Numeri 11:13 - Siswati 1996 Bible

¹³ Ngingayitsatsaphi nje inyama lengenela bonkhe labantfu? Bayangikhalela batsi: ‘Siphe inyama sitekudla.’

Numeri 11:13 Referencias Cruzadas

2 Emakhosi 4:43

Inceku yakhe yabuta, yatsi: “Ngingabaphakela kanjani lentfo lencane bantfu labalikhulu?” Kodvwa Elisha waphendvula, watsi: “Nika labantfu badle. Ngobe nguloko lokushiwo nguSimakadze, utsi: ‘Bayawukudla, kuze kusale.’ ”

2 Emakhosi 7:2

Lendvuna, inkhosi leyayicamele emkhonweni wayo, yakhuluma ku-Elisha, yatsi: “Buka la: Ngisho nome Simakadze abengavula onkhe emafasitelo emvula ezulwini, loko bekungenteka yini?” Elisha waphendvula watsi: “Utatibonela wena ngemehlo akho. Kodvwa wena awuyikudla lutfo lwako!”

Numeri 11:20

kodvwa niyakuyidla inyanga yonkhe, ize iphume nangemakhala, inenyanyise, ngobe senimlahlile Simakadze losemkhatsini wenu, nakhala kuye natsi: “Empeleni saphumelani khona lena eGibhithe?” ’ ”

Numeri 11:21

Kodvwa Mosi wakhuluma watsi: “Naku lapha ngihola emadvodza lati-600 000, lahamba ngetinyawo, kodvwa ujinge utsi: ‘Ngitawubanika inyama labatayidla inyanga yonkhe!’

Numeri 11:22

Beyingabenela yini inyama kube bekungahlatjwa yonkhe imihlambi yetimvu, netimbuti, netinkhomo? Betingabenela yini tona tinhlanti tonkhe telwandle lebetingabanjelwa bona?”

Matewu 15:33

Bafundzi bakhe batsi kuye: “Konje lapha ehlane singakutfolaphi nje kudla lokungenela lesicumbi sebantfu lesingaka?”

Makho 8:4

Bafundzi bakhe bamphendvula batsi: “Kepha vele, umuntfu angabaphani la ehlane, kute netinkhwa nje?”

Makho 9:23

Jesu watsi kuye: “Utsi: ‘Nakukhona longakwenta.’ Phela konkhe kuyenteka kulowo lokholwako.”