Numeri 14:29 - Siswati 1996 Bible

²⁹ Nitakufa, tidvumbu tenu tigcwale lonkhe lelihlane, nonkhe nine lenineminyaka lengema-20 kuya etulu nangenela lubalo, nangisola nekungisola.

Numeri 14:29 Referencias Cruzadas

Tihlabelelo 106:26

Ngako-ke waphakamisa sandla sakhe wafunga kubo kutsi uyawubabhubhisa bafele ehlane,

Tihlabelelo 78:33

Ngako wenta kutsi emalanga abo endlule ashabalale njengemoya, neminyaka yabo yacedvwa tehlakalo.

Hezekeli 20:38

Ngiyawuphenya emkhatsini wenu bonke labo labangivukelako bahlubuke kimi. Nome ngiyawubakhipha eveni lapho bahlala khona nje, noko bangeke bangene eveni laka-Israyeli. Ngulapho-ke niyawungati khona kutsi mine nginguSimakadze.

Numeri 1:45

Onkhe ema-Israyeli kusukela kulabesaneminyaka lengema-20 kuya etulu, labesangalungela kuya emphini abhaliswa ngemabito awo, ngayinye ngayinye, njengekutalana kwawo, lusendvo ngelusendvo nangemindeni yawo.

Numeri 1:46

Bunyenti bawo asawonkhe aba ti-603 550.

Numeri 26:64

Kwabate ngisho yinye indvodza leyabalwa kulawa lababalwe nguMosi na-Aroni umphristi elubalweni lwekucala lolwalwentiwe eHlane laseSinayi.

Numeri 26:65

Kungobe Simakadze abetjele ema-Israyeli kutsi nakanjani atawufela ehlane, ngako kwabate nome munye lowasala ngaphandle kwaboKhalebi, umsa waJefune, naJoshuwa, umsa waNuni.

1 kubaseKorinthe 10:5

Nome kunjalo, linyenti labo alimjabulisanga Nkulunkulu, ngako labhubhela ehlane.

Dutheronomi 2:14

Kwendlula iminyaka lengema-38 kusukela esikhatsini sekusuka eKhadeshi Bhaneya. Ngaleso sikhatsi lonkhe lelo butfo lemadvodza aleso situkulwane abesafe aphela, njengobe Simakadze abefungile.

KumaHebheru 3:17

Bobani laba labamcansula iminyaka lengema-40? Bekungesibo yini labo labona bafela ehlane?

Joshuwa 5:6

Ema-Israyeli abesahambe azula ehlane iminyaka lengema-40, aze afa onkhe emadvodza labengangenela imphi laphuma eGibhithe, ngobe phela abengazange alalele Simakadze. Empeleni Simakadze abefungile kutsi angeke alibone lelo live labeletsembise boyise kutsi utasipha lona, live leligcwele lubisi neluju lwetinyosi.

YaJuda 1:5

Nome nitati tonkhe nje letintfo, ngiyatsandza kunikhumbuta ngato. INkhosi leyabahlenga baka-Israyeli ngekubakhipha eGibhithe, yabuye yababhubhisa labo labangazange bakholwe.