Numeri 12:10 - Siswati 1996 Bible

¹⁰ Latsi lisuka nje lelifu ethendeni lekuhlangana, Miriyamu wabe asamhlophe hhu lokusabulephelo wonkhe umtimba, asamhlophe njengesitfwatfwa. Aroni wagucukela kuMiriyamu, wamkhandza asatse hhu wonkhe umtimba.

Numeri 12:10 Referencias Cruzadas

2 Emakhosi 15:5

Simakadze washaya inkhosi ngesifo lesisabulephelo, kwaze kwaba lilanga leyafa ngalo, yase ihlala endlini yayo yodvwa. Kwase kunguJothamu, umsa wayo, labesengamele sigodlo, sekunguye nalobusa sive eveni.

2 Emakhosi 5:27

Bulephelo baNamani sebutawunamatsela kuwe kanye nasetitukulwaneni takho siphelane.” Watsi Gehazi nakaphuma, esuka embikwa-Elisha, wabe asanebulephelo asamhlophe njengangcocwane.

2 Emakhosi 7:3

Kwakukhona emadvodza lamane labenesifo lesisabulephelo labehlala ngasesangweni lelidolobha. Akhulumisana odvwana atsi: “Sitawuhlalelani lapha size sife?

Eksodusi 4:6

Simakadze wachubeka wakhuluma kuMosi watsi: “Faka sandla sakho esifubeni sakho.” Mosi wenta njalo; watsi uyasikhipha sandla, saphuma sesinebulephelo, sesimhlophe njengangcocwane.

Hoseya 9:12

Nome ngabe bakhulisa bantfwana babo, ngiyawubemuka bona kungasali muntfu. Maye kubo, mhlazane ngibafulatsela.

Numeri 5:2

“Yala ema-Israyeli uwatjele kutsi wonkhe umuntfu lonesifo salokusabulephelo nome lonekuvuta nome kwaluphi luhlobo, nome longcole ngenca yesidvumbu latsintsene naso, akacoshwe akhishelwe ngephandle kwenkambu.

Matewu 25:41

“Iyawutsi kulaba labangesancele: ‘Khweshani kimi, nine labacalekisiwe, niye emlilweni waphakadze lolungiselwe Sathane netingilosi takhe!

Dutheronomi 24:9

Khumbulani loko lokwentiwa nguSimakadze Nkulunkulu wenu kuMiriyamu endleleni ngesikhatsi seniphumile eGibhithe.