Numeri 12:8 - Siswati 1996 Bible

⁸ Kuye ngikhuluma umlomo nemlomo, ngikhulume ebaleni, ngingabi ngigega liguma; ubukana nesimo saSimakadze. Nine-ke nisitsatsaphi lesibindzi lesingaka sekukhuluma kabi ngenceku yami, Mosi?”

Numeri 12:8 Referencias Cruzadas

Genesisi 32:30

Jakobe lendzawo wayetsa libito watsi: “yiPheniyeli,” lokusho kutsi: “Ngibonene naNkulunkulu buso nebuso, noko umphefumulo wami waphephiswa.”

Tihlabelelo 17:15

Mine-ke ngiyawububona buso bakho, ngobe ngingulolungile, mhlazana ngivuka ngiyakweneliswa bukhona bakho.

Tihlabelelo 49:4

Ngiyawubeka indlebe yami ngilalele inkhulumo lenenhlakanipho, ngiphenye imfihlakalo ngekudlala lugubhu lwetintsambo.

Eksodusi 19:19

Kukhala kwelicilongo kwaya ngekuya kwandza. Mosi wakhuluma, Nkulunkulu wamphendvula ngelivi.

Eksodusi 20:4

“Ungatenteli sithico, nome umfanekiso walokusezulwini etulu, nome walokusemhlabeni phansi nome walokusemantini ngaphansi kwemhlaba.

Eksodusi 33:11

Simakadze abekhuluma naMosi buso nebuso, njengemuntfu akhuluma nemngani wakhe. Mosi nasabuyele enkambu, lelibhungu lelalingumsiti wakhe, lelalinguJoshuwa, umsa waNuni, lalisala lingesuki kulelithende lekuhlangana.

Eksodusi 33:19

Simakadze waphendvula watsi: “Ngitakwenta kutsi inkhatimulo yebuhle bami bendlule embikwakho ngimemetele libito lami, Simakadze. Ngimentela umusa lowo lengimentela umusa, ngimhawukele lowo lengimhawukelako.

Eksodusi 33:23

Ngitabe sengiyasisusa lesandla sami, ungibone lingemuva, kodvwa buso bami ungeke ububone.”

Eksodusi 34:30

Watsi kube Aroni nawo onkhe ema-Israyeli babone Mosi kutsi sikhumba sebuso bakhe siyakhatimula, besaba kusondzela kuye.

Taga 1:6

khona batekuvisisa kahle letaga, nemifanekiso, nenchazelo yaletimphicabadzala.

Isaya 40:18

Ungamfanisa nabani-ke Nkulunkulu? Ungamlinganisa nasiphi-ke sitfombe?

Isaya 46:5

“Nitangilinganisa nabani-ke, nome-ke ngubani lengilingana naye? Nitangifananisa nabani kwekutsi singaze silinganiswe naye?

Hezekeli 17:2

“Ndvodzana yemuntfu, beka imfumbe, utjele indlu yaka-Israyeli umfanekiso.

Hezekeli 20:49

Ngase ngitsi: “Awu, Nkhosi, Simakadze! Bakhuluma ngami batsi: ‘Utsi akakhulumi tinganekwane nje yena lo?’ ”

Hoseya 12:13

Simakadze wasebentisa umphrofethi kuze abuyise Israyeli amkhiphe eGibhithe, wamnakekela ngesandla semphrofethi.

Numeri 14:14

Loko ayakukutjela letive letakhe kulelive. Nabo labantfu bakulesive sebevile kutsi wena, Simakadze, usemkhatsini walesive nekutsi wena, Simakadze, ubonakala kuso buso nebuso; lifu lakho lihlala etikwabo, nekutsi emini uhamba embikwabo ngensika yelifu, bese kutsi ebusuku uhambe embikwabo ngensika yemlilo.

