

Emadvodzana a-Eliyabe bekuboNemuweli, naDathani, na-Abiramu. BoDathani na-Abiramu bebangulabaholi labavukela Mosi na-Aroni; bebangulabanye bebalandzeli baKhora nabavukela Simakadze.

Numeri 27:3

“Babe wetfu wafela ehlane. Abengesiye lomunye webalandzeli baKhora, labadudana ngekuhlubuka Simakadze; wafela sono sakhe, washiya kute emadvodzana.