Numeri 12:6 - Siswati 1996 Bible

⁶ Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Numeri 12:6 Referencias Cruzadas

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

Genesisi 20:7

Manje-ke, mncandzekise lomfati walendvodza, ngobe ingumphrofethi; itakuthandazela bese uyaphila. Kodvwa nawungamncandzekisi, ubovele wati kutsi utakufa, wena nebantfu bakho.”

Genesisi 28:12

Wabhudza abona liladi limiswe emhlabatsini, laze lefika ezulwini, wabona tingilosi taNkulunkulu tehla tenyuka ngalo.

Genesisi 28:16

Jakobe waphaphama ebutfongweni, watsi: “Kantsi Simakadze ukulendzawo, bengingakwati-ke loku.”

Genesisi 37:5

Ngalelinye lilanga Josefa wabhudza; watsi nakabatjela labomnakabo, bamtondza kakhulu futsi.

Genesisi 37:9

Josefa waphindze wabhudza, wabatjela watsi: “Ase nginitjele nali lelinye liphupho. Ngibhudze lilanga, nenyana, netinkhanyeti leti-11 tingikhotsamela.”

Genesisi 46:2

Nkulunkulu wakhuluma ku-Israyeli embonweni ebusuku, watsi: “Jakobe! Ye Jakobe!” Waphendvula watsi: “Ngilapha!”

2 Samuweli 7:4

Ngalobo busuku kwefika livi laSimakadze kuNathani, latsi:

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.

1 Emakhosi 3:5

Simakadze watibonakalisa kuSolomoni ebusuku ngesimo seliphupho, ngesikhatsi aseGibeyoni. Nkulunkulu wakhuluma kuye, watsi: “Cela nome ngabe yini lofuna kutsi ngikuphe yona.”

Jobe 33:15

Ukhuluma ngemaphupho nangemibono yasebusuku, bantfu nabalele emacansini abo, badvodla butfongo etingutjeni tabo.

Jobe 4:13

Kwatsi emkhatsini wekuvinjetelwa kwami ngemaphupho ebusuku, ngesikhatsi bantfu behlelwa ngulobukhulu butfongo,

Tihlabelelo 105:15

Watsi: “Ningabatsintsi labagcotjiwe bami, ningacali nilimate baphrofethi bami.”

Tihlabelelo 89:19

Endvulo wase wakhuluma embonweni, kuye lowetsembekile wakho, watsi: “Ngimsitile, ngambeka lolichawe, ngamphakamisa lotsandzekako wami.

Eksodusi 7:1

Simakadze wakhuluma kuMosi, watsi: “Buka la, wena ngitakwenta ufane naNkulunkulu kuFaro; Aroni, umnakenu, yena abe ngumphrofethi wakho.

Jeremiya 23:25

“Ngikuvile loko lokushiwo baphrofethi, nabaphrofetha emanga egameni lami. Batsi: ‘Ngiphuphile! Ngiphuphile!’

Jeremiya 23:28

Umphrofethi loneliphupho akakhulume liphupho lakhe, kodvwa lowo lonelivi lami akakhulume lona ngekwetsembeka. Ngobe empeleni emakhoba ayini nje kukolo?” kusho Simakadze.

Hezekeli 1:1

Ngemnyaka wema-30, enyangeni yesine, ngelilanga lesihlanu, ngangisesemkhatsini walababetfunjiwe, ngasemfuleni iKhebari, kwavuleka emazulu, ngabona imibono yaNkulunkulu.

Danyela 10:8

Ngako ngatikhandza sengisele ngedvwa ngigolotele lombono lomkhulu kangaka ngingenamandla, buso bami bagwala baba bovu tju, ngaba yingici.

Danyela 2:19

Kwatsi ebusuku lemfihlakalo yembulwa kuDanyela ngembono. Danyela wadvumisa Nkulunkulu welizulu,

Danyela 7:1

Kwatsi ngemnyaka wekucala waBhelshasari, inkhosi yaseBhabhulona, Danyela wabhudza liphupho, kwendlula imibono engcondvweni yakhe aselele embhedzeni wakhe ngalobo busuku. Walibhala phansi leliphupho alandzisa lobekucuketfwe ngilo leliphupho.

Danyela 8:2

Embonweni wami ngatibona mine ngisenqabeni yaseSusa esifundzeni sase-Elamu; kulombono ngangiseceleni kwemfula, i-Ulayi.

Hoseya 12:11

Gileyadi ukhohlakele yini? Bantfu bakhe akusibantfu balutfo! Bayayenta imihlatjelo yetinkunzi eGilgali, ngako-ke emalati abo ayawufanana netincumbi tematje lasensimini lelinyiwe.

Joweli 3:1

“Kulawo malanga nakuleso sikhatsi nasengibuyisela tibusiso kulakaJuda naseJerusalema,

Zakhariya 1:8

Kwatsi ebusuku ngaba nembono, kwatsi embikwami ngabona indvodza leyayigibele lihhashi lelibovu! Yayime emkhatsini wetihlahla temibomvana, emfudlaneni. Emvakwayo bekunemahhashi labovu, nalabubendze, nalamhlophe.

Numeri 24:4

Umlayeto walowo lova emavi aNkulunkulu, lowo lobona umbono waSomandla, lowo lokhotsamako, lonemehlo lavulekile.

Matewu 1:20

Kodvwa asakucabanga loko, kwefika ingilosi yeNkhosi kuye ngeliphupho yatsi: “Josefa, ndvodzana yaDavide, ungesabi kumtsatsa Mariya umkakho, ngobe loko lakukhulelwe kwaMoya Longcwele.

Matewu 2:19

Kwatsi kube kufe Herodi, ingilosi yeNkhosi yabonakala kuJosefa ngeliphupho eGibhithe

Matewu 23:31

Kanjalo nitifakazela nine kutsi ningemadvodzana alabo lababulala baphrofethi.

Matewu 23:34

Ngako nginitjela kutsi: Ngiyawunitfumelela baphrofethi, netati, nebafundzisi. Labanye babo niyawubabulala, nibabetsele etiphambanweni, labanye nibabhambabule emasinagogeni enu. Niyawubatingela emadolobha ngemadolobha;

Matewu 23:37

“Jerusalema, Jerusalema! Wena lobulala baphrofethi, ubagcobe ngematje labatfunywe kuwe! Kukangaki ngifisa kubutsela ndzawonye bantfu bakho, njengesikhukhukati sifukamela emantjwele aso, kodvwa awuzange sewungivumele!

Matewu 27:19

Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”

Lukha 1:11

Ingilosi yeNkhosi yabonakala kuye, ime ngesandleni sekudla selilati lapho kwakushiselwa khona imphepho.

Lukha 1:22

Waphuma angasakwati kukhuluma, ngako bavele bati kutsi wembulelwe umbono ethempelini. Njengobe abesasimungulu, wavele wakhuluma nabo ngetandla.

Lukha 20:6

Kodvwa nasitsi: ‘Laliphuma kubantfu,’ sonkhe lesicumbi sebantfu sitasigcoba ngematje, ngobe bayakholwa kutsi Johane abengumphrofethi.”

Imisebenti yebaPhostoli 10:11

Wabona lizulu livulekile kwehla intfo leyayifana nendvwangu lenkhulu kusengatsi ilengiswe ngemakona ayo omane yehliselwa emhlabeni,

Imisebenti yebaPhostoli 10:17

Phetro kwammangalisa kutsi usho kutsini lombono lawubonile. Ngaso leso sikhatsi lamadvodza labetfunywe nguKhoneliyuse abesawutfolile lomuti waSimoni aseme emnyango.

Kubase-Efesu 4:11

Nguye futsi lowapha labanye kutsi babe baphostoli, labanye babe baphrofethi, labanye babe bavangeli, labanye babe belusi, labanye babe bafundzisi.

Dutheronomi 18:15

Simakadze Nkulunkulu wenu uyawunivusela umphrofethi lonjengami emkhatsini wabomnakenu. Kufanele nimlalele.

Dutheronomi 18:18

Ngiyawubavusela umphrofethi lofanana nawe emkhatsini wabomnakabo. Ngiyawufaka emavi ami emlonyeni wakhe, uyawube sewubatjela konkhe loko lengimyala ngako.

KumaHebheru 1:1

Endvulo Nkulunkulu wakhuluma kubokhokho betfu ngebaphrofethi, ngetikhatsi letinyenti nangetindlela letinyenti.

Sembulo 11:10

Bantfu labahlala emhlabeni bayawukutsakasela kufa kwabo labo bofakazi. Bayawugubha imikhosi, bephane netipho, ngobe phela labaphrofethi lababili bese babahluphile emhlabeni.

Sembulo 11:3

Bofakazi bami lababili labembetse emasaka ngiyawubanika emandla ekuphrofetha emalanga layi-1 260.”

1 Samuweli 28:6

Sawula wase ubuta kuSimakadze, kodvwa Simakadze akazange amphendvule ngisho nangemaphupho, nome nge-Urimu, nome ngebaphrofethi.

1 Samuweli 3:15

Samuweli walala kwaze kwasa; kwase kutsi nakusa, wahamba wayakuvula iminyango yendlu yaSimakadze. Wesaba kutjela Eli lombono,

1 Samuweli 3:21

Simakadze waphindze watibonakalisa eShilo; ngobe lapho Simakadze watembula kuSamuweli ngelivi laSimakadze.