Numeri 16:13 - Siswati 1996 Bible

¹³ Akukakwenelisi lokutsi wasikhipha eveni lelivundzile leligcwele lubisi neluju lwetinyosi, wasiletsela kutesibulala lapha ehlane? Nyalo ufuna kulibala kutibusa la etikwetfu?

Numeri 16:13 Referencias Cruzadas

Eksodusi 1:11

Ngako-ke emaGibhithe agcilata ema-Israyeli ngekuwabekela tindvuna letatiwashayela njengetinkhabi, tiwahlupha ngekuwetfwesa imitfwalo lematima. Ema-Israyeli akhela boFaro iPhithomu neRamsesi lekwakutingungumadolobha.

Eksodusi 1:22

Ngako-ke Faro wayala bonkhe bantfu bakhe, watsi: “Lonkhe luswane lwemHebheru lolungumfana lubotsi nalutalwa nilugcumukisele emfuleni iNayili, kodvwa luswane loluyintfombatane niboluyekela luphile.”

Eksodusi 16:3

Sakhuluma kubo satsi: “Sifisa shangatsi ngabe Simakadze wamane wasibulalela khona le eGibhithe, ngobe phela lapho besitihlalela phansi ngasemabhodweni, bese sidla inyama nekudla ngekutsandza kwetfu. Kodvwa nisiletse lapha ehlane kutewusibulala ngendlala sonkhe lesive.”

Eksodusi 17:3

Kodvwa bantfu bomela emanti, bakhonona kuMosi batsi: “Yeyi wena! Wawusikhiphelani lena eGibhithe? Kantsi tsine nebantfwabetfu netifuyo tetfu wawusikhiphela kutsi utesibulala ngekoma la?”

Eksodusi 2:14

Lendvodza yaphendvula yatsi: “Ngubani losakwente indvuna nemehluleli wetfu wena? Sewufuna kungibulala nami njengalomGibhithe lombulele itolo?” Mosi wetfuka, wesaba kakhulu, amangaliswa kutsi kantsi lendzaba beseyatiwa.

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Hezekeli 34:18

Akukeneli yini kini kutsi niklabe edlelweni lelihle? Futsi kufanele yini kutsi nigcobagcobe lencenye yelidlelo ngetinyawo tenu? Akukeneli yini kini kunatsa lamanti lahlobile? Kufanele yini kutsi niwadvunge ngetinyawo tenu lamanti?

Numeri 11:20

kodvwa niyakuyidla inyanga yonkhe, ize iphume nangemakhala, inenyanyise, ngobe senimlahlile Simakadze losemkhatsini wenu, nakhala kuye natsi: “Empeleni saphumelani khona lena eGibhithe?” ’ ”

Numeri 11:4

Kukhona bantfu betive lababesemkhatsini wema-Israyeli, lababekhala ngekukhanuka inyama. Nawo ema-Israyeli akhala, atsi: “Ngubani lotasipha inyama sitekudla?

Numeri 11:5

Sesikhumbule eGibhithe lapho sasidla khona inhlanti mahhala, sasidla emaselwa, nemajoti, nashaladi na-anyanisi, negalikhi.

Numeri 13:27

Betfula umbiko kuMosi, batsi: “Sihambile saya kulelive lositfume kutsi siyekulihlola; sakhandza kutsi, vele live leligcwele lubisi neluju lwetinyosi. Nati nje letinye titselo talo.

Numeri 14:2

Onkhe ema-Israyeli asola boMosi na-Aroni atsi kubo: “Kube samane safela eGibhithe nome ehlane.

Numeri 14:3

Simakadze usiletseleni kulelive kutsi sitewubulawa bese kutfunjwa bafati betfu nebantfwabetfu? Kungete kwaba ncono yini kutsi sincandzeke sibuyele eGibhithe?”

Numeri 16:12

Mosi wabe sewutfumela kutsi kuyewubitwa boDathani na-Abiramu, emadvodzana a-Eliyabe, kodvwa bona batsi: “Singeke site!

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Imisebenti yebaPhostoli 7:35

“Nguye loMosi lowaliwa bantfu baka-Israyeli labambuta batsi: ‘Ngubani losakwente umbusi nemehluleli etikwetfu?’ Nguye lowatfunywa nguNkulunkulu kutsi abe ngumbusi nemkhululi, ngekusitwa yingilosi layibona esihlahleni lesasivutsa umlilo.