Numeri 15:4 - Siswati 1996 Bible

⁴ Lowo loletsa umnikelo wakhe utawuletsa kuSimakadze umnikelo walokutinhlavu ngemalitha langaba mabili afulaha lobhicwe nemafutsa emncumo langaba yilitha.

Numeri 15:4 Referencias Cruzadas

Ezra 7:17

“Ngayo lemali kufanele utsenge tinkunzi, netihhanca, nemazinyane lamadvuna etimvu, utsenge neminikelo yalokutinhlavu neminikelo yetinatfo, uyinikelele elatini lelithempeli laNkulunkulu wakho eJerusalema.

Eksodusi 29:40

Lelizinyane lelitabonikelwa ekuseni libohambisana nemphuphu yakolo locolisakele leyikhilogremu yinye, lebhicwe nelitha yinye yemafutsa emncumo. Utsele ilitha yinye yeliwayini ibe ngumnikelo wesinatfo.

Isaya 66:20

Bayawuletsa bonkhe bomnakenu, babakhipha kuto tonkhe tive, babayise entsabeni yami lengcwele eJerusalema, babe ngumnikelo kuSimakadze. Bayawubetfwala ngemahhashi, nangetincola temphi, nangetinkalishi, nangeminyuzi, nangemakamela,” kusho Simakadze. “Bayawuta nabo njengema-Israyeli nakaletsa iminikelo yawo yalokutinhlavu ngetitja letihlantekile ngekwemtsetfo, ateyetfula ethempelini laSimakadze.

Hezekeli 46:14

Kufanele kwentiwe nemnikelo walokutinhlavu njalo nje ekuseni, kube ngufulaha longemakhilogremu langaba mabili, nemafutsa emncumo langaba lilitha linye nencenye yesitsatfu yelilitha kutewubhucwa ngawo lofulaha. Lemitsetfo yaleminikelo lena kuSimakadze iyawuhlala imile phakadze naphakadze.

Levithikusi 1:13

Lomuntfu kufanele ageze loku kwangekhatsi kwayo nemilente yayo; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 14:10

“Ngelilanga lesiphohlongo kufanele aletse emazinyane emvu lamabili lamadvuna nalelisikati lelinemnyaka munye budzala, onkhe angabi nasiyela, aletse nemalitha langaba sikhombisa emphuphu lecolisakele lehlanganiswe nemafutsa kube ngumnikelo walokutinhlavu, aletse nemafutsa langaba yincenye yelitha.

Levithikusi 2:1

“Nangabe umuntfu aletsa kuSimakadze umnikelo walokutinhlavu, kufanele kube yimphuphu lecolisakele. Kufanele afake emafutsa emncumo kanye nemphepho,

Levithikusi 2:15

Ubengeta emafutsa emncumo kanye nemphepho; lowo ngumnikelo walokutinhlavu.

Levithikusi 23:13

kanye nemnikelo walokutinhlavu longemakhilogremu langaba mabili afulaha lobhicwe nemafutsa. Lowo ngumnikelo lowentiwa ngemlilo kuSimakadze, liphunga lelinuka lusi lolumnandzi kuSimakadze. Niyakuwunikela kanye nemnikelo weliwayini longagcwala lilitha linye.

Levithikusi 3:7

Nangabe umuntfu anikela ngemvu, kufanele ayetfule kuSimakadze,

Levithikusi 6:14

“Lena-ke ngimitsetfo yeminikelo yalokutinhlavu. Emadvodzana a-Aroni kufanele etfule umnikelo walokutinhlavu kuSimakadze embikwelilati.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Numeri 28:12

Inkunzana iyinye iyawuba nemnikelo walokutinhlavu longemalitha langaba sitfupha nencenye afulaha lobhicwe nemafutsa; nalesihhanca sibe nemnikelo walokutinhlavu longemalitha langaba mane nencenye yafulaha lobhicwe nemafutsa,

Numeri 28:4

Niyawunikela linye lizinyane ekuseni, leli lelinye nilinikele nakushona lilanga,

Numeri 29:6

Lena-ke ngulengetulu kwaleminikelo leshiswa ekucaleni kwenyanga, kanye neminikelo leshiswa onkhe emalanga kanye neminikelo yayo yalokutinhlavu neyesinatfo, njengobe kubalelwe. Ngiminikelo leyentiwa kuSimakadze ngemlilo, liphunga lelinuka lusi lolumnandzi.’ ”

Numeri 7:13

Umnikelo wakhe kwakulipulede lesiliva lelalinesisindvo lesasingaba yikhilogremu nencenye, nendishi yesiliva yekunyenyeta lenesisindvo lesasingemagremu labengaba ngema-800, kokubili kwaya ngekwesilinganiso lesisemtsetfweni, kokubili kwakugcwele fulaha abhicwe nemafutsa, kutsi kutewuba ngumnikelo walokutinhlavu;

KubaseRoma 15:16

wekutsi ngibe sikhonti saKhristu Jesu kubetive, ngikhonta njengemphristi ngekushumayela liVangeli leliphuma kuNkulunkulu, khona kutewutsi umnikelo longibo betive wemukeleke ungcwelisisiwe ngaMoya Longcwele.

KumaHebheru 13:16

Ningakuyekeli kwenta lokuhle nekuhlephunelana loko leninako, ngobe iminikelo lenjalo iyamtfokotisa Nkulunkulu.

Tikhulu 9:9

“Kodvwa sihlahla semncumo saphendvula, satsi: ‘Ngingacala ngilahle emafutsa ami, languwona enta bonkulunkulu nemadvodza bahlonipheke, ngiyewuhamba ngintengetela etikwetihlahla?’