Numeri 13:29 - Siswati 1996 Bible

²⁹ Ema-Amaleki ahlala eningizimu nelive; emaHethi, nemaJebhusi, nema-Amori wona ahlala eveni letintsaba, emaKhenani ahlala ngaselwandle, nangasemfuleni iJordane.”

Numeri 13:29 Referencias Cruzadas

Genesisi 14:7

Base bayancandzeka, beta e-Eni Mishpati leliyiKhadeshi, balicitsa lonkhe live lema-Amaleki, nelema-Amori labehlala eHasesoni Thamari.

Nehemiya 9:8

Wakhandza kutsi inhlitiyo yakhe yetsembekile kuwe, wase wenta sivumelwane naye kutsi lelo live uyawuliniketa titukulwane takhe, live lemaKhenani, nemaHethi, nema-Amori, nemaPheresi, nemaJebhusi kanye nemaGirigashi. Usigcinile setsembiso sakho, ngobe wena ulungile.

Tihlabelelo 83:7

nebakaGebali, nebaka-Amoni, nebaka-Amaleki, nemaFilisti, kanye netakhamiti taseThire.

Eksodusi 3:17

Sengincumile kutsi ngitanikhipha ekuhluphekeni kwenu kwaseGibhithe nginimikise eveni lemaKhenani, nemaHethi, nema-Amori, nemaPheresi, nemaHivi, nemaJebhusi, live leligcwele lubisi, neluju lwetinyosi.” ’

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

Numeri 13:17

Mosi nabatfuma kutsi baye kuyawuhlola lelo live laseKhenani, wakhuluma kubo, watsi: “Khuphukani, ningene ngaseningizimu nelive laseKhenani nize niyewufika etintsabeni.

Numeri 13:30

Khalebi wababindzisa bonkhe bantfu embikwaMosi, wakhuluma watsi: “Asikhuphuke siyewulidla lelive, ngobe vele singakhona kulincoba.”

Numeri 14:25

Njengobe ema-Amaleki nemaKhenani ahlala kulesigodzi, ncandzeka kusasa ucondze ngasehlane ngemgwaco lobheke ngaseLwandle Lolubovu.”

Numeri 14:43

ngobe ema-Amaleki nemaKhenani atawuhlangana nani lapho. Njengobe nisukile kuSimakadze, naye angeke abe nani, ngako nitakuwa ngelusiko lwenkemba.”

Numeri 14:45

Ema-Amaleki nemaKhenani labehlala kulelo live letintsaba ehla atewubahlasela, abehlula abacosha, adzimate ababeka eHoma.

Numeri 24:20

Bhalamu wabona Amaleki, wase ubeka umlayeto wakhe, watsi: “Amaleki waba wekucala etiveni tonkhe, kodvwa, noko ekugcineni uyawubhubha.”

Dutheronomi 20:17

Nibotibhubhisa tiphele tonkhe leto tive: emaHethi, nema-Amori, nemaKhenani, nemaPheresi, nemaHivi, nemaJebhusi, njengobe Simakadze Nkulunkulu wenu aniyala.

Dutheronomi 7:1

“Simakadze Nkulunkulu wenu utaningenisa eveni lenitawuhlala kulo libe lenu. Utawucosha embikwenu letive letinyenti letikulo: emaHethi, nemaGirigashi, nema-Amori, nemaKhenani, nemaPheresi, nemaHivi, nemaJebhusi, tive letisikhombisa letinkhulu naletinemandla kunani.

Joshuwa 10:5

Ngako-ke lamakhosi lasihlanu ema-Amori, inkhosi yaseJerusalema, neyaseHebroni, neyaseJamuthi, neyaseLakhishi, neyase-Egloni, ahlanganisa emabutfo awo awahlela ase ayashuca enyukela eGibeyoni, ayihlasela.

Joshuwa 10:6

EmaGibeyoni atfumela livi kuJoshuwa enkambu leyayiseGilgali, atsi: “Ungatilahli tinceku takho. Phutfuma ute kitsi masinyane utesisindzisa, sisite, ngobe onkhe emakhosi ema-Amori asahlangene ngatsi; onkhe emakhosi elive letintsaba asihlasele.”

Joshuwa 3:10

Joshuwa wachubeka watsi: “Nitakwati kanjena-ke kutsi Nkulunkulu lophilako usemkhatsini wenu nekutsi nakanjani utawucosha tive letinyenti embikwenu: emaKhenani, nemaHethi, nemaHivi, nemaPheresi, nemaGirigashi, nema-Amori kanye nemaJebhusi.

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

Joshuwa 9:1

Kwatsi kube onkhe emakhosi langasenshonalanga kwemfula iJordane eve ngaletintfo, labo labaseveni letintsaba nangasematsafeni langasenshonalanga, kugudla lusentse lweLwandle Lolukhulu kuze kuyewufika eLebanoni, emakhosi emaHethi, nema-Amori, nemaKhenani, nemaPheresi, nemaHivi, nemaJebhusi,

Tikhulu 3:5

Ema-Israyeli abehlala emkhatsini wemaKhenani, nemaHethi, nema-Amori, nemaPheresi, nemaHivi, nemaJebhusi.

Tikhulu 6:3

Kwakutsi njalo ema-Israyeli nakahlanyele tilimo tawo, achamuke emaMidiyani, nema-Amaleki, naletinye tive tangasemphumalanga tilihlasele live.

1 Samuweli 14:48

Walwa ngesibindzi, wancoba ema-Amaleki, wakhulula ema-Israyeli etandleni talabo besebawaphangile.

1 Samuweli 27:8

Davide nemadvodza akakhe benyuka bayawuhlasela emaGeshuri, nemaGizi kanye nema-Amaleki. Kusukela etikhatsini takadzeni letive tatihlala kulelo live, kuze kuyekufika eShuri naseGibhithe.

1 Samuweli 30:1

Davide nelibutfo lakhe befika eSikilagi ngelilanga lesitsatfu. Ema-Amaleki abetselekele iNegevu neSikilagi, ayiphanga. Abefike ahlasela iSikilagi aphindze ayishisa ngemlilo,

1 Samuweli 7:14

Emadolobha labetfunjwe ngemaFilisti kuma-Israyeli, kusukela e-Ekroni kuya eGathi, aphindze abuyela kuma-Israyeli. Ema-Israyeli alitsatsa esandleni semaFilisti lonkhe lelo live lawo. Kwaba nekuthula emkhatsini wema-Israyeli nema-Amori.