Numeri 7:89

Ngesikhatsi Mosi angena ethendeni lekuhlangana kuyawukhuluma naSimakadze, weva livi likhuluma naye liphuma esihlalweni semusa lesasisetikwelibhokisi lesivumelwane emkhatsini wemakherubhi lamabili. Bakhulumisana.

Matewu 13:35

kuze kugcwaliseke loko lokwakhulunywa ngemprofethi kutsi: “Ngiyawukhuluma ngemifanekiso, ngiphumisele lokufihlakele seloku kwasekelwa umhlaba.”

Lukha 10:16

Wase utsi kubafundzi bakhe: “Lonilalelako, ulalela mine; longanemukeli, akemukeli mine; nalowo longangemukeli, akamemukeli nalowo longitfumile.”

Johane 1:18

Kute lowase wabona Nkulunkulu, ngaphandle kweNdvodzana letelwe yodvwa lenguNkulunkulu, lesesifubeni seYise, ngiyo lembonakalisile.

Johane 15:15

Kusukela manje angisete nganibita ngekutsi nitisebenti, ngobe phela sisebenti asati kutsi umphatsi waso wentani. Esikhundleni saloko nginibita ngekutsi nitihlobo tami, ngobe senginitjele konkhe lengikuve kuBabe.

Johane 15:24

Kube bengingakenti imisebenti lemikhulu lengazange seyentiwe ngumuntfu emkhatsini wabo, ngabe bate licala lesono, kodvwa manje sebangibonile base batondza naBabe.

1 kubaseKorinthe 13:12

Ngobe nyalo sibona esibukweni kaluvitsi, kodvwa ngale siyawubukana buso nebuso. Nyalo ngati lokuncane, kepha ngale ngiyawukwati ngalokuphelele, njengobe ngatiwa ngalokuphelele.

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

Dutheronomi 18:15

Simakadze Nkulunkulu wenu uyawunivusela umphrofethi lonjengami emkhatsini wabomnakenu. Kufanele nimlalele.

Dutheronomi 34:10

Kusukela ngaleso sikhatsi kute umphrofethi lowaphindza wavela ka-Israyeli waba njengaMosi lobekatiwa nguSimakadze buso nebuso,

Dutheronomi 4:15

“Ngako-ke ticaphelisiseni nine, ngobe anibonanga simo salutfo mhlazana Simakadze akhuluma nani asemlilweni entsabeni yaseHorebe.

Dutheronomi 5:8

“ ‘Ungatenteli sithico lesinesimo salokusezulwini etulu, nome salokusemhlabeni phansi, nome emantini ngaphansi kwemhlaba.

KubaseKholose 1:15

INdvodzana ingumfanekiso waNkulunkulu longabonwa ngemehlo enyama, futsi ngiyo yematubulo ayo yonkhe indalo.

1 kubaseThesalonika 4:8

Ngako-ke lomelana naloku, akamelani namuntfu, kodvwa umelene naNkulunkulu lonipha Moya wakhe Longcwele.

1 kuThimothi 6:16

Nguye yedvwa longabhubhi lohlala ekukhanyeni lekungasondzeleki kuko, longazange asabonwe ngumuntfu, nalongeke abonwe ngumuntfu. Kuye akube ludvumo nemandla aphakadze. Amen.

KumaHebheru 1:1

Endvulo Nkulunkulu wakhuluma kubokhokho betfu ngebaphrofethi, ngetikhatsi letinyenti nangetindlela letinyenti.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

2 yaPhetro 2:10

ikakhulu labo labahamba etinkhanukweni temvelo tekutingcolisa, bedzelela baphatsi. Bangemaphikankhani, bayatigcabha, abesabi nekuhlambalata benkhatimulo;

YaJuda 1:8

Benta njalo-ke nalabantfu; banemibono emaphusheni abo lebenta bahlazise imitimba yabo. Abafuni nekuyalwa yiNkhosi. Bayawedzelela emandla aNkulunkulu, betfuka netidalwa tangetulu tenkhatimulo.