Numeri 13:20 - Siswati 1996 Bible

²⁰ Umhlaba walo unjani? Uvundzile yini nome awukavundzi? Tikhona yini tihlahla nome atikho? Nibetama ngawo onkhe emandla enu kutsi niphatse titselo talo lelive!” Bekusikhatsi sekuvutfwa kwemagelebisi ekucala emnyakeni.

Numeri 13:20 Referencias Cruzadas

1 Tikhronike 22:11

“Manje-ke, ndvodzana yami, Simakadze akabe nawe ube nemphumelelo, uze wakhe indlu yaSimakadze Nkulunkulu wakho, njengobe atsi utakwenta.

Nehemiya 9:25

Batfumba emadolobha labetinqaba, nemhlabatsi lovundzile, badla tindlu letatigcwele tonkhe tinhlobo tetintfo letinhle, nemitfombo leyase imbiwe, netivini, netihlahla temincumo kanye netihlahla tetitselo letinyenti. Badla besutsa, bondleka kahle, batitika ngekulunga kwakho lokukhulu.

Nehemiya 9:35

Batsi basesebukhosini babo, basatijabulisa ngebumnandzi bekulunga kwakho lokukhulu kubo kulelive lelibanti nalelivundzile lowabapha lona, abazange bakukhonte, futsi abazange baphendvuke etonweni tabo letimbi.

Hezekeli 34:14

Ngiyawutelusela edlelweni lelihle, netintsaba letiphakeme taka-Israyeli tiyawuba ngemadlelo ato. Lapho-ke tiyawulala phansi edlelweni lelihle, ngulapho tiyawuklaba khona edlelweni lelineluhlata, etintsabeni taka-Israyeli.

Danyela 11:24

Kuyawutsi emave lanjingile nase ativela kutsi avikelekile, awahlasele, futsi uyakwenta loko ngisho naboyise labangazange sebakwente bona kanye naboyisemkhulu. Uyawukwaba imphango, netimphahla kanye nemcebo emkhatsini webalandzeli bakhe. Uyawukwakha luzungu lwekuketula tinqaba, noko kube kwesikhashana nje.

Mikha 7:1

Kute litsemba! Mine ngifanana nemuntfu lolambile lotfole tihlahla tite titselo nemagelebisi kute emvinini. Onkhe emagelebisi kanye nemakhiwa lamnandzi bawakhe bawacedza.

Numeri 13:19

Bahlala eveni lelinjani? Lihle yini nome libi? Bahlala emadolobheni lanjani? Lamadolobha abo akabiyelwe yini ngetibondza nome abiyelwe atinqaba?

Dutheronomi 1:24

Esuka akhuphukela eveni letintsaba efika eSihosheni sase-Eshikholi, asihlolisisa.

Dutheronomi 1:25

Lamadvodza akha letinye tetitselo talelo live atiphatsa, eta nato lapha kitsi; afike asibikela atsi: ‘Lelive lasinika lona Simakadze Nkulunkulu wetfu lihle kakhulu.’

Dutheronomi 31:23

Simakadze wanika lowo myalo kuJoshuwa, umsa waNuni, watsi: “Cina ube nesibindzi, ngobe nguwe lotawungenisa ema-Israyeli eveni lengabetsembisa lona ngesifungo, mine matfupha ngiyawuba nawe.”

KumaHebheru 13:6

Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”

Joshuwa 1:6

“Cina, ube nesibindzi, ngobe utawuhola lesive kutsi siyekudla lelive lengaletsembisa boyisemkhulu ngesifungo kutsi ngitabapha lona libe lifa labo.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Joshuwa 2:1

Joshuwa, umsa waNuni, wase utfumela tinhloli letimbili ngasense kusuka eShithimu, watsi: “Hambani niyewuhlola lela live, ikakhulu lidolobha laseJerikho.” Ngako-ke tahamba tefika khona, tangenisa endlini kaRahabi, ingwadla, tahlala khona.

Joshuwa 2:3

Ngako inkhosi yaseJerikho yavele yatfumela livi kuRahabi, yatsi: “Khipha lawo madvodza langenise endlini kakho, ngobe etele kutawuhlola lonkhe lelive.”