Numeri 12:1 - Siswati 1996 Bible

¹ BoMiriyamu na-Aroni bakhuluma kabi ngaMosi, bamsola kutsi abetsetse umfati labengumKushe. Phela Mosi bekashade umfati labengumKushe.

Numeri 12:1 Referencias Cruzadas

Genesisi 24:3

Ngitekufungisa Simakadze longuNkulunkulu welizulu nemhlaba, kutsi ungacali utsatsele indvodzana yami umfati emkhatsini wemadvodzakati emaKhenani, lengihleti emkhatsini wawo.

Genesisi 24:37

Inkhosi yami yangifungisa yatsi: ‘Ungayitsatseli indvodzana yami umfati kuletintfombi taseKhenani, kulelive lengihleti kulo.

Genesisi 27:46

Rebheka watsi ku-Isaka: “Ngidziniwe kuphila ngenca yalabalukatana baka-Esawu labatsatsa kumaHethi. Nangabe naJakobe angatsatsa umfati emkhatsini walamaHethi, lafanana nalawa lengihleti nawo, kungaba ncono ngimane ngife lokungenani!”

Genesisi 41:45

Faro wetsa Josefa libito watsi nguSafenathi Phaneya; wamendzisela Asenathi, indvodzakati yaPhotifera, umphristi wase-Oni. Ngako-ke Josefa waphuma wahamba kulo lonkhe laseGibhithe.

Eksodusi 2:16

kwase kufika emantfombatana lasikhombisa emphristi wakaMidiyani. Lamantfombatana abetewugcwalisa emanti emikhunjini, khona kutewunatsiswa imihlambi yetimvu neyetimbuti teyise.

Eksodusi 2:21

Ngako Mosi wavuma kuhlala ekhaya kalendvodza. Rehuweli wamendzisela intfombi yakakhe lekwakunguSiphora.

Eksodusi 34:16

Emadvodzana enu ningawatsatseli bafati emadvodzakatini abo, ngobe uma labantfu sebaphinga nome bagwadla ngekukhonta letithico tabo, nalamadvodzana enu atawudvonseleka kuloko.

Levithikusi 21:14

Akayiwushada nemfelokati nome nemfati lowehlukene nendvodza yakhe nome umfati longcoliswe bugwadla, kodvwa uyawushada nentfombi yesive sakubo lengazange ilale nalomdvuna,

Numeri 14:22

kute nome munye walabantfu lababona inkhatimulo yami netibonakaliso letiyimimangaliso lengatenta eGibhithe nasehlane kodvwa bangete bangilalela, bangilinga emahlandla lalishumi,

Numeri 16:2

bavukela Mosi. Babutsa bantfu labanyenti labebatiwa esiveni sonkhe, kwaba ngema-Israyeli labengema-250, lababengubona bakhetsiwe batinhloko.

Numeri 26:59

Umka-Amramu bekunguJokhebedi, umtukulu waLevi lowatalelwa emndenini wemaLevi baseseGibhithe. Jokhebedi watalela Amramu bo-Aroni, naMosi kanye naMiriyamu, dzadzewabo.

Matewu 10:36

Titsa letinkhulu temuntfu kuyawuba bakabo.

Matewu 12:48

Kepha yena waphendvula watsi: “Ngubani make? Bobani bomnaketfu?”

Johane 15:20

Khumbulani livi lenganitjela lona kutsi: ‘Kute sisebenti lesikhulu kunemcashi waso.’ Nangabe mine bangihlupha, nani futsi bayawunihlupha; nangabe bawagcina emavi ami, newenu bayakuwagcina.

Johane 7:5

Ngisho nabomnakabo imbala, babengakholwa kuye.

KubaseGalathiya 4:16

Kungabe sengigucuke ngaba sitsa senu ngekunitjela liciniso yini?