Numeri 14:24 - Siswati 1996 Bible

²⁴ Kodvwa njengobe inceku yami Khalebi anemoya lowehlukile futsi ungilandzela ngenhlitiyo yakhe yonkhe, ngitamngenisa kulelive laya kulo, nebatukulu bakhe bayawulidla libe lifa labo.

Numeri 14:24 Referencias Cruzadas

1 Tikhronike 29:18

Yebo, Simakadze, Nkulunkulu wabobabe Abrahama, na-Isaka, na-Israyeli, gcina lenshisekelo etinhlitiyweni tesive sakho phakadze naphakadze, wente tinhlitiyo tabo tihlale tetsembeke kuwe.

1 Tikhronike 29:9

Sive sajabula kakhulu, nasibona baholi baso banikela ngenhlitiyo levumako, ngobe bebanikela ngenkhululeko nangenhlitiyo yabo yonkhe kuSimakadze. NaDavide, inkhosi, wajabula kakhulu.

2 Tikhronike 25:2

Wenta lokuhle emehlweni aSimakadze, kodvwa, hhayi ngayo yonkhe inhlitiyo yakhe.

Tihlabelelo 119:145

Ngikhala kuwe ngayo yonkhe inhlitiyo yami, ngiphendvule, Simakadze; ngiyawutigcina timiso takho.

Tihlabelelo 119:80

Shangatsi inhlitiyo yami ingagcina timiso takho, kuze ngingehlelwa ngemahloni, ngihlazeke.

Taga 23:26

Ndvodzana yami, ngilalele utigcine ngekunakekela tindlela tami.

Numeri 13:30

Khalebi wababindzisa bonkhe bantfu embikwaMosi, wakhuluma watsi: “Asikhuphuke siyewulidla lelive, ngobe vele singakhona kulincoba.”

Numeri 14:30

Kute nome munye wenu loyawungena kulelo live lengalifungela ngekuphakamisa sandla kutsi kutawuba likhaya lenu, ngaphandle kwaboKhalebi, umsa waJefune, kanye naJoshuwa, umsa waNuni.

Numeri 26:65

Kungobe Simakadze abetjele ema-Israyeli kutsi nakanjani atawufela ehlane, ngako kwabate nome munye lowasala ngaphandle kwaboKhalebi, umsa waJefune, naJoshuwa, umsa waNuni.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Kubase-Efesu 6:6

Loko ningakwenti ngekutsenga emehlo njengalabajabulisa bantfu, kodvwa njengetisebenti taKhristu, nente intsandvo yaNkulunkulu ngenhlitiyo.

Dutheronomi 1:36

ngaphandle kwaKhalebi, umsa waJefune. Yena-ke uyakulibona, nginike yena netitukulwane takhe live lapho lunyawo lwakhe belunyatsele khona, ngobe walandzela Simakadze ngenhlitiyo yakhe yonkhe.’

Dutheronomi 6:5

Tsandza Simakadze Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangawo onkhe emandla akho.

KubaseKholose 3:23

Konkhe lenikwentako, kwenteni ngenhlitiyo, kube shangatsi nentela iNkhosi, hhayi bantfu.