Numeri 13:17 - Siswati 1996 Bible

¹⁷ Mosi nabatfuma kutsi baye kuyawuhlola lelo live laseKhenani, wakhuluma kubo, watsi: “Khuphukani, ningene ngaseningizimu nelive laseKhenani nize niyewufika etintsabeni.

Numeri 13:17 Referencias Cruzadas

Genesisi 12:9

Emvakwaloko Abrama wahamba wacondza ngaseningizimu neKhenani.

Genesisi 13:1

Ngako-ke Abrama wakhuphuka eGibhithe, yena nemkakhe, nako konkhe labesanako, wahamba naLoti, baya ngaseningizimu neKhenani.

Genesisi 13:17

Sukuma, uhambe ulidzabule ekhatsi ngebudze nangebubanti balo lelive, ngobe ngitakunika lona.”

Genesisi 13:3

Wesuka eningizimu neKhenani wacocoma ngekutfutsa, waze wefika ngaseBetheli. Waphindze wesuka lapho waya endzaweni lesemkhatsini weBetheli ne-Ayi, lapho abeke wemisa khona lithende kucala,

Genesisi 14:10

Litsafa laseSidimu laligcwele imigodzi yelitiyela. Ngesikhatsi emakhosi aseSodoma abaleka, agcumukela kulemigodzi, lamanye abalekela etintsabeni.

Numeri 13:18

Hlolisisani kutsi lelo live linjani, nekutsi labantfu labahlala kulo bacinile yini nome babutsakatsaka, nekutsi bambalwa yini nome banyenti.

Numeri 13:29

Ema-Amaleki ahlala eningizimu nelive; emaHethi, nemaJebhusi, nema-Amori wona ahlala eveni letintsaba, emaKhenani ahlala ngaselwandle, nangasemfuleni iJordane.”

Numeri 14:40

Ekuseni ngeluvivi ngakusasa enyukela etulu acondza eveni letintsaba, afike atsi: “Sonile, sitakuya eveni Simakadze lasetsembisa lona.”

Dutheronomi 1:44

Ema-Amori, labehlala kuleto tintsaba, aphuma anihlasela, anicosha anitselekela njengelibulo letinyosi, anishaya anilahla phansi kusukela eSeyiri kuze kuyewufika eHoma.

Joshuwa 10:40

Ngako Joshuwa wasincoba sonkhe leso sifundza, ngisho nelive letintsaba imbala, nelaseNegevu, lekuyiningizimu yelive, nematsafa langasenshonalanga, nemacele etintsaba kanye nawo onkhe emakhosi akhona. Kwabate ngisho namunye lowasindza. Wabhubhisa bonkhe bantfu bakuleto tindzawo, njengobe Simakadze Nkulunkulu wema-Israyeli abeshito.

Joshuwa 15:3

wewelele eningizimu neMsaho longuFecela, wendlulele eSini uye eningizimu yaseKhadeshi Bhaneya. Wawendlula eHesroni, wenyukele e-Adari, ujike uye eKhakha.

Joshuwa 2:1

Joshuwa, umsa waNuni, wase utfumela tinhloli letimbili ngasense kusuka eShithimu, watsi: “Hambani niyewuhlola lela live, ikakhulu lidolobha laseJerikho.” Ngako-ke tahamba tefika khona, tangenisa endlini kaRahabi, ingwadla, tahlala khona.

Tikhulu 1:15

Akhisa waphendvula watsi: “Ase umane ungisite ngentfo yinye. Njengobe sewungabele indzawo eNegevu, iningizimu nelive lakaJuda, ase umane ungiphe naletiyalu temanti.” Ngako Khalebi wabe sewumnika letiyalu letatingenhla kanye naletatingentansi.

Tikhulu 1:19

Simakadze abenayo imphi yakaJuda. Yadla live letintsaba, kodvwa noko abakhonanga kucosha bantfu bakhona kulawo matsafa, ngobe bantfu bakhona babenetincola tetinsimbi.

Tikhulu 1:9

Emvakwaloko emadvodza akaJuda ehla ayakulwa nemaKhenani labehlala eveni letintsaba, naseNegevu, eningizimu nelive, kanye nasematsafeni labengasenshonalanga.