Numeri 13:26 - Siswati 1996 Bible

²⁶ Befika kuboMosi, na-Aroni kanye nesive sonkhe sema-Israyeli eKhadeshi, eHlane lasePharani. Befika bababikela kanye nesive sonkhe, badzimate babakhombisa netitselo talelo live.

Numeri 13:26 Referencias Cruzadas

Genesisi 14:7

Base bayancandzeka, beta e-Eni Mishpati leliyiKhadeshi, balicitsa lonkhe live lema-Amaleki, nelema-Amori labehlala eHasesoni Thamari.

Tihlabelelo 29:8

Liphimbo laSimakadze linyakatisa lihlane. Simakadze utfutfumelisa lihlane laseKhadeshi.

Numeri 13:25

Ekupheleni kwemalanga langema-40 babuya ekuhloleni kwabo live.

Numeri 13:3

Ngako-ke Mosi wenta njengobe abeyalwe nguSimakadze, wabatfuma aseseHlane lasePharani. Onkhe lamadvodza abebaholi bema-Israyeli.

Numeri 20:1

Ngenyanga yekucala sonkhe sive sema-Israyeli sefika eHlane laseSini, sefike semisa eKhadeshi. Miriyamu wafela khona lapho, wangcwatjwa.

Numeri 20:14

Mosi watfumela tigijimi kusuka eKhadeshi, taya enkhosini yaka-Edomu, tafike tatsi: “Umnakenu Israyeli utsi wena uyabati bonkhe bulukhuni lobusehlele.

Numeri 20:16

kodvwa satsi kube sikhale kuSimakadze, wakuva kukhala kwetfu wase utfumela ingilosi, wasikhipha eveni laseGibhithe. “Nyalo-ke sesilapha eKhadeshi, edolobhaneni lelisemnyeleni welive lakho.

Numeri 32:8

Naboyihlo benta njalo, nangibatfuma eKhadeshi Bhaneya kutsi bayewuhlola live.

Numeri 32:9

Ngemva kwekwewelela eSihosheni sase-Eshikholi kuyewubuka live, bawacedza emandla ema-Israyeli kutsi angangeni eveni Simakadze lawaphe lona.

Numeri 33:36

Esuka e-Esiyoni Geberi emisa eKhadeshi, eHlane laseSini.

Dutheronomi 1:19

“Satfutsa eHorebe, njengobe Simakadze Nkulunkulu wetfu abesiyalile, sacondza ngasetintsabeni, eveni lema-Amori, sadzabula lonkhe lelo hlane lelesabekako lesenilibonile, saze sefika eKhadeshi Bhaneya.

Dutheronomi 1:2

Kutsatsa emalanga lali-11 kuhamba usuka eHorebe uye eKhadeshi Bhaneya, nawuhamba ngemgwaco weNtsaba iSeyiri.

Joshuwa 14:6

Emadvodzana akaJuda aya kuJoshuwa eGilgali, Khalebi, umsa waJefune, umKhenizi, wafike watsi: “Uyati kutsi Simakadze watsini ngawe nami, kuMosi, inceku yaNkulunkulu, eKhadeshi Bhaneya?

Joshuwa 14:7

Ngangineminyaka lengema-40 budzala ngesikhatsi Mosi, inceku yaNkulunkulu, angitfuma eKhadeshi Bhaneya kutsi ngiyewuhlola live. Ngamletsela umbiko lowetsembekile ngaloko lengakubona,