Numeri 11:22 - Siswati 1996 Bible

²² Beyingabenela yini inyama kube bekungahlatjwa yonkhe imihlambi yetimvu, netimbuti, netinkhomo? Betingabenela yini tona tinhlanti tonkhe telwandle lebetingabanjelwa bona?”

Numeri 11:22 Referencias Cruzadas

2 Emakhosi 7:2

Lendvuna, inkhosi leyayicamele emkhonweni wayo, yakhuluma ku-Elisha, yatsi: “Buka la: Ngisho nome Simakadze abengavula onkhe emafasitelo emvula ezulwini, loko bekungenteka yini?” Elisha waphendvula watsi: “Utatibonela wena ngemehlo akho. Kodvwa wena awuyikudla lutfo lwako!”

Numeri 11:13

Ngingayitsatsaphi nje inyama lengenela bonkhe labantfu? Bayangikhalela batsi: ‘Siphe inyama sitekudla.’

Numeri 11:21

Kodvwa Mosi wakhuluma watsi: “Naku lapha ngihola emadvodza lati-600 000, lahamba ngetinyawo, kodvwa ujinge utsi: ‘Ngitawubanika inyama labatayidla inyanga yonkhe!’

Numeri 11:23

Simakadze waphendvula Mosi watsi: “Sandla saSimakadze sifishane yini? Utase ubone-ke kutsi loku lengikushoko kutakwenteka ngempela yini kuwe, nome cha!”

Matewu 15:33

Bafundzi bakhe batsi kuye: “Konje lapha ehlane singakutfolaphi nje kudla lokungenela lesicumbi sebantfu lesingaka?”

Makho 6:37

Kepha Jesu wabaphendvula watsi: “Banikeni nine labangahle bakudle.” Batsi bona: “Singaya yini kuyawutsenga tinkhwa ngabodenariyo labangema-200 sibanikete badle?”

Makho 8:4

Bafundzi bakhe bamphendvula batsi: “Kepha vele, umuntfu angabaphani la ehlane, kute netinkhwa nje?”

Lukha 1:18

Zakhariya watsi engilosini: “Ngiyawukwati ngani kutsi loku kungiko? Mine nemkami sesibadzala kakhulu.”

Lukha 1:34

Mariya wase utsi engilosini: “Kepha loko kungenteka kanjani ngingakahlangani nendvodza?”

Johane 6:9

“Kukhona umfana lapha lonetinkhwa tebhali letisihlanu netinhlanti letimbili. Kepha kungentani loko, bantfu babanyenti kangaka nje?